2Masaa 20:1 - BII BILA

¹ O telen kon, mí Esekia del a nàà piɔ́mndo. Mí vana-tɛɛngaa-diom Hala-o Esai, po Amɔt-o hun o ndu lo, mó dimul aa: «Mɛlɛka dimi aa nɔm congun yungu nɔmndo, kani a singunin a naa ho le, vuo n co ni.»

2Masaa 20:1 Referans Kwoze

Filipea 2:27

I co toɲa maa mí ndóò naa taw, o va le vuo. Kɛ mí Hala tuinun ndu iɲíí, o co yɛ ka ndu le o tuinun iɲíí le, ya bɛɛ mó tuinun ya iɲíí, yɔŋii yáà sɔla kɔl tambɛi celen o hoo kɔɔli.

2Masaa 19:20

Mí Esai po Amɔt-o viam vanndo o Esekia lo a diomndo ho aa: «Diom Mɛlɛka Hala Israɛlla dimi-o co hoo ni aa: ‹I tuei piɛile n piɛi ya le masaa Asiri len, Sennakerib pɛɛn.

2Samiɛl 17:23

Tuma Ahitofɛl ce maa vannda bii sila ndɔɔ loo, mó dovi sofɛlɛ ndɔɔ, mó muungun o ndu lo ciee. Mɛɛ o tiiya, mó congun yungu ndɔɔ, mó kɔ landun, mó vu. Má kumbu ndu o sɛi fuɲa ndɔ-o nin.

Filipea 2:30

kani le baala Krista-o o va le piɔ́mndo sɔlaa ni. Yoomu ndɔɔ va le ndu hiɔlɔnndo o ya malaa, mala niaa pilaa tiwnin ba loo.

2Masaa 19:2

Mó viam Eliakim, simlacinɔ cɛi lemasaa, Sɛbna vana sɛvaa a kaasoŋaa kɔlkalua o vanaa-solia-lasálàá tɛɛn o Esai vana-tɛɛngaa-diom Hala-o lo, po Amɔt-o pɛɛn. Vanaa kan bɛɛ volɔɔla biisilan la va nda lekɔɔ.

2Masaa 20:2

Mí Esekia muli hɔlla o cìì cɛiyo, mó piɛi Mɛlɛka aa:

Tɔŋ miingua 31:14

Mí Mɛlɛka dimul Moise aa: «Tuma n bɛnda le vuo-o tiiya. Lelan, veelu Yosue mì la kɔɛ o cɛi-kola-toandaa-labɔɔŋianndo nin, lon ya dimulnin ndu ɲɛ o bɛnda le tosaa-o ni.» O kon, mí Moise nda Yosue a kɔa o cɛi-kola-toandaa-labɔɔŋianndo, má luɛi, má sim lenin.

Tɔŋ miingua 31:16

Mí Mɛlɛka dimul Moise aa: «Má cè nɔm hunɔɔ fuɲaa nɔmnda diomɔɔ ciee-piɔ́m! Te nɔm vi pɛ, vannda co lakɔ laasian ma soolu halaa fondoa o lɛŋnde nda co lakɔ luɛyɔɔ nin-nden nin. A faŋannin ya kɔɔli mà tɛɛmbuu kpema ya yii a nda-o.

2Masaa 1:4

Lelan diom Mɛlɛka dimi-o co hoo ni aa: ‹Kpele n hini hoo coo-o, a tul-lɛnin lecoo le few, vuo n co ni kangalan!›» Mí Elii kɔannun.

2Masaa 1:16

Mí Elii dimul masaa aa: «Diom Mɛlɛka dimi-o co hoo ni aa: ‹Le tùú n vem vannda le kɔlan yavaa vomɔɔ o Baal-Sebub, hala co Ekrɔn-ndo lo-o, vana ca ko aa Hala co Israɛl le ndu isɔɔ ɲuna le, a tul-lɛnin o kpele n hini ho coo-o coo le few, vuo n co ni kangalan!›»