2Masaa 2:1 - BII BILA

¹ Mɛɛ Mɛlɛka heelu Elii o halataala o felenfelenndo nin yɛ yɔŋnun hoo ni: Elii nda Elise cɔnɔnndo Kilkal, má va kɔlan latulu,

2Masaa 2:1 Referans Kwoze

O Kandɔɔ 5:24

Mɛɛ o vili ceen ndɔɔ o diom pilɔɔ nin nda Hala yɛ, mó lo vannda o hɔl, kani mí Hala heelun ndu ikɛi.

Hebreea 11:5

A laalanndo, mí Enɔk hel o halataala, o ci piɔ́mndo le. Vana ci lɛ ndu le, mí Hala heelun ndu ikɛi. Sɛbɛ Hala-o dimi maa lɔ́ɔ́ pá mó hel, Enɔk ndóò hɛnan Hala.

1Masaa 19:11

O kon mí Mɛlɛka dimul ndu aa: «Fula ma kɔ sim ya o hɔl o pembei coo.» Nduyɛ Mɛlɛka va hiovɔɔ. Fɔ́ɔ́fɔ̀, mí hoeyii fùkù-fùkùei can hɔŋndo, mí pembon a powta kpovalan la va piɔsio Mɛlɛka laci. Kɛ Mɛlɛka ve o hoeyii ken nin te. O kon kɔɔli, mí lɛŋnden le ɲiiya, kɛ Mɛlɛka ve o lɛŋnde ɲiiyaale len nin te.

Yosue 5:9

O kon mí Mɛlɛka dimul Yosue aa: «I cii hau siɛmbulan Esipte faŋa niaa o lebol few.» Lelan nda ke fonda kon diolan ni aa Kilkal. Kandɔɔ ɲinkon háá paalen nden, diola lan fonda kalaa nɔ ni.

Yosue 4:19

Paangii tasei va malɔ tɔ́, mí Israɛlla faŋan Yurdɛn, má kɔ kila caltan Kilkal, o pɛɛngulan Yeriko a ba paalen le can-ndo.

Dɛnnda cɔɔmuanndan 11:12

Má tuɛi diom bɛndoo pum o halataala nda dimullo aa: «La hel nanu!» Má hel o halataala o yumbuyumboo nin, yaamɔaa ndaa va nda tofaa ciŋ.

Dɛnnda kiilaa 1:9

Mɛɛ Yeesu cii sɔɔn mun dimi, mó hel o halataala, kiilaa ndɔa va ndu tofaa. O kon kɔɔli, mí yumbuyumboo kumbu ndu, a ci lɛ ndu le.

Luke 9:51

Telen Yeesu va le kɔnndan o halataala-o kandɔɔ tiiyaa, mó baŋ kangalan le luɛyɔɔ Yerusalɛm ciee.

SƐBƐ YƆB-O 38:1

Mí Mɛlɛka mulul Yɔb o hoeyii fùkù-fùkùei nin, mó ɲuna ndu aa:

2Masaa 4:38

Mí Elise muungu Kilkal, nduyɛ yiaan ma va o tàndà kon nin a telen kon. Mí Kunda vanaa-tɛɛngaa-diom Hala-a pum sɔɔnguu ndu ikɛi. Mó dimul buɛi ndɔɔ aa: «Handu kpɛɛnɛi bɛnduei o yin, mà yowlu naa mbooyaa.»

2Masaa 2:11

A lo kɔlan a sɔɛi lende, mí yinnden le fula, vanáà ca len ko aa ɲɛ ɲaanan soa nan-ndo ni. Mí soa leyinnda fula, má sɛi Elii nda Elise, mí Elii helnun coocoo o hoeyii felenfelennde nin.

1Masaa 19:4

mí ndu pila niinu kɔlan kpɛŋ o lɛŋnde veselɛilen nin, mó kɔ cal o yɔmndo pum bɛngu, mó yeema piɔ́mndo, mó dimi aa: «Hee ndi hiow bɔɔ ba, Mɛlɛka! Lelan cua yoomu nuu, kani i co fisa a fuɲaa nia le.»

1Masaa 18:12

Nduyɛ, te i faŋan pɛ dɔ́ɔ́ nɔm ikɛi, kɔl Mɛlɛka-o co nɔm koma cua, mò yɛɛ nɔm nɛɛ ya sina le-a. Akab hin pɛ mò ci nɔm te, vɛ̀ɛ̀ diyɔɔ le o diinin ya le? Nduyɛ, kabi i va vɔ felengi, mí ke Mɛlɛka bɛɛlen.

2Masaa 1:18

Sɔɔn tɔ̀un Ahasia-on a ɲɛ-ɲɛ o tosa kpow, kon co o sɛvaa o sɛbɛ Dɛnnda lemasalan Israɛl nin.