2Masaa 19:1 - BII BILA

¹ Masaa Esekia tueyɔɔ dɔ́ɔ́ kona kon, mó sɛɛsian volɔɔlan lekɔɔ, mó vownun volɔɔla biisilan, mó kɔa o Cɛi-Mɛlɛka-o nin.

2Masaa 19:1 Referans Kwoze

2Masaa 18:37

O kon mí Eliakim po Hilkiya-o, ó va simlacinɔ cɛi lemasaa-o, Sɛbna vana sɛvaa a Yoa po Asaf vana mandaa lasɛbɔɔ hun o masaa Esekia lo a volɔɔla sɛɛsiɛilan lekɔɔ, má downun ndu kona a sɔɔn bolle vanaa yɔngù masaa Asiri mɔiyan-nda ndóò dimi mún-ndon kpow o kɔɔ.

1Masaa 21:27

Lɔ́ɔ́ Akab tuei sɔɔn Mɛlɛka-n Elii tɛɛngul ndu mun-ndon-ndo, mó sɛɛsian volɔɔlan lekɔɔ, mó vownun bɔlɔla yuululan, mó bii sumndo. Mó va lɔan a bɔlɔla yuulula lan lekɔɔ, mó muungu kɔlan duɛɛn-duɛɛn.

O Kandɔɔ 37:34

O kon, mó sɛɛsiaa volɔɔla ndɔla cuɛinanndan, mó yiinun volɔɔla biisilan o caŋ, mó caŋ po ndɔɔ taw.

Matie 11:21

«Dɛnɛ palaa co le nɔm, nɔm Korasin! Dɛnɛ palaa co le nɔm, nɔm Bɛtsaida! Kani te dɛnnda kaamaala tosan o niaa lo lan láà tosan pɛ Tir a Sidɔn, maa o co lɛhau le ndáà vownun nin volɔɔla biisilan, mì ndáà deli o loolio nin, mì ndáà mangalan te.

Yonas 3:8

Naa kpede n bɛnda mì n vownun volɔɔla dɛnɛ palaalan. Mì vana-vana piɛi Hala a kpaaya ndɔɔ kpow, mì vana-vana mangala kela ndɔ vɔɔndo a kɔlvesɛi o co tosaa-o.

Yeremi 36:24

Mí masaa nda vana ndɔa baalaa kpow a tuɛi sɔɔn mun, kɛ siòòŋii bii vana-vana le, vana-vana mɔnɛi bii mó sɛɛsian doma lekɔɔ le.

Condii lisai 35:13

Ya yɛ, telen nda va a nààlan-ndo, ɲííye va ya biyɔɔ, mí volɔɔla imɔnɔlan vownɔnndo le nda, mí va sumndo biyɔɔ a ya pila tuŋnɔnndo. I ve sanga piɛilen le nda le.

Ɛsdras 9:3

Mɛɛ ya tuei sɔɛi ken, mí sɛɛsiaa doma ni pɔmbɔɔ a doma ni bɛndoo a mɔnɛi, mí suingin yiinde o lebol, mí suingin siaiye, mí cal a mɔnɛi bɛnduei.

2Masaa 6:30

Mɛɛ masaa tuei sɔɔn vanalanɔ kon dimi-on, mó sɛɛsian volɔɔlan lekɔɔ. Nduyɛ, o kpakio coo o va kɔlan ni, mí vannda ca ndu, volɔɔla biisilan la va ndu lekɔɔ.

2Masaa 5:7

Masaa Israɛl ciiyo dɔ́ɔ́ sɛbɔɔ tofaa, mó sɛɛsian volɔɔlan lekɔɔ, mó deŋi aa: «Mò va maa ya co Hala le vannda diyɔɔ a le nda mingio yoomu ni? Vɛ mó vim ya vanndo le ndu singio a nàà siaŋaa? Vannda la ce isɔɔ nɛ? Kela tandaa daama hoo cɛn ya kɔɔli nuaa ni!»

1Masaa 21:29

«A ce mɛɛ Akab tuisin tootoo ya o hɔl-lɛ? Le tùú o tuisun tootoo ya o hɔl-lo, i tuisinin dɛnɛ palaa ho telen o co yoomu-o le, kɛ telen po ndɔɔ vanin masaa-o ya tuisinin yungu ndɔɔ dɛnɛ palaa kalaa coo ni.»

1Samiɛl 4:12

Paale len, mí vanndo pum, fulaa o polale Bɛnyamɛn-nden nin o hialun o yondo cɔwvo nin, mó tiiya háá Silo a kiltan paale pilɛle len. Volɔɔla sɛɛsiɛilan la va ndu lekɔɔ, loolio va ndu o lebol.

Matie 26:65

O kon, mí bolle vanaa-solia-lasálàá sɛɛsian volɔɔlan lekɔɔ, mó dimi aa: «O dimi sɔɛi tana-i a Hala. Ɔ́ɔ̀ seyaa naa n co vɛlɛ ɲuna le hee-a? Kámáá niaa pila langa tuei mɛɛ o dimi sɔɛi tanɛi a Hala yɛ! Ɔ́ɔ̀ yiyan niaa?»

Dɛnnda cɔɔmuanndan 11:3

I viamnin seyaa nia ŋiɔnda, a vanin a volɔɔla dɛnɛ palaalan lekɔɔ, mà tɛɛnguu diom nda sɔla Hala o ba-o o palɛi vàá pilɛ kɛmɛ lediin belaŋɔmpumii (1 260) ken bɛngu.»

Esai 37:37

O kon, mí Sennakerib masaa Asiri puusiaa dɔ́ɔ́ngɔ́ ndɔ kon, mó muungu o ndu lo, mó kɔ lo icali o ndu lo Ninive.

Yonas 3:5

Mí vannda Ninive laalan diom Hala-o. Má hivi yondaa, mí vana-vana bii sumndo, vanaa bolofaa, vanaa bala fondoa, mí nda kpow a vownun volɔɔla dɛnɛ palaalan.