2Masaa 16:10 - BII BILA

¹⁰ Mí masaa Ahas kɔa Damas o Tiklat-Pilesɛr masaa Asiri lo. Mɛɛ Ahas ce fonda-loamaa-lasálà va Damas lon-ndo, mó yɔŋ Uri vana-solia-lasálàá tuula fonda-loamaa-lasálà kon a mɛɛ ɲɛm baalan va lon-ndon kpede n va yɛ.

2Masaa 16:10 Referans Kwoze

Rɔmnda 12:2

La tuvan a dɛnnda vannda paalen nden hau le, kɛ la mangalan o kɔlkalu sɛnɛiyo sɔlaa nin le hɛnan Hala-o sinaa: o naŋ-ndo, o hɛnan vana-o, o tiun-ndo.

Esai 8:2

O kon, mí cua seyaa vana nɔla ma laalan-nda: vana-solia-lasálàá Uri nda Sakari po Yɛberekiahu-o.

1Piɛr 1:18

Kani la sínà maa o co a volion, te kon te a sianion, ɲɛm támbù mun-ndon te niaa sɔla baŋaa dɛnnda niaala fondolan ba le, dɛnnda fuɲaa niaa mel niaa kɛ́ɔ lan pɛɛn.

Matie 15:9

Kaannde fondolen fúú nda co o diola nilan ni, mà pɛɛku vannda sɔɔn nda pila co tosaa-on.›»

Matie 15:6

Vana kon nɔ mako le fuɲa ndɔ, te kon te kala ndɔɔ bɛɛlen ke le. Lende niaa co sɔɛi Hala-e malɔɔ ni le naamu niaa.

Esekiɛl 43:11

Te siɛmbulan la bii pɛ nda le dɛnɛ oo dɛnɛ vɔɔn nda tosa, a tuulal nda mɛɛ cɛiyo co yɛ, mɛɛ o tangulun yɛ, mɛɛ diola ndɔla fulaalan la co yɛ, mɛɛ la luɛyaalan la co yɛ, a mɛɛ tuuliaala ndɔlan, silala ndɔlan, tɔŋnda ndɔlan kpow la co yɛ. A tuula pɛ ndu lende, a handu tuula kon nda o hɔl, haliko ma mɛɛndian tuuliaala co lon-ndan a tɔŋnda ndɔlan kpow, má tosa lende.

Esekiɛl 43:8

Kani (masaa) va kèédei dio ndaa handɔɔ o kèédei dio nuu ikɛi, a va koŋnda ndalan handɔɔ o koŋ nuu ikɛi, cìì cɛiye ndii pilɛ kínɛí va naa tɛɛn naa ndaa ni. Lende ndáà nɔɔliaa diola nila diandaalan a dɛnnda nɔɔlɛila nda va tosaa lan ni, lelan ya lumilumi nda a kɔl ni tuwvo ni.

Yeremi 10:2

O dimi aa: «La tuula vanaa-mangalaa-isɔɔa a kela ndaa le. Siòòŋii bii niaa a tɔɔmaselela co o halataala lan te, kani a nda vanaa-mangalaa-isɔɔa nɔ siòònde taw ni.

Condii lisai 106:39

Mí nda pila nɔɔlian a dɛnnda nda va lan tosaa lan, má luɛi suunda-bilaa-n'piɔmndo.

1Dɛnnda lemasalan 28:19

Mí David dimi aa: «Kon kpow co o sɛvaa o sɔɔn Mɛlɛka pila dimul-la-on nin, o tɛɛsial-la kpow mɛɛ vana kei ma tosa tuula lan yɛ.»

2Masaa 15:29

Telen Peka va o masalen coo Israɛl-lo, mí Tiklat-Pilesɛr, masaa Asiri hun bii Iyon, Abɛl-Bɛt-Maaka, Yanoa, Kedɛs a Hatsɔr. Mó bii tàndá Kalaad-o a tàndàá Kalile kpow, kɔ bii niko a tàndá Nɛftali-o kpow, mó bii vanaa va o kobila lan a o tàndàla lan nin-nda kpow, mó kɔa a nda o biyɔɔ nin o lɛŋnde Asiri len nin.

Tɔŋ miingua 12:30

lɔ́ɔ́ nda cuunin itambu lende niaa laci-o, fɔ mi la mandan taw, yɔŋii niaa haw o yaŋɔɔlen mì la kela maa nda, mì la holnun halaa nda co sooloo-a mì la dimi aa: ‹Vɛɛ nɛ vannda ha ndáà sooluu yɛ tombun ndan? Naa bɛɛ n yeema mì n tosa maa nda.›

Fulaa 39:43

Mí Moise mɛɛndan vali tosan-ndo, mó ca maa o tosan ɲɛkɛndɛi mɛɛ Mɛlɛka cɔm ndu yɛ. O kon, mó dɔaw vanaa tosa baala kon-nda kpede duaa.

Fulaa 24:4

Mí Moise sɛva sɔɔn Mɛlɛka soo-on kpow. Diimandɔɔ, mó pena cɔnɔn idiiyo púŋ, mó cɔaw fonda-loamaa-lasálàá o pembii ken bɛngu, mó simi powta sálàlan tɔ́ a latiɔn mɛɛ polama Israɛlla ma co tɔ́ a mamiɔn yɛ.

2Masaa 16:11

Mí Uri vana-solia-lasálàá cɔaw fonda-loamaa-lasálàá mɛɛ fonda-loamaa-lasálà masaa Ahas komal Damas, mó yɔŋ ndu tuula ndɔɔ-o va kpafii yɛ. Lɔ́ɔ́ pá mí masaa Ahas can Damas mó muungu, mí Uri cii ndu cɔvɔɔ.

2Masaa 21:4

O kon kɔɔli, mó cɔaw fondala-loamaa-lasálàlan o Cɛi-Hala-o nin, nɛɛ Mɛlɛka ndóò dimi le cɔmnɔnndo ceen o kobio Yerusalɛm nin-nda pɛɛn.

Esekiɛl 16:28

Má suunda vɛlɛ a Asiriia, kani nɔm óò pim ndɔ a suundaa le, kɛ hali a suunda n suunda kon a kan-ndo kpede, a sanga vɛlɛ a suundaa le.

Esekiɛl 44:12

Kani lende nda va vanaa kan baalaa tosallo o piɔmaa ndaa sooloo nin ni, nda yɔŋnun vanaa luei cuavaa Israɛlla o hakio nin-nda ni, lelan yɔŋ vɔɔn ndaa toalnin nda coo. Ya Mɛlɛka dimi lende ni, mí heelu ba nuu coocoo mí mɛnalan nda po!

Yosue 22:28

Mí n yiyan vɛlɛ maa taa hun dimul pɛ naa pila, te kon te cuavaa naa imamaa lende, n mulul nda aa: ‹La tofa vɔ mɛɛ fonda-loamaa-lasálà fuɲaa naa mamaa tangul-lo co yɛ, hiyan kɛ́-kɛ̀ co ndu tɛɛn a fonda-loamaa-lasálà Mɛlɛka-o le. Kɛ a tengul ndu le sálàla loamaa, te kon te le sálàla súú celen soli le, kɛ a tangul ndu haliko mo va tɔɔmaseloo naa tɛɛn naa niaa.›