2Masaa 13:7 - BII BILA

⁷ Vanaa cɔvaa Mɛlɛka ndóò mel Yoahas daama-a va haa ni: vanaa ɲaanun o soa coo-a n'van beleŋuɛɛnu, ɲɛla ɲaanannda soa nan-ndan tɔ́ a vanaa tosa cɔwvo a n'pelu-a vaalan tɔ́. Kani mí masaa Aram ndóò diw nda taw, mó mingi nda maa cundu vannda kei nɛw a n'pelu-o.

2Masaa 13:7 Referans Kwoze

Amɔs 1:3

Nuaa Mɛlɛka soo ni aa: «Le yɔŋnda vɔɔnnda yàála vannda Damas tosa lan, le yɔŋnda vɔɔnnda nda tosa háá tan hiɔɔlu lan, ɲɛ ya kelu le nda tuisio coo-o, i faŋannin lecoo le! Kani a pimbulu vannda Kalaad o ciliŋun siɛɛmbian coo, má pesipesi nda.

2Masaa 10:32

O telen kon, mí Mɛlɛka kandu lɛŋnde Israɛl-ten dɔɔniaa. Mí Hasaɛl nɔla Israɛlla o lɛŋnde ndalen kpow nin,

Esai 41:2

Nɛ̀ɛ́-nɛ̀ soli yɛ vana cindaa co kɔlan kɔɔli a ba paalen le can-ndo-o? Nɛ̀ɛ́-nɛ̀ mal lɛ vanaa-mangalaa-isɔɔa ndu o ba mó kɛsi ndu masaa o labɛngunin? Mɔɛi ndɔɛi cɔwve co vannda cuiyo ndu laci maa cundu, kpaasiaa ndɔɔ co nda saŋɔɔ mɛɛ hoeiye saŋ foeende nuaa yɛ.

Esai 36:8

Lelan sunsun, la mɛi o lediom coo niaa vana ni bɛndoo, masaa Asiri pɛɛn, o kon i yɔngunin nɔm soa vàálan latiɔn, nɔm nuwviaa vanaa caa ɲaanɔnndo o soa coo-a kínɛí.

Condii lisai 18:42

A co koŋullo, kɛ a co vana malaa sɔla le, a co Mɛlɛka veeloo, kɛ o co nda mulul te.

2Masaa 8:12

Mí Hasaɛl ɲuna ndu aa: «Le yɛɛ n co yɛ caŋndo, vana ni bɛndoo?» Mí Elise muli aa: «Kani i sina dɛnɛ vɔɔn n tosalnin Israɛlla-o, a luminin kobila ndala co o kpakilan nin-ndan, ma diw langbaa felengia ndaa a mɔɛi cɔwve, ma ciimiaa cuaambɔa ndaa pɔmbɔa, ma tɛɛndiaa laandaa ndaa vanin a folilan-nda dembelan.»

1Masaa 20:27

Tuma Aramiia va hunɔɔ ivɛ́ɛ́lɛ̀-vɛ̀ɛ̀lɛ̀i o lɛŋnde len nin-ndo, mí Israɛlla bɛɛ cɔm vanaa ndaa cɔwva, má ke nda ɲɛm ndáà bɛnda le baloo dɔwnɔnndo-on. Má bii nɛiyo le nda kuello. Má kɔ kila dɔ́ɔ́ngɔ́lan tan tiɔn Aramiia kan laci, a va sɛ́lɛ́ maa cuinaa kundala tiɔn.

1Masaa 20:15

O kon mí Akab mɛɛndian vanaa cɔvaa felengia masaa latàndàá hɛli-a, a va faw-faw n'van kɛmɛ lediin n'van beleyaa a vanaa ŋiɔn. Mó cɔm vɛlɛ vanaa cɔvaa Israɛlla kpow, nda va faw-faw vàála ŋɔmmɛw.

1Samiɛl 13:15

Mí Samiɛl can Kilkal, mó kɔa Kibea o tàndá Bɛnyamɛn-ndo nin. Mí Saul koma cɔm vanaa cɔvaa tɔ̀a lo ndu kɔɔli-a tɛ́kpɛ́-tɛ́kpɛ́, a va le n'van kɛmɛ leŋɔmpum.

2Samiɛl 22:43

I co nda cuiyo, mí va nda mingio maa cundu, i co nda nɛwvo mɛɛ vana nɛw loolio o nɛi nuaa yɛ.

2Masaa 13:8

Sɔɔn tɔ̀un Yoahas-on kpow, ɲɛ-ɲɛ o tosa a dialun ndɔn fulan, kon kpow co o sɛvaa o sɛbɛ Dɛnnda lemasalan Israɛl nin.

Amɔs 4:10

Mí tuisi niaa nàà halimaa coo mɛɛ yáà tuisi ndu Esiptea coo lɔ́ɔ̀ kon yɛ, mí diw felengia niaa o mɔɛi cɔwve bɛngu, mí mal yaamɔɔa má bii soa niaa, mí tosa mí la tuɛi vanvílɛ́yaa siowva cun o dɔ́ɔ́ngɔ́ niaa nin. Kɛ a kon kpow, la mùùngú ya o ibuŋ te. Ya Mɛlɛka soo nuaa ni.

Tɔŋ lasálàá 26:17

I mululunnin niaa, yaamɔaa niaa koaŋnin niaa, mì vanaa nɔ nɛyɔn niaa-a kɛsin niaa nda o labɛngunin. La ɲaanunnin hali mì vana ve niaa tovɔɔ le.