2Masaa 13:4 - BII BILA

⁴ O kon, mí Yoahas tɛɛlun Mɛlɛka, mí Mɛlɛka tuɛi ndu diom. Kani o va dɛnɛ palaa masaa Aram va Israɛlla tuisio coo-o cɔu.

2Masaa 13:4 Referans Kwoze

2Masaa 14:26

Kani mí Mɛlɛka ca mɔnɛi Israɛlla va nin-nde a sanga bɛndu va nda kpow coo-o. Cɛ ve lɛ le, hɔ́ɔ́ ve lɛ le, vana-vana ve le nda malaa le.

Fulaa 3:7

Mí Mɛlɛka dimul ndu aa: «I ce mɔnɛi cuavaa nia co nin Esipte-e, i co nda tueyɔ̀ɔ́ koŋullo a saangiaa mɛlɛsoŋnda co nda-o, i ce dɛnɛ palaa co nda coo-o vakpa.

Condii lisai 78:34

Te Hala ndóò cɛn pɛ le nda diwvo, ndáà muungu ndu o ibuŋ, ndáà nuwviaa ndu le nda malaa.

Yeremi 33:3

‹Veelu ya, mì mulul nɔm, mì cɔm nɔm dɛnnda bɛndulan, dɛnnda viannanndan, la n sina le lan pɛɛn.›

Esai 63:9

O sangala ndalan kpede nin, (sangala yɔŋnun maa ɲɛ kindilaa hali le ndu pila lan), mí Mɛlɛka