2Masaa 18:10 - BII BILA

¹⁰ Vɔsilan tan yáá o kon kɔɔli, má bii kobi kalaa. Vɔsi kon yɔŋnun vɔsi ŋɔmpumndɔɔ o masale Esekia len bɛngu ni, vɔsi kon koni yɔŋnun vɛlɛ vɔsi ŋɔmahiɔɔlundɔ o masale Osee len bɛngu Israɛlla coo ni. Vɔsi kon nda bii kobio Samari ni.

2Masaa 18:10 Referans Kwoze

Misee 7:13

Lɛŋnden le dɔawnunnin yɛɛvɛ le kela vɔɔn vanndacieea co lecoo-a.

Misee 6:16

La delnin tɔɔmaselela vɔɔnnda Ɔmri lan kɔɔli, la delnin kelala yungu Akab po ndɔ lan kɔɔli. O silala ndalan coo niaa co kelaa ni. Lelan ya bɛɛ, i co hunɔɔ kobi niaa piɔlɔɔ vɔ́-vɔ́! I tosanin mì vannda mam niaa vanaa co icali lenin-nda, mì siɛmbula bii vanaa nia lan la bii niaa mɔ́ɔ̀yɔ̀ɔ̀.»

Amɔs 6:7

Lelan, vanaa nda biinin mà kɔɛ a nda o cɛlen nin-nda, niaa co va laci ni. O kon, yoondiaala kɔlkɛndɛla niaa co ihini lan la cuunin niaa tɛɛn.»

Amɔs 3:11

Lelan, Maalii Hala dimi aa: Yaamɔɔ hun balunin lɛŋnden, mò tɛɛmbuu yoomuma niaan, mò yunga cɛila niaala lemasalan!

Kundalan 32:41

Mí Yair, fulaa o polale Manase len coo, kɔ del sɔndɔkɔlta Amoriia lapum coo, mó bii lan, mó ke lan diolan aa «Sɔndɔkɔlta Yair lan.»

2Masaa 17:6

O vɔsi ŋɔmahiɔɔlundɔɔ nin o masale Osee len bɛngu, mí masaa Asiri bii Samari, mó kɔa a Israɛlaa va lon-nda o biyɔɔ nin o lɛŋnde ndɔlen nin. Mó kɔ kɛsi nda o tàndá nɔ diolan aa Halah-o nin, o peo Habɔr kɔngɔ, o lɛŋnde Kosan-nden nin a o kobila Mɛdea nin.

Esai 10:9

Vɛ̀ɛ̀ Kalno siŋnun maa Karkemis le? Vɛ̀ɛ̀ o co ɲɛ yɔŋnun Arpad-o le yɔŋnun Hamat le? A toɲa, ɲɛ tosalan Damas-o tosalan Samari ni.