2Masaa 13:6 - BII BILA

⁶ Kɛ Israɛlla mel hakila yungu Yeroboam-ndo luei Israɛlla pelon nin-ndan tosaa le, má muungun vɛlɛ lenin. O nɛila lan coo tuŋ nda va kelaa ni. Hali yɔm soolaa, mó lo isisi Samari lon.

2Masaa 13:6 Referans Kwoze

1Masaa 16:33

mó baŋ vɛlɛ yɔm soolaa lon. O kon mí Akab tɛɛmbuu Mɛlɛka Hala Israɛlla kɔllo hiovɔɔ masaa Israɛlaa tosa masalen ndu tase-a kpow coo.

2Masaa 13:2

Mó tosa ɲɛ hɛnan Mɛlɛka loo, mó luei Israɛlla pelon o hakilan nin mɛɛ Yeroboam po Nebat-o tosa yɛ, yɛlɛma bɛɛ o yɛlɛma le.

2Masaa 23:4

Mí masaa Yosia viam Hilkiya bolle vanaa-solia-lasálàá nda vanaa-solia-lasálàà tɔ̀a a vanaa va kèédei cumullo-a, má kɔ cua ɲɛm-laandun vannda ndáà toosiaa le Baal, le Astartee a le ɲɛm pangelen co o halataala-on-ndon, má kɔ loam mun o kobio Yerusalɛm kɔɔli, o bóllo Sedrɔn nin. Má yaa pulta ɲɛm ŋɔalɛin mun Betɛl.

2Masaa 18:4

Mó tɛɛmbuu tombon, mó pesipesi powta sálàlan, mó puusiaa yɔmii soolɛi, mó kilikili kɛw n'daɲa Moise ndóò toosiaa-o, kani háá a telen kon Israɛlla va vɔ cuɛima cun kɛndɛan lomɔɔ le kɛw kon, nuaa ndáà veelu kɛw kon ni aa Nehustan.

2Masaa 17:16

Má mulul silala Mɛlɛka Hala ndaa kɔɔ, má cɔaw navaa téndéa a ciliŋun teengian, má cɔaw yɔm soolaa. Má baŋ vulan ɲɛm pangelen co o halataala-on o labɛngunin, má sooluu vɛlɛ Baal.

2Masaa 10:29

Kɛ a kon kpow, Yehu soli balan o hakila Yeroboam, po Nebat-o va tosaa lan nin te. Nduyɛ, Yeroboam kon ndóò mal Israɛlla o pɔwlan nin ni, má va navaa nda cɔw a sianion-nda sooloo Betɛl a Dan.

1Masaa 16:26

Mó tosa mɛɛ Yeroboam, po Nebat-o tosa mó mal Israɛlla o hakilan nin má lo piɔmaa ndaa fondoa kan sooloo háá mí Mɛlɛka Hala Israɛlla tuulu kɔl a nda yɛ.

1Masaa 15:3

Mí ndu bɛɛ tuula fuɲa ndɔ, mó tosa hakila fuɲa ndɔ tosa lɔ́ɔ́ kon-ndan. Kɔl ndɔɔ ve Mɛlɛka Hala ndɔɔ coo kpow mɛɛ David fuɲa ndɔ mamaa ndóò yɔngu Mɛlɛka kɔl ndɔɔ kpow yɛ le.

Tɔŋ miingua 7:5

Kɛ la tuei-yɔ mɛɛ niaa tosanin a nda yɛ: la bɛnda mì la koombiaa máánnda ndalan, mì la pesi powta ndala sálàlan, mì la koombiaa sungbuma ndama soolan, mì la lom piɔmaa nda sɛl-la.

1Masaa 14:16

Mɛlɛka mululnin Israɛlla kɔɔ le haki Yeroboam tosa-o a le malɔɔ o mal nda o hakio nin-ndo.»

2Masaa 13:11

Mó tosa ɲɛ hɛnan Mɛlɛka loo. Hakila kɛ́-kɛ̀ Yeroboam po Nebat-o ndóò luei Israɛlla balan nin, lan tuŋ ndu bɛɛ va tosaa ni.

2Masaa 21:3

Mó mingi tombun Esekia fuɲa ndɔ ndóò puusiaa-on tangul, mó cɔaw fondala-loamaa-lasálàlan le Baal, mó cɔaw yɔm soolaa mɛɛ Akab masaa Israɛl ndóò tosa paandu yɛ, mó baŋ vulan ɲɛm pangelen co o halataala-on kpow o labɛngunin, mó sooluu mun.

Esai 26:10

Kɛ vana tosal bɛɛ vanaa kɔlvesɛiyo kɛndɛi, o sinanin dɛnɛ sandaa le. O tosanin dɛnɛ vɔɔndo o lɛŋnde dɛnɛ sandaalen coo, o cinin bɔɔbɔɔyɛi Mɛlɛka-e le.