2Masaa 13:5 - BII BILA

⁵ Mí Mɛlɛka yɔngu Israɛlla vana baŋaa. Má fula o ba Aramiia bɛngu, má muungu o cɛila-kolala-toandaala ndalan nin maa o tasendɔ.

2Masaa 13:5 Referans Kwoze

Nehemi 9:27

O kon, nɔm Mɛlɛka, má mal Israɛlla yaamɔaa ndaa o ba, mí yaamɔaa kan saangiaa nda. Má koŋul nɔm o lani le sanga nda va kon-ndo, má tuɛi nda diom nɛɛ n co o halataala dí-a. A ɲíí nɔmii bɛndui nɔ lamɛɛlu lei, má viam vannda le nda solio o cɛlen nin yaamɔaa ndaa o ba.

2Masaa 14:27

Nduyɛ, Mɛlɛka ndóò dimi le Israɛlla cii o ceendo coo le. Le hee, mó hɛli Yeroboam po Yoas-o le nda baŋaa.

2Masaa 14:25

Mó mingin lɛŋii va paandu le Israɛlla-e kpow o ba, cɔnɔnndo Hamat kɔlan háá o mɛmma hɛlii bɛnduan, maa mɛɛ diom Mɛlɛka Hala Israɛlla ndóò dimin a sondo vana ndɔ baalaa Yonas-o yɛ, Yonas vana-tɛɛngaa-diom Hala-o pɛɛn, po Amitai fula Kat-Hefɛr-o.

2Masaa 13:25

Mí Yoas po Yoahas-o hialu Bɛn-Hadad po Hasaɛl-lo kobila Hasaɛl ndóò hɛlu Yoahas fuɲa ndɔ o ba a cɔwvo lan o ba. Mí Yoas nɔla Bɛn-Hadad a cɔwvo háá bɛmbɔɔ leyàá, mó mingin kobila Aramiia ndáà puu Israɛlla o ba lan o ba.

Luke 2:11

Vana Ciindiaa vilun niaa hau o Kobi David-o nin, ndu co Krista ni, Maalii pɛɛn.

Abdia 1:21

Vanaa baŋa vannda-a helnin o pembei Siɔn coo le masalen tosaa o pembii Esau-ve coo. O kon Mɛlɛka vanin masaa kpeekpei.

Esai 19:20

Ɲɛm mun vanin tɔɔmaseloo a seilen le Mɛlɛka-Nɔ-Kpaayaa-Kpow-vo o lɛŋnde Esipte len nin ni. Lɔ́ɔ́ Esiptea koŋulnin o Mɛlɛka lo a vanaa co nda saangiaa-a o sondo-o, Mɛlɛka vimnin nda vana baŋaa a vana soaa le nda-o le nda ciindiaa.

1Dɛnnda lemasalan 11:2

Paandu pa, lɔ́ɔ́ Saul va masalen tosaa-o, nɔm va Israɛlla simndan laci le kɔlan o cɔwvo ni, kani Mɛlɛka Hala nɔmndo ndóò cii nin nɔm dimul maa nɔm vanin simlacinɔ vanaa ndɔa ni, Israɛlla pɛɛn.»

1Samiɛl 19:7

O kon kɔɔli, mí Yonatan kɔ veelu David, mó downun ndu kona a sɔɔn mun kpede o kɔɔ. Mó mingi ndu Saul o ibuŋ. Mí David muungu vɛlɛ baalaa tosaa masaa Saul o labɛngunin maa paandu.

Tɔŋ miingua 19:4

Vana dii vanacieo, mò kɔ vionnun o kobila lan o pilɛ nin, mò baŋa yoomu ndɔɔ-o co hoo ni: vana sulalle fula o ba, mo dii vanacieo, kɛ ndóò nɔ nɛyɔn ndɔ paandu loo.

Fulaa 4:10

Mí Moise dimul Mɛlɛka aa: «Hee kendu dɛ Maalii! Kani o co vana nɔla isɔɔ a mayoomu o luŋ te ya co le. Kabi paandu i cee isɔɔ le, nɔm pila sina maa kabi n kandu sɔɛi o ya lo, i nɔla sɔɛi taw le.»

Ɛstɛr 4:14

Taa lo pɛ tofaa ma dimi ɲɛ-ɲɛ le, pɛngio a baŋan Yuifia co hunɔɔ fula nɛɛ celen, kɛ nɔm pila a yungu nɔmndo, la sɔlanin piɔ́mndo. Nɛ̀ɛ́-nɛ̀ sina yɛ te o co le dɛnɛ vaa nuaa le n tiiya o fonda vaa nuaa o masalen nden nin te?»

1Samiɛl 12:11

Mí Mɛlɛka viam Yerubaal, Bedan, Yɛfte a ya Samiɛl le niaa baŋaa a le niaa solio yaamɔaa va niaa a balaa sɔ́-a o ba. O kon, mí la cal a kɔlɲuloo.