2Masaa 19:2 - BII BILA

² Mó viam Eliakim, simlacinɔ cɛi lemasaa, Sɛbna vana sɛvaa a kaasoŋaa kɔlkalua o vanaa-solia-lasálàá tɛɛn o Esai vana-tɛɛngaa-diom Hala-o lo, po Amɔt-o pɛɛn. Vanaa kan bɛɛ volɔɔla biisilan la va nda lekɔɔ.

2Masaa 19:2 Referans Kwoze

Esai 1:1

Vundule Esai, po Amɔt-o ce o dɛnɛ tàndá Yuda-o coo a o kobio Yerusalɛm coo len. Dɛnnda lan la cɔmnun ndu o palɛi masaa Osias, masaa Yotam, masaa Ahas a masaa Esekia a va masalen tosaa o tàndá Yuda-o coo-e nin.

Esai 2:1

Sɔɛi dimulun Esai po Amɔt-o le tàndá Yuda-o a le kobio Yerusalɛm o kɔɔ-e yɔŋnun hee ni:

Luke 3:4

O kon, mí sɔɛi Esai, vana-tɛɛngaa-diom Hala-o sɛva-e i peelun aa: «Diomndo co yondaa o lɛŋnde veselɛilen nin aa: ‹La bɛɛndiaa nɛi Mɛlɛka-o, la siɛɛnduu nɛila n'pelulan sakpo.

Matie 4:14

Ken tosan haliko mi sɔɛi Esai vana-tɛɛngaa-diom Hala-o ndóò dimi-e peelun aa:

2Dɛnnda lemasalan 26:22

Vana sɛva sɔɔn tɔ̀un Osias-on-ndo, kandɔɔ háá o mɛɛlulan, ndu yɔŋnun vana-tɛɛngaa-diom Hala-o Esai, po Amɔt-o ni.

2Masaa 18:18

Má yeema le masaa cɔu, kɛ mí Eliakim po Hilkiya simlacinɔ cɛi lemasaa, Sɛbna vana sɛvaa a Yoa po Asaf vana mandaa lasɛbɔɔ a kɔa nɛɛ nda va-a.

2Samiɛl 3:31

Mí David dimul Yoab a vanaa va ndu kɔɔli-a kpow aa: «La sɛɛsiaa volɔɔla niaalan, mì la vownun volɔɔla yuululan le Abnɛr caŋndo.» Masaa David pila va kɔlan sángá ndáà heelu Abnɛr coo-o kɔɔli.

2Masaa 12:10

O kon mí Yehoyada vana-solia-lasálàá cua kesoo, mó buli ndu tɛɛngei o kumboo coo, mó kɛsi ndu o fonda-loamaa-lasálàá ikɛi o ba kɛndɔɔ coo, nɛɛ vannda ndáà kei le luɛyɔɔ o Cɛi-Hala-o nin-nda. Mó dimul vanaa-solia-lasálàá va dio luɛyaa cumullo-a le volin vannda va hunɔɔ o Cɛi-Hala-o nin-ndon vowvo lenin.

2Masaa 19:3

Má kɔ tɛɛngul ndu diom Esekia dimi-o aa: «Paalen nden paale dɛnɛ palaalen, paale imɔnɔlen a paale sangaalen le co ni. Kani hɔ́ɔ́ co nin hunɔɔ le violɔnndo, kɛ yoomuma vialaama co kala ndɔ le.

Yeremi 19:1

Mí Mɛlɛka dimul ya Yeremi aa: «Kɔ piondu kpɛɛnɛi puluei vana cɔavaa n'kpɛɛnɔɔ o ba. Mà hɛli kaasoŋaa kɔlkalua vannda tɛɛn, mà hɛli nda vɛlɛ vanaa-solia-lasálàá tɛɛn.

Yeremi 36:24

Mí masaa nda vana ndɔa baalaa kpow a tuɛi sɔɔn mun, kɛ siòòŋii bii vana-vana le, vana-vana mɔnɛi bii mó sɛɛsian doma lekɔɔ le.