2Masaa 19:4 - BII BILA

⁴ Bɔɔle Mɛlɛka Hala nɔmndo tuɛinin sɔɔn bolle vanaa yɔngù masaa Asiri mɔiyan-nda dimi-on kpow, o ndu masaa Asiri vem hoo le hunɔɔ Hala yoomaa yeowlan-ndo pɛɛn. Bɔɔle mi Mɛlɛka Hala nɔmndo tuisi ndu dɛnɛ palaa coo le yeowla o tuei lan. Lelan piɛi Mɛlɛka le vanaa tɔ̀a lo yoomu-a.»

2Masaa 19:4 Referans Kwoze

2Samiɛl 16:12

Bɔɔle mì Mɛlɛka ce dɛnɛ ni palaa, mò tuinun ya iɲíí, mò dɔw ya duaa sɔ̀ngɔ́ yeowla nda co ya lan hau lan.»

Rɔmnda 9:27

Mí Esai bɛɛ yonda a Israɛl o kɔɔ aa: «Hali Israɛlla ndáà va bɛɛ sɛ́lɛ́ maa sióónde o mɛmma ihɛllan kɔngɔ nuaa, vanaa pilɛn-pilɛŋaa lonin-nda kínɛí sɔlanin cindaa ni.

Esekiɛl 36:37

Nuaa Maalii Hala dimi ni aa: «I cɛlnin vɛlɛ mì cuavaa Israɛlla piɛi ya le nda dɛnɛ kɛndɔɔ tosallo. I vangalanin vanndacieea ndaa maa kunda n'cɔlu.

Yosue 14:12

Lelan, ke ya niko pembii Mɛlɛka yii paale len kpemaa le ya yɔngoo-e. Kani nɔm pila tuei ɲinkon maa cuavaa-imamaa Anak-a co lon o kobila bɛndula mayoomulan nin. Kɛ Mɛlɛka co ya ikɛi, i co lakɔ nda tovɔɔ maa mɛɛ o yiilul-la kpemaa yɛ.»

Yeremi 33:3

‹Veelu ya, mì mulul nɔm, mì cɔm nɔm dɛnnda bɛndulan, dɛnnda viannanndan, la n sina le lan pɛɛn.›

Esai 10:6

I mal ndu le vanaa sina Hala le-a kuello, I yɛɛ ndu le kɔlan vanaa tuulu ya kɔllo-a delɔɔ coo, haliko mo poondiaa nda ɲɔɔn o ba, mò nɛw nda a labɛngu mɛɛ vana nɛw loolio o nɛilan coo yɛ.

Esai 1:9

Te Mɛlɛka-Nɔ-Kpaayaa-Kpow-vo ndóò mɛilul naa vanaa pum yoomu le, n va siŋnɔn maa Sodɔm, mì náà n vel vannda Komɔr.

Condii lisai 74:18

Yiyan-ndɔ hee Mɛlɛka: Yaamɔɔa co nɔm mamɔɔ, diɔmnda co diola nɔmndan pɛɛsaa.

Condii lisai 50:21

Dɛnnda niaa va tosaa mì va meinɔnndo lan la co lan ni. La co yiyanndo maa mɛɛ niaa co yɛ ya co ni. Kɛ i bii niaa tɛ̀ɛ̀, i co dɛnnda lan soli niaa o hɔl vakpa.

Condii lisai 50:15

O kon, paale niaa vanin o buulanndo nin-nden, la piɛi ya. I baŋanin niaa, mì la biilu ya.›

2Dɛnnda lemasalan 32:20

O kon mí masaa Esekia nda Esai vana-tɛɛngaa-diom Hala-o, po Amɔt-o a piɛi Hala le sɔɛi ken.

2Masaa 19:22

Ɔ́ɔ̀ vana n va yeowlan-ndo? Nɛ̀ɛ́ n va yɛ tɛɛndanndo? A nɛ̀ɛ́-nɛ̀ n va yɛ sɔɛi coocoo nuaa? A heelu hɔlla le O-Diandaa Israɛl ciŋilanndo dɛ!

2Masaa 18:13

O vɔsi tɔ́ a o hiɔɔlundɔɔ nin o masale Esekia len bɛngu, mí Sennakerib masaa Asiri hinul kobila va o kpakilan nin o tàndá Yuda-o nin-ndan kpow a cɔwvo, mó bii lan.

1Samiɛl 17:45

Mí David mulul Koliat aa: «Nɔm co ya hinullo a mɔɛi cɔwve, a kɔɛi a á bállo. Kɛ ya, i co nɔm kuel o diola Mɛlɛka-Nɔ-Kpaayaa-Kpow-vo lan, Hala vanaa cɔwva Israɛl, o n yei-yo pɛɛn.

