2Masaa 2:3 - BII BILA

³ Mí vanaa-tɛɛngaa-diom Hala va Betɛl-la fula Elise bɔŋa, má ɲuna ndu aa: «A sina pá maa Mɛlɛka co hau vana nɔm bɛndoo faŋa nɔm ikɛi mò heelu ndu o halataala?» Mó muli aa: «Oi, ya bɛɛ i sina nihau, niaa meinun tuŋ!»

2Masaa 2:3 Referans Kwoze

2Masaa 4:38

Mí Elise muungu Kilkal, nduyɛ yiaan ma va o tàndà kon nin a telen kon. Mí Kunda vanaa-tɛɛngaa-diom Hala-a pum sɔɔnguu ndu ikɛi. Mó dimul buɛi ndɔɔ aa: «Handu kpɛɛnɛi bɛnduei o yin, mà yowlu naa mbooyaa.»

2Masaa 4:1

Paale pum, mí vanalanɔ pum komal Elise. Vanalanɔ kon pɔnɔ ndɔ va vana pilɛ o kunda vanaa-tɛɛngaa-diom Hala-a pum nin, kɛ mí pɔnɔ kon vu. Mɛɛ o kɔɛ o Elise lo, mó ɲɔɔlu ndu aa: «Vana nɔm baalaa, o yɔŋnun pɔnɔ nuu-o vi, nduyɛ nɔm pila sina maa vana nɔ siòòŋii Mɛlɛka-e-o vana nɔm baala kon va ni. Vana naa n cua lɔ́ɔ́ kon kueo o ba-o hin le poaa nia ŋiɔnda biyɔɔ, le kɔlan nda siinguuo cɛa ndɔa.»

2Masaa 9:1

Mí Elise, vana-tɛɛngaa-diom Hala-o veelu vana pilɛ o vanaa-tɛɛngaa-diom Hala-a tɛɛn, mó dimul ndu aa: «Yiinun yáwlen o caŋ, ma cua lee macuɛiyo, ma kɔɛ Ramɔt o tàndá Kalaad-o nin.

1Masaa 20:35

Tuma kon, mí vana-tɛɛngaa-diom Hala-o pum dimul caan ndɔ vana-tɛɛngaa-diom Hala-o aa: «Mɛlɛka dimi aa nɔm lɔɔ ya.» Kɛ mí caan ndɔ kalaa kɛɛ le ndu lɔɔ.

Dɛnnda kiilaa 22:3

«Yuifinɔɔ ya co ni, Tarse ya velun ni, o lɛŋnde Silisii len nin. Kɛ Yerusalɛm nanu ya sul ni, Kamaliɛl o ba bɛngu, mó pɛɛku ya ɲɛkɛndɛi le kelaa o nɛila tɔŋnda fuɲaa naa mamaa coo. Mɛɛ niaa kpow nɔ hau dialun fulan le Hala nuaa yɛ yáà nɔ mun ni.

Esai 8:18

Tofa vɔ, ya a cuavaa Mɛlɛka yɔngu ya-a, naa n co tɔɔmaselelan a ɲɛ cɔm siɔdii lacio-o o lɛŋnde Israɛl-ten nin fulaa Mɛlɛka-Nɔ-Kpaayaa-Kpow-vo o ba ni, o co icali o pembei Siɔn coo-o.

2Masaa 5:22

Mí Kehasi muli aa: «N co kɛndɛ! Vana ni bɛndoo vem ya ni aa ya hun dimul nɔm aa langbaa nda ŋiɔn koma hun ndu o bɛngu coo fulaa o kunda vanaa-tɛɛngaa-diom Hala-a nin, o tàndá n'pembu Efraim-ndo nin. A yandi, aa nɔm yɔngu ndu volin latámán kilolan beleyaa a volɔɔla cuɛinanndan latiɔn.»

2Masaa 2:15

Mɛɛ vanaa-tɛɛngaa-diom Hala-a va Yeriko-a ce Elise kɔɔli-kɔɔli, má dimi aa: «Kɔl Elii-o tol Elise coo!» Má kɔa ndu bɔŋaa, má tundun ndu o labɛngunin háá lɛŋ.

2Masaa 2:7

Mí vanaa-tɛɛngaa-diom Hala-a fula kundaa n'van beleŋuɛɛnu, má kɔa nda kɔɔli. Elii nda Elise simndan o peo Yurdɛn kɔngɔ, mí vanaa kan nda sim tiŋ kɔɔli-kɔɔli.

2Masaa 2:5

Mí vanaa-tɛɛngaa-diom Hala-a va Yeriko-a sɔɔnguu Elise ikɛi, má ɲuna ndu aa: «A sina pá maa Mɛlɛka co hau vana nɔm bɛndoo faŋa nɔm ikɛi mò heelu ndu o halataala?» Mó muli aa: «Oi, ya bɛɛ i sina nihau, niaa meinun tuŋ!»

1Masaa 18:4

Telen kon kpeekpei Yesabɛl va vanaa-tɛɛngaa-diom Hala-a diwvo ni. Mí Obadia cua vanaa-tɛɛngaa-diom Hala-a n'van kɛmɛ, mó kɔ vian nda kundalan tan tiɔn o buululan nin, ba pilɛ n'van beleŋuɛɛnu, baa pilɔɔ vɛlɛ n'van beleŋuɛɛnu. Mó va nda mɛnndan a baloo yɔngoo.

1Samiɛl 19:20

Mí Saul viam vɛlɛ kiilaa le kɔlan David biyɔɔ. Kɛ a komal vanaa-tɛɛngaa-diom Hala-a kundaa kpilin, a va diom Hala-o tɛɛnguuo, Samiɛl va nda bollen ni. Mí kɔl Mɛlɛka-o luɛi kiilaa Saul vem kan-nda nin, mí nda bɛɛ kandu diom Hala-o tɛɛnguuo.

Tɔŋ miingua 33:3

A toɲa, a kaola vannda, vanaa diandaa kpow a co o ba nɔmndo bɛngu. Nda kpow a co nɔm o labɛngunin, má va pɛɛkula nɔmndan tueyɔɔ.

1Samiɛl 10:5

Lɔ́ɔ́ n tiiyanin Kibea-Elohim nɛɛ vanaa kùndàá Filistia co-a-o, la co lo ciee-lekɔɔ, mì la bɔŋan niaa vanaa-tɛɛngaa-diom Hala-a, mà va fulaa o fonda biilaa, mì vanaa lɔaa labangaa, vanaa lɔaa ladundua, vanaa hɔŋaa masɛ̀ŋnda a vanaa lɔaa n'bɔ̀mbilla va kɔlan nda laci. Nda pila vanaa-tɛɛngaa-diom Hala-a kan vanin diom Hala-o tɛɛnguuo.

2Masaa 6:1

Paale pilɛ, mí kunda vanaa-tɛɛngaa-diom Hala-a dimul Elise aa: «Tofa vɔ, fonda naa n co hoo icali naa niaa-o dɔɔnan bɔɔ a naa.

Amɔs 7:14

Mí Amɔs mulul Amasia aa: «I co vana-tɛɛngaa-diom Hala le, i co vɛlɛ po vana-tɛɛngaa-diom Hala le. Vana mandaa n'cɔloo a vana buulua n'buumbuuo ya co ni.