Niaa cuavaa Israɛlla sei! O co maa cuavaa Etiopiia le niaa co le ya le? Ya Mɛlɛka ɲuna nuaa ni. O co mɛɛ ya soli Filistia Kaftɔr, mí soli Aramiia Kir yɛ le ya soli cuavaa Israɛlla Esipte le?
Vannda Elam sayian bɔlɔla ndala vovaa n'kɔɔlan, ɲɛla ɲaanannda soa nan-ndan a vanaa cɔwva lenin, a vanaa ɲaanun o soa coo-a co hunɔɔ a sɔɔnguuo. Vannda Kir soli kɔ̀ɔ̀la cɔwlan.
Aramiia co a ba paalen le can-ndo-a a Filistia co a ba paalen le del-lo-a kisikisinin lɛŋnde Israɛl-ten ma tɛɛmbuu len. Kɛ a kon kpede, kɔl ndɔ tuwvo ɲulul-lɔ nin te, ba ndɔɔ va vɔnin o heelaa.
Kɛ telen pá mi poombɔ kon sina le dɛnɛ vɔɔndo kɛɔ a le dɛnɛ kɛndɔɔ cɛlɔɔ, lɛŋii ŋiiŋii n co hee siòònde yɔŋndo a masaa ŋiɔnda-e, vannda piawnin ndi má faŋan lenin.»
Kani ndu Ahas soli bolofaa va o Cɛi-Mɛlɛka-o nin-ndo ni, ó va o cɛi lemasaa nin-ndo a o va o cɛi simlacia nin-ndo kpow, mó yɔngu masaa Asiri. Kɛ a kon kpede, o sɔla mala oo mala le.
O kon, mí Mɛlɛka Hala ndɔɔ mal ndu masa Aramiia o ba. Mí Aramiia nɔla ndu, má bii vanaa ndɔa taw, má kɔannun a nda o biyɔɔ nin Damas. Mí ndu Ahas del vɛlɛ masaa Israɛl o ba, mí ndu tɛɛmbuu ndu tɛɛmbuuo pila.
Mí Bɛn-Hadad cɛl diom masaa Asa dimul ndu-o. Mó viam simlacia vanaa ndɔa cɔwva, má kɔ del kobila va o lɛŋnde Israɛl-ten nin-ndan coo a cɔwvo. Má nɔla Iyon, Dan, Abɛl-Mayim, kobila ndáà kɛsi baloo a ɲɛm cɔwvon nin o tàndá Nɛftali-o nin-ndan.