1Samiɛl 14:6

Mí Yonatan dimul langbanɔ va ndu kon ɲɛm cɔwvon cuello-o aa: «Hun mì n sɔɔnguu vanaa dii haa tooma le-a macɛlu kpɛɛlun, bɔɔle mì Mɛlɛka mala naa mì n nɔla nda. Kani n va sɛ́lɛ́, n va sɛ́lɛ́ le, Mɛlɛka dimi pɛ le naa baŋaa, o baŋa naa.»

Tɔŋ miingua 32:36

Kani Mɛlɛka kialunin yamɛi vanaa ndɔa. O tuinunnin vanaa baalaa ndɔa iɲíí lɔ́ɔ́ o canin maa yoomuma ndan maa cuu-o, telen o canin maa cɛ co lɛ le, hɔ́ɔ́ co lɛ loo.

O Kandɔɔ 22:14

Mí Abraham ke fonda kon diolan aa Adonai-Yiire (kon co dimio ni aa «Maalii nuwviaanin»). Lelan vannda co vɔ dimio háá hau a pembii ken o kɔɔ ni aa: «O pembii Mɛlɛka-e coo, Mɛlɛka pila nuwviaanin.»

Rɔmnda 11:5

Lende koni i co sunsun ni, vanaa tɔ̀a a co, a kɛndɛi Hala-e i hɛli-a.

1Samiɛl 17:26

Mí David ɲuna vanaa cɔvaa va ndu ikɛi-ya aa: «Vɔngɔ yɛɛ nɛ nda dɔaw yɛnin vana diinin Filistinɔɔ ho, mò soli Israɛlla mɔnɛi-yo? Yɛɛ nɛ Filistinɔ dii ho tooma loo co yɛ, mó hun sim vanaa cɔvaa Hala yoomaa yeowlan?»

2Masaa 19:3

Má kɔ tɛɛngul ndu diom Esekia dimi-o aa: «Paalen nden paale dɛnɛ palaalen, paale imɔnɔlen a paale sangaalen le co ni. Kani hɔ́ɔ́ co nin hunɔɔ le violɔnndo, kɛ yoomuma vialaama co kala ndɔ le.

2Masaa 19:5

O kon mí vanaa baalaa masaa Esekia-a kɔa o Esai lo.

2Masaa 19:16

Mɛlɛka, yaŋ ya nilan ma tuei ya diom. Kumbi hɔltan ma ce. Kámáá a tuei sɔɔn Sennakerib-on, ó vem vana ndɔ baalaa le nɔm Hala yoomaa yeowlan-ndo?

2Masaa 19:30

Vanaa lonin yoomu o yungu Yuda-o tɛɛn-nda, a vanin vɛlɛ maa yɔm tuisi puundun ndɔn o lɛŋnden bɛngu, mí lɛvun ndɔn va kullon komɔɔ lecoo-o.

Yeremi 23:36

Kɛ la dimi lɛ aa volɔɔlan te sɔɛi Mɛlɛka-e co le dɛ! Sɔɔn niaan niaa pila-on co volɔɔla niaalan ni, kani la co sɔɔn Hala nɔ yoomoo o ba-on tundɔɔ, Mɛlɛka-Nɔ-Kpaayaa-Kpow-vo, Hala naa pɛɛn.

Yeremi 42:9

Mó dimul nda aa: «La vem ya le kɔlan Mɛlɛka Hala Israɛlla isɔɔ ɲuna, sɔɛi o dimi-e co hee ni aa:

Yosue 3:10

Mɛɛ niaa sinanin maa Hala kiyɛiyo co niaa tɛɛn, maa ndu toawnin Kanannda, Hitiia, Heviia, Perisiia, Amoriia a Yebusiia niaa laci ni yɛ co hoo ni.

1Samiɛl 17:10

Mí Koliat Filistinɔ kon dimul vɛlɛ Israɛlla aa: «Hau, i kilu vanaa cɔvaa Israɛlla kpélénndo. La viom ndɔ hau vanapɔnɔ yáwlen le tiw-vo mò hinul-la a cɔwvo, mì n cɔman vanapɔnɔyɛi naa ndu.»

2Masaa 19:23

Nɔm, ma viam kiilaa le hunɔɔ Mɛlɛka yeowlan. Ma dimi aa: Ya Sennakerib, mí hel o pembon Liban tullo a ɲɛla ɲaanannda nila sɛ́lɛ́ bɛndula soa nan-ndan, le kɔlan yɔmii sɛɛdrii ndɔɛi hiow naŋɔɔ-e a siprɛsii ndɔɛi hiow bandei-ye kiolɔɔ. Mí tiiya o cieo kɔllo déŋ, mí kialu yɔmii tɔalɛi hiow bandei-ye.

2Masaa 19:31

Kani vannda lonin yoomu Yerusalɛm, vannda hialunnin-nda vanin icali o pembei Siɔn coo. Ɲɛ Mɛlɛka-Nɔ-Kpaayaa-Kpow-vo tosanin a dialun fulan le kaola ndɔɔ cɔmndo-o co kon ni.»