2Masaa 2:9 - BII BILA

⁹ Mɛɛ nda taŋ, mí Elii dimul Elise aa: «Dimul-la ɲɛ n yeema mì tosal nɔm-ndo lɔ́ɔ́ pá Mɛlɛka faŋa ya nɔm ikɛi.» Mí Elise mulul ndu aa: «I yeema mì kɔl co nɔm nin-ndo vangalan lediin, mò tol-la coo.»

2Masaa 2:9 Referans Kwoze

Kundalan 11:17

I toalnin ndon mì soo o nɔm ndo, mì cua kɔl ya yɔngu nɔm nin-ndo o tiŋ, mì yɔngu nda ndu, haliko ma mala nɔm sɔɔn vannda ha toosiaa. O kon, vallo ve lɛnin le nɔm pilɛ kínɛí le.

Tɔŋ miingua 21:17

Kɛ o bɛnda mò sina maa po ndɔ tasoo co po tase lanɔ o kaola loo ni. O kon, mò yɔngu ndu ɲɛm ndɔn kundalan latiɔn hiovɔɔ o pilɔɔ coo, kani ndu co po tase o velu a yoomuma ndɔma ivanapɔnɔyan-ndo ni. Lelan, ndu bɛnda ni mo sɔla fonda ikaasonyaa.»

Nsaŋ 16:7

Kɛ nduyɛ, toɲaa ya co niaa dimullo ni: o co fisa le niaa mì kɔɛ, kani te i koe le, vana ɲɔɔlaa hinnin o niaa lo le, kɛ te i kɔɛ pɛ, i kɔ yɔŋ niaa ndu.

Dɛnnda kiilaa 8:17

O kon mí Piɛr nda Nsaŋ handu nda balan coo, má sɔla Hala Kɔl-Diandaa.

Sakari 12:8

O palɛi ken nin, Mɛlɛka kandanin vanaa nɔ mayoomu le-a vanaa vanin icali Yerusalɛm-nda tɛɛn. Nda vanin ɲinkon maa David. Polale David len le vanin ɲinkon nda o hɔl maa Hala pila, maa mɛlɛkanɔ Hala-o.»

Kundalan 11:25

Mí Mɛlɛka toal o kumnde nin, mó soaa o ndu Moise lo, mó cua kɔl va ndu nin-ndo o tiŋ, mó yɔngu kaasoŋaa kɔlkalua belaŋɔmmɛvaa kan ndu. Mɛɛ kɔl Hala-o tol nda coo, má soaa o kpaaya ndɔɔ bɛngu maa vanaa-tɛɛngaa-diom Hala. Bɛmbɛ lepilɛ kon kínɛí ken tosalan nda ni.

1Timote 5:17

Kaasoŋaa kɔlkalua co sɔɔn vanaa laalannda simndan laci ɲɛkɛndɛi-ya a nɔ bɛɛlen sala tiɔn, kɛ taama-taama a co diom Hala-o dimio mà va ndu vannda pɛɛkoo-a.

1Korɛntea 12:31

Lelan, yeemɛi bii niaa le valta hiow naŋɔɔ lan nuwviaa. Kɛ i co nihau niaa nɛi hiow naŋɔɔ-o cɔm.

Dɛnnda kiilaa 1:8

Kɛ la sɔlanin kpaayaa lɔ́ɔ́ Kɔl-Diandaa toalnin niaa coo-o. O kon, la siŋnunnin seyaa nia Yerusalɛm ciee, o tàndá Yuda-o nin a o lɛŋnde Samari len nin kpow, kɔlan tiiyaa háá o lɛŋnden mɛɛlulan.»

Sakari 9:12

Lelan, niaa vanaa kaasoaa nɔ tiindanndo-a, la muungu o kobi niaa kungan a kpakio-o nin. Hau vɛlɛ i co ndi dimi, i vangalanin dɛnɛ kɛndɛ niaa bɛmbɛ lediin le sanga niaa sɔla-o.

Condii lisai 72:20

Nanu David, po Yisai-yo mɛɛlu piɛilen ni.

1Masaa 3:9

Lelan, i tɛɛlun nɔm, yandi, ke ya vana baala nɔmndo kɔl taasio le masalen caa tosaa vanaa nɔmnda coo, mì handu pɛɛngulan dɛnɛ kɛndɔɔ a dɛnɛ vɔɔndo tɛɛn. Kani te o co lende le, nɛ̀ɛ́-nɛ̀ nɔlà yɛ masalen tosaa vanaa nɔmaa co haa sɛ́lɛ́ bɛndoo-a coo?»

Tɔŋ miingua 34:9

Yosue po Nun-ndo ndóò pɛ a yiyan kɔlkaloo taw, kani balan Moise ndóò handu ndu o lebol ni. Kandɔɔ paale len, mí Israɛlla bii ndu diom maa mɛɛ Mɛlɛka ndóò dimul Moise le tosaa yɛ kpafii.

Condii lisai 72:1

Condii Salomɔm-nde. Éé Hala, tosa mì masaa caa yaman kiolɔɔ maa num pila. Tosa mì poaa masaa sina dɛnɛ sandaa.

1Masaa 19:16

O ndu kɔɔli, à pɔla Yehu po Nimsi-o, mì ndu siŋnun masaa Israɛlla coo, mà pɔla vɛlɛ Elise po Safat-o, po imama Abɛl-Mehola-o, mì ndu siŋnun vana-tɛɛngaa-diom Hala-o o fonda nɔmndo.