2Masaa 2:5 - BII BILA

⁵ Mí vanaa-tɛɛngaa-diom Hala-a va Yeriko-a sɔɔnguu Elise ikɛi, má ɲuna ndu aa: «A sina pá maa Mɛlɛka co hau vana nɔm bɛndoo faŋa nɔm ikɛi mò heelu ndu o halataala?» Mó muli aa: «Oi, ya bɛɛ i sina nihau, niaa meinun tuŋ!»

2Masaa 2:5 Referans Kwoze

2Masaa 2:3

Mí vanaa-tɛɛngaa-diom Hala va Betɛl-la fula Elise bɔŋa, má ɲuna ndu aa: «A sina pá maa Mɛlɛka co hau vana nɔm bɛndoo faŋa nɔm ikɛi mò heelu ndu o halataala?» Mó muli aa: «Oi, ya bɛɛ i sina nihau, niaa meinun tuŋ!»

Dɛnnda kiilaa 1:11

má dimul nda aa: «Niaa Kalilea ha, le yɛɛ nɛ niaa co yɛ tofaa o halataala? Yeesu faŋan hoo niaa ikɛi, mó hel o halataala-o hunnin vɛlɛ mɛɛ niaa ce ndu kɔlan o halataala nuaa yɛ.»

Dɛnnda kiilaa 1:2

kɔlan háá paale o hel o halataala len. Lɔ́ɔ́ o hun hel o halataala, mó yɔngu kiilaa ndɔa o hɛli-a silalan o kpaaya Hala Kɔl-Diandaa bɛngu.

Luke 24:51

O lo o nda duaa dɔvɔɔ, mó sɛyan a nda, mó helnun o halataala.

Habakuk 2:20

Mɛlɛka caando co lende le, o co o cɛi ndɔ diandaa nin, lɛŋnden kpow le bɛnda mì le mei ndu o hɔl.

Esai 41:1

Niaa vanaa co o lɛŋii co o mɛnndan kɔngɔ-e nin-nda sei! La mei-yɔ kpili, mì la yaŋ ya nilan! Vannda bɛnda mà sɔla yoomuma sɛnɛi, mà sɔɔnguu, o kon mà soo! N sɔɔngun latulu le kɔɔsɔɔ.

Vana Kɔlkaloo 3:7

Telenndo co le sɛɛsaa, telenndo co le sɔndɔɔ, telenndo co le meiyo, telenndo co le sɔɛi.

O Kandɔɔ 48:19

Kɛ mí fuɲa ndɔ kɛɛ, mó dimi aa: «Po nuu, i sina. I sina válán. Polale Manase len bɛɛ le vanin sɛ́lɛ́ taw, ndu bɛɛ vanin vana tɔ́ɔ́ bɛndoo. Kɛ pɔmbɔ ndɔ hiawnin va vana tɔ́ɔ́ bɛndoo a ndu, vanaa-mangalaa-isɔɔa taw-taw a fulanin o polale pɔmbɔ ndɔlen coo ni.»

Dɛnnda kiilaa 26:25

Mí Pol mulul ndu aa: «Vana bɛndoo, i seema le. Sɔɔn kɔlkalon a sɔɔn toɲan ya co dimio nuaa ni.

1Samiɛl 10:5

Lɔ́ɔ́ n tiiyanin Kibea-Elohim nɛɛ vanaa kùndàá Filistia co-a-o, la co lo ciee-lekɔɔ, mì la bɔŋan niaa vanaa-tɛɛngaa-diom Hala-a, mà va fulaa o fonda biilaa, mì vanaa lɔaa labangaa, vanaa lɔaa ladundua, vanaa hɔŋaa masɛ̀ŋnda a vanaa lɔaa n'bɔ̀mbilla va kɔlan nda laci. Nda pila vanaa-tɛɛngaa-diom Hala-a kan vanin diom Hala-o tɛɛnguuo.

Amɔs 7:14

Mí Amɔs mulul Amasia aa: «I co vana-tɛɛngaa-diom Hala le, i co vɛlɛ po vana-tɛɛngaa-diom Hala le. Vana mandaa n'cɔloo a vana buulua n'buumbuuo ya co ni.

1Masaa 20:35

Tuma kon, mí vana-tɛɛngaa-diom Hala-o pum dimul caan ndɔ vana-tɛɛngaa-diom Hala-o aa: «Mɛlɛka dimi aa nɔm lɔɔ ya.» Kɛ mí caan ndɔ kalaa kɛɛ le ndu lɔɔ.

2Masaa 4:1

Paale pum, mí vanalanɔ pum komal Elise. Vanalanɔ kon pɔnɔ ndɔ va vana pilɛ o kunda vanaa-tɛɛngaa-diom Hala-a pum nin, kɛ mí pɔnɔ kon vu. Mɛɛ o kɔɛ o Elise lo, mó ɲɔɔlu ndu aa: «Vana nɔm baalaa, o yɔŋnun pɔnɔ nuu-o vi, nduyɛ nɔm pila sina maa vana nɔ siòòŋii Mɛlɛka-e-o vana nɔm baala kon va ni. Vana naa n cua lɔ́ɔ́ kon kueo o ba-o hin le poaa nia ŋiɔnda biyɔɔ, le kɔlan nda siinguuo cɛa ndɔa.»

2Masaa 5:22

Mí Kehasi muli aa: «N co kɛndɛ! Vana ni bɛndoo vem ya ni aa ya hun dimul nɔm aa langbaa nda ŋiɔn koma hun ndu o bɛngu coo fulaa o kunda vanaa-tɛɛngaa-diom Hala-a nin, o tàndá n'pembu Efraim-ndo nin. A yandi, aa nɔm yɔngu ndu volin latámán kilolan beleyaa a volɔɔla cuɛinanndan latiɔn.»

2Masaa 6:1

Paale pilɛ, mí kunda vanaa-tɛɛngaa-diom Hala-a dimul Elise aa: «Tofa vɔ, fonda naa n co hoo icali naa niaa-o dɔɔnan bɔɔ a naa.

2Masaa 9:1

Mí Elise, vana-tɛɛngaa-diom Hala-o veelu vana pilɛ o vanaa-tɛɛngaa-diom Hala-a tɛɛn, mó dimul ndu aa: «Yiinun yáwlen o caŋ, ma cua lee macuɛiyo, ma kɔɛ Ramɔt o tàndá Kalaad-o nin.