2Masaa 2:12 - BII BILA

¹² Elise cɔu lende, mó deŋi coocoo aa: «Fuɲa nuu! Fuɲa nuu! Ɲɛla ɲaanannda cɔlua nan-ndan a vanaa ɲaanun o soa Israɛl coo-a!» O kon, o ci lɛ Elii le. Mó saa volɔɔlan ndu pila lekɔɔ, mó sɛɛsa lan bungan mún miun.

2Masaa 2:12 Referans Kwoze

2Masaa 13:14

Nàà piɔ́mndo biyɔɔ Elise, mí Yoas masaa Israɛl komal ndu, mó tundun ndu coo, mó caŋ. Mó va dimio aa: «Pua nuu ndee! Pua nuu ndee! Maa ɲɛla ɲaanannda Israɛlla, la soa nan-ndan a vanaa ndɔa ɲaanun o soa coo-a n co ni, Pua!»

Dɛnnda cɔɔmuanndan 11:12

Má tuɛi diom bɛndoo pum o halataala nda dimullo aa: «La hel nanu!» Má hel o halataala o yumbuyumboo nin, yaamɔaa ndaa va nda tofaa ciŋ.

Efɛsea 4:8

Lelan o dimin ni aa: «Telen o va helɔɔ coocoo pɔ́-o, mó hel a vannda taw, a o bii o cɔwvo-a, mó ke vanndacieea ɲɔɔn.»

2Korɛntea 5:4

Kani te n co vɔ pɛ o cɛi-kola-toandaa ceendo ho nin, mɛɛ mì n va sangaa maa mɛɛ vana sanga o volɔɔ lusulaa bɛngu nuaa yɛ. I co toɲa maa n yeema mì n faŋan ndu lekɔɔ le, kɛ n yeema mì n cuɛinun volɔɔ fula o halataala-o, haliko mi yoomoo mangala dialun co hunɔɔ vu-on.

2Korɛntea 5:2

N co somisominndo o telenndo ho o cɛi-kola-toandaa naa n co hoo nin ceen nanu-o nin. Yeemɛi co naa taw, mì n luɛi o calta naala co o halataala lan nin.

Dɛnnda kiilaa 8:2

Mí vanaa vo Hala-a kumbu Etiɛn, má caŋ ndu taw.

Dɛnnda kiilaa 1:9

Mɛɛ Yeesu cii sɔɔn mun dimi, mó hel o halataala, kiilaa ndɔa va ndu tofaa. O kon kɔɔli, mí yumbuyumboo kumbu ndu, a ci lɛ ndu le.

Nsaŋ 3:13

Vana-vana hel o halataala le, fɔ vana tol fulaa o halataala-o, Po vanacieo pɛɛn.

Luke 24:51

O lo o nda duaa dɔvɔɔ, mó sɛyan a nda, mó helnun o halataala.

Luke 2:15

Lɔ́ɔ́ mɛlɛkaa faŋan vanaa mandaa n'saa ikɛi le muungoo o halataala-o, mí vanaa mandaa n'saa kan dimulan aa: «N kɔnnun Bɛtlɛhɛm, mì n kɔ cɔ ɲɛ yɔŋnun-ndo, o Mɛlɛka cɔm naa-o.»

Marke 16:19

Yeesu ciiyo nda sɔɔn mun dimullo, mó hel o halataala, mó kɔ cal Hala o ba kɛndɔɔ coo.

Esai 37:21

O kon mí Esai po Amɔt-o viam kiilaa, má kɔ dimul Esekia aa: «Nuaa Mɛlɛka, o co Hala Israɛlla-o soo ni aa: I tuei piɛile n piɛi ya a dɛnɛ Sennakerib masaa Asiri o kɔɔ len.

Esai 37:15

mó piɛi Mɛlɛka nuaa aa:

Talelan 30:4

Nɛ̀ɛ́ hel-lɛ nin o halataala? Nɛ̀ɛ́ cɛn yɛ nin o halataala mó toal? Nɛ̀ɛ́ bii yɛ nin hoeiye o ba ninndo? Nɛ̀ɛ́ vow yɛ nin mɛnndan o volɔɔ ndɔ cuɛinanndo nin? Nɛ̀ɛ́ handu yɛ pɛɛngula lelɛŋndan? Ɔ́ɔ̀ diola ndɔlan? Vɛ̀ɛ̀ po ndɔɔ nɔ yɛ diolan? Taa sinà pɛ, dimul-la!

Dɛnnda kiilaa 27:24

mó dimul-la aa: ‹Siòòŋii bii nɔm te Pol. Mɛɛ mà kɔ sim masaa Sesar o hɔl. Tofa vɔ, Hala tosal nɔm dɛnɛ kɛndɔɔ niaa vanaa niaa co kɔlan o mɛnndan coo-a kpow.›

Esai 37:4

Bɔɔle Mɛlɛka Hala nɔmndo tuei sɔɔn fula bolle vanaa yɔngù masaa mɔiyan-nda-o o sondo-on, o vana ndɔ bɛndoo, o co masaa Asiri-o vem le hunɔɔ Hala yoomaa yeowlan-ndo pɛɛn, bɔɔle Mɛlɛka Hala nɔmndo soaŋnin ndu le sɔɔn o tuei mun-ndon. Lelan, piɛi Hala le vanaa tɔ̀a lo vɔ haa yoomu-a, yandi!

Vana Kɔlkaloo 7:19

Kɔlkaloo tiwba mò ke vana kɔlkaloo kpaayaa, mò hiow masaa n'bungaa n'van tɔ́a co masalen tosaa o kobio ndu pilɛ nin-nda.

Talelan 11:11

Vanaa sandaa cuu dɛnɛ kɛndɔɔ o kobio nin ni, kɛ tɛɛmbuuo vanaa yɔŋ vɔɔnda tɛɛmbuu kobio a lasondo ni.

SƐBƐ YƆB-O 22:30

O baŋanin vana tɛɛmbuu isɔɔ loo, mò soli ndu o dɛnɛ palaa nin. Nɔm, a sɔlanin baŋaa, taa manda pɛ balan ladiandaa.»

O Kandɔɔ 37:34

O kon, mó sɛɛsiaa volɔɔla ndɔla cuɛinanndan, mó yiinun volɔɔla biisilan o caŋ, mó caŋ po ndɔɔ taw.

2Masaa 2:13

O kon kɔɔli, mó cua doma bɛndu Elii ndóò mal-lo. Mó muungu, mó kɔ sim o peo Yurdɛn kɔngɔ.

2Masaa 5:13

Kɛ mí buɛyaa ndɔa sɔɔnguu ndu ikɛi, má dimul ndu aa: «Éé Pua! Te vanaa-tɛɛngaa-diom Hala-o ho ndóò dimul nɔm pɛ le dɛnɛ kàlà-kálàá pum tosaa, vɛ̀ɛ̀ nɔm óò tosanin te? Ɛ̀ɛ̀ le yɛɛ n co yɛ niko kɛɔ le ɲɛ o dimul nɔm-ndo tosaa? Aa nɔm del o peelo daama, mà sengu.»

2Masaa 6:21

Masa Israɛlla cɔu nda, mó ɲuna Elise aa: «Pua! Vɛ i diw nda?»

O Kandɔɔ 5:24

Mɛɛ o vili ceen ndɔɔ o diom pilɔɔ nin nda Hala yɛ, mó lo vannda o hɔl, kani mí Hala heelun ndu ikɛi.

Masaa kialaa n'yamaa 17:10

Mí Mika dimul ndu aa: «Violu ya cua! Cal sumialii ni ma va vana-solia-lasálà nuu. O kon, i vanin volin latámán tɔ́ nɔm yɔngoo o vɔsio nin, mì va vɛlɛ volɔɔla cuɛinanndan a ɲɛdiaa nɔm keo.»