2Masaa 17:3 - BII BILA

³ Mí Salmanasar, masaa Asiri hun del ndu coo a cɔwvo, mí Osee luɛi ndu o ba bɛngu, mó va muloo malɔɔ ndu o ba.

2Masaa 17:3 Referans Kwoze

Osee 10:14

Lelan, vɔkɔ-vɔkɔ bɛndu-bɛndoo tosannin vanaa niaa tɛɛn, mì kobila mayoomula niaalan kpow la piɔsipiɔsi mɛɛ Salman pesi Bɛt-Arbɛl o paale cɔwlen coo yɛ. Paale len, mó vɔɔciaa kalaa a cuavaa ndɔa latulu.

2Masaa 18:31

La yaŋ ndu Esekia lani le dɛ! Kani ya masaa Asiri, i dimi aa la nuwviaa kɔlɲuloo ya o ba, la hun cal-la o labɛngunin, haliko mí vana-vana de rɛsɛŋun ndɔn a voosun ndɔn tɔnɔ, mò kol mɛmma soon ndɔ kólaa,

2Masaa 15:29

Telen Peka va o masalen coo Israɛl-lo, mí Tiklat-Pilesɛr, masaa Asiri hun bii Iyon, Abɛl-Bɛt-Maaka, Yanoa, Kedɛs a Hatsɔr. Mó bii tàndá Kalaad-o a tàndàá Kalile kpow, kɔ bii niko a tàndá Nɛftali-o kpow, mó bii vanaa va o kobila lan a o tàndàla lan nin-nda kpow, mó kɔa a nda o biyɔɔ nin o lɛŋnde Asiri len nin.

2Masaa 15:19

Mɛɛ Pul, masaa Asiri luɛi o lɛŋnde Israɛl-ten nin, mí Menahɛm ke ndu volion kilolan vaalan beleyaa, haliko mi ndu Pul ndóò mala ndu, mì masalen léè sim yili ndu o ba.

2Samiɛl 8:6

Mí David kɛsi masaa n'bungaa Aram o lɛŋnde Damas len nin, o kon mí Aramiia cal sumialii ndɔ, má va muloo malɔɔ ndu o ba. Nduyɛ, nɛɛ-nɛɛ ndóò kɔɛ pɛ le cɔwvo tosaa, Mɛlɛka ndóò sim ndu kɔɔli, ndóò nɔla yaamɔɔa o cɔwvo.

2Samiɛl 8:2

Mó nɔla vɛlɛ Moabua, mó yɛɛmbuu nda lɛŋ, mó tuu nda a yoolen le nda diwvo. Mó tuu yoolen lediin le kan diwvo, mó tuu vɛlɛ yoolen lepilɛ le kan mɛiyo yoomu. O kon, mí Moabua siŋnun cɛa le David, má va muloo malɔɔ ndu o ba.

2Masaa 17:2

Mó tosa ɲɛ hɛnan Mɛlɛka loo, kɛ o ve maa masaa tasea Israɛlaa tosa masalen ndu laci-a le.

2Masaa 17:4

Kɛ telen pum, mí masaa Asiri ciiku maa Osee yii ndu dúmbú, kani mí Osee yaa kiilaa o So lo, masaa Esipte pɛɛn, mó kɛɛ le muloo malɔɔ Salmanasar, masaa Asiri o ba mɛɛ ndóò dema ndu malɔɔ ndu o ba yɛ. Le hee, mí masaa Asiri bii Osee, mó mal ndu o kaasoo.

Nehemi 9:32

Nɔm Hala naa, a co o bɔɔ, Hala kpaayaa a kpúlúnkùmaa n co ni. Nɔm manda kpema n yii a naa-o ni, má lo o lediom coo. Yandi, yiyan sangala vanaa nɔmnda sɔla lan coo, sangala masaa naa, simlacia naa, vanaa-solia-lasálàà naa, vanaa-tɛɛngaa-diom Hala-a naa, fuɲaa naa imamaa a sangala naa pila n sɔla lan pɛɛn, kandɔɔ o telen masaa Asiri-o háá hau.

Esekiɛl 23:5

Mí Ohola va le ya-o luɛi suundaa, mó yom yomndo pila le sámáá ndɔa, Asiriia pɛɛn, vanaa nda calnan macɛlu-a,

Osee 10:4

À co tombolaa tuŋ, tombola laa tombola, à co mɛɛniannda lacòòvalan, mà va kpemalan yiiyo. Kɛ mɛɛ bil vɔɔn vul o ciɛɔn nin-ndo nɛinun vanaa váà yɛ, lende dɛnɛ sandaa nɛinun Israɛlla ni.

Tɔŋ lasálàá 26:25

I tuisinin cɔwvo niaa coo, le niaa màá mingullo le kpema ni niaa tɛɛmbuu-o. Tuma niaa kɔ viannunnin o kobila niaalan nin-ndo, i saŋnin nàà n'kɔnyaa niaa tɛɛn, o kon la delnin yaamɔaa niaa o ba.

2Masaa 15:20

Vanaa bolofaa va o lɛŋnden nin-nda o ba Menahɛm bii volin mun ni le masaa Asiri mun yɔngoo. Vana-vana volin latámán beleŋuɛɛnu. O kon, mí masaa Asiri muungun o ndu lo, o lo o lɛŋnde Israɛl-ten nin te.

2Masaa 18:7

Lelan, mí Mɛlɛka va ndu Esekia ikɛi, mí kpekula ndɔlan kpow la va diondɔɔ. Mó simul masaa Asiri, mó kɛɛ le vaa ndu o ba bɛngu.

Esai 8:8

Ma luɛinin o tàndá Yuda-o nin, ma hunnin taw-taw mì ma sɛŋin nɛɛ-nɛɛ ka. Ma helnin mì ma bii nda háá o bololan, tindima ndɔma vanin fasaŋanndo-an ma kumbunin lɛŋnde nɔmnden kpow, nɔm Emmanuɛl!»

Esai 17:4

O paale len nin, biilu cuavaa-imamaa Yakɔb-a dɔɔnannin. Cuɛiyan ma cuunin o dialun ndan nin ma ɲaw.

Osee 8:10

À co bɛɛ vanaa-mangalaa-isɔɔa ɲɔɔn keo nuaa, telenndo tiiya le mì cuungiaa nda. O lo ɲɛ-pɔmbɔ mà luɛi o sangaa nin, o kpòndò masa kpaaya bɛndoo bɛngu.