2Masaa 16:3 - BII BILA

³ Mɛɛ masaa Israɛl kela yɛ koni ndu bɛɛ kela ni. Mó soli po ndɔɔ sálà, mó loam ndu o yin mɛɛ naamula nɔɔlɛila vanaa-mangalaa-isɔɔa Mɛlɛka ndóò tow Israɛlla laci-a la va yɛ.

2Masaa 16:3 Referans Kwoze

Tɔŋ miingua 12:31

La caa dɛ! La tósà lende a Mɛlɛka Hala niaa le. Kani vanaa-mangalaa-isɔaa kan a va dɛnnda nɔɔlɛilan a ɲɛ Mɛlɛka yeema loo tosaa a halaa ndaa. A va bɛɛ hɔ́aa ndaa lomɔɔ le halaa ndaa kan sálàlan solullo.

Tɔŋ lasálàá 18:21

A bɛnda ma soli hɔ́ɔ́ nɔmndo sálà o piɔmndo Molɛk lo le. Kani a tosa pɛ lende mɛɛ a del kasi a diola nilan, a tɛɛmbuu lan labɛɛ. Nduyɛ, ya co Mɛlɛka ni, Hala niaa pɛɛn.

2Masaa 21:2

Mí Manase tosa ɲɛ hɛnan Mɛlɛka loo, mó luɛinun o dɛnnda nɔɔlɛila vanaa-mangalaa-isɔaa Mɛlɛka ndóò tow Israɛlla laci-a va tosaa lan tosaa.

2Masaa 21:11

«Le tùú Manase masaa Yuda tosa dɛnnda nɔɔlɛilan ndan, mó tosa dɛnɛ vɔɔndo hiovɔɔ Amoriaa va lon o tasendɔ-a coo-o, le tùú o luei vannda Yuda balan o hakilan nin a piɔmaa ndɔa-o,

2Masaa 17:17

Má loam poaa ndaa a cuavaa ndaa laandua o yin le nda sálàlan solio. Má luɛi dɛnnda mangalaalan a dɛnnda lekueilan tosaa, má vɔngulun o dɛnnda vɔw Mɛlɛka o hɔl-tan tosaa nin, má tɛɛmbuu ndu kɔllo.

Esekiɛl 20:31

Háá a paalen nden, la co nɔɔlianndo a piɔmaa niaa kpow o ɲɛm kean niaan yɔngoo nin a o hɔ́aa niaa keiyo o yinnden nin. Vɛ̀ɛ̀ mì cɛl vɛlɛ mì la hiow laci a ya isɔɔ ɲunaa, niaa cuavaa Israɛlla? Le yoomu nuu, i cɛl-lɛnin mì la ɲuna ya isɔɔ le! Sɔɛi fula Maalii o sondo-e co ken ni, Mɛlɛka pɛɛn.

Esekiɛl 20:26

Mí nɔɔliaa nda a ɲɛm kean ndan, telen nda va poaa ndaa tasea a cɔlua piaandua tasea kpow keiyo o yinnden nin-ndo. Lende yáà yeema le nda mɔnɛi lueiyo ni, haliko mi yáà cɔm nda maa ya co Mɛlɛka ni.

Esekiɛl 16:47

Te nɔm óò mɛɛlu pɛ o kela vɔɔndo coo maa nda, mí nɔm óò tosa dɛnnda nɔɔlɛilan maa nda kpafii, kon ndóò va tiŋ fisa. Kɛ mí nɔm bɛɛ laasian o kelala nɔmndan kpow nin hiovɔɔ nda coo.

Esekiɛl 16:21

Má kili poaa nia bololan, má loam nda o yin le nda sálàá solio o piɔmaa nɔmaa kan ndo.

Yeremi 32:35

Má tangul tombon le Baal o bóllo Bɛn-Hinnɔm nin, le Molɛk poaa ndaa a cuavaa ndaa laandua sálà loamaa solullo. O co yɛ ya le dimul nda ken te, yiyan ni kue bɛɛ o ken te. O dɛnnda lamààla lan tosaa nda luei Yudaa o pɔwlan nin ni.

Condii lisai 106:35

Má muulian nda vanaa sina Hala le-a, má muungu namula vanaa kan tosaa.

2Dɛnnda lemasalan 33:6

Mó soli poaa ndɔa sálà, mó loam nda o yin o bóllo Bɛn-Hinnɔm nin. Mó vow balan o yavalan vomɔɔ, mó va kɔlan vanaa suukan a vanvílɛ́iya-a a mandea luɛyɔɔ coo, mó vow balan o cɔw-lekueiyo nin. Lende o va hiovɔɔ laci a dɛnnda nɛinun Hala lan tosaa ni, mí Hala tuulu kɔllo a ndu.

2Dɛnnda lemasalan 33:2

Mó tosa ɲɛ hɛnan Mɛlɛka loo, mó luɛinun o dɛnnda bɛɛtambɛila vanaa-mangalaa-isɔɔa Mɛlɛka ndóò tow Israɛlla laci-a va tosaa lan nin.

2Dɛnnda lemasalan 22:3

Mí Ahasia bɛɛ kela kela vɔɔndo hiovɔɔ yungu Akab-o, kani kala ndɔ va ndu silala vɔɔnndan yɔngoo le dɛnnda vɔɔnndan tosaa.

2Masaa 23:10

Mí masaa Yosia tɛɛmbuu Tofɛt, fonda-loamaa-lasálà va o bóllo Bɛn-Hinnɔm nin-ndo, haliko vana-vana ndóò kɔa lɛ a hɔ́ɔ́ ndɔɔ lon le ndu sálàá solio o piɔmndo Molɛk le.

2Masaa 21:6

Mó soli vɛlɛ bɛɛ po ndɔɔ sálà, mó loam ndu o yin. Mó va yavalan vomɔɔ, mó handu vanaa soaa a vanvílɛ́iya-a a mandea súúlan kpow. Lende o va kɔlan a hiyanndo a dɛnnda nɛinun Mɛlɛka lan tosaa ni, mí Mɛlɛka tuulu kɔllo a ndu.

2Masaa 8:18

Ndu bɛɛ maa masaa tɔ̀a va Israɛl-la koni o yɔŋnun ni, mó kela mɛɛ yungu Akab-o kela yɛ. Kani cua Akab-o ndóò yil o nɔ̀u nin ni. Mó tosa ɲɛ hɛnan Mɛlɛka loo.

1Masaa 14:24

Hali vanaa va o kaannde suundaa len-nda, a va o lɛŋnde len nin. Má kɔ vow balan o dɛnnda vɔɔnnda kɛ́-kɛ̀ vanaa-mangalaa-isɔaa Mɛlɛka ndóò tow Israɛlla laci-a va tosaa lan nin.

Tɔŋ miingua 18:10

O niaa tɛɛn, vana-vana bɛnda mò lom po ndɔɔ, te kon te cua ndɔɔ o yin te. Vana mangalaa, vana viamaa yavaa, vana soaa a loeon o kɔɔ-o, fuéinɔɔ,

Tɔŋ lasálàá 20:2

«Nuaa n dimulnin Israɛlla ni aa: ‹Te cua pilacieo Israɛl, te kon te mial co icali Israɛlla o bɛngu coo-o soli pɛ hɔ́ɔ́ ndɔɔ sálà o piɔmndo Molɛk lo, vana soli kon hɔ́ɔ́ ndɔɔ sálà-o bɛnda mò sɔla piɔ́mndo. Vanaa o co icali tɛɛn-nda bɛnda mà lo ndu viiyo a powtan háá mo vi.

2Masaa 17:8

Má luei balan o naamula vanaa Mɛlɛka ndóò hɛlu lɛŋnden o ba mó ke Israɛlla len-nda nin. Lende masaa Israɛlla ndáà tosá ni.

2Masaa 17:19

Kɛ hali vanaa fula kan o polale Yuda len nin-nda, a bii tɔŋnda Mɛlɛka lan te, Hala ndaa pɛɛn. Maa Israɛlla koni nda bɛɛ kela ni.

Misee 6:7

Mɛlɛka cɛlnin pá saa kóndóa hali sɛ́lɛ́ bɛndoo? O cɛlnin pá cuɛima lakongima cuu man kɔɔli le-an? Vɛ̀ɛ̀ mì ke ndu po ni tasoo haliko mo mal-la haki a kɔlvesɛi nuu? Bàà mì ke ndu hɔ́ɔ́ ya solin o ipulu-o le haki ni ya pila tosa-o?

2Masaa 17:16

Má mulul silala Mɛlɛka Hala ndaa kɔɔ, má cɔaw navaa téndéa a ciliŋun teengian, má cɔaw yɔm soolaa. Má baŋ vulan ɲɛm pangelen co o halataala-on o labɛngunin, má sooluu vɛlɛ Baal.

2Masaa 21:9

Kɛ Israɛlla bii sɔɛi ken te. Mí Manase luei nda o pɔwlan nin háá má pɔlɔŋian o hakilan nin hiovɔɔ bɛɛ mɛɛ vanaa-mangalaa-isɔɔa Mɛlɛka ndóò tɛɛmbuu nda laci-a tosa yɛ.

Esai 57:5

Yeemɛi bɛnduei co niaa le kɔlan sooluulan kilaa o yɔmii terebɛntiei, a o yɔmii puiyɛia kpow bɛngu. La co cuaambɔa bololan kilio o kpolonndan nin a o tɛɛngun powta kpovalan nin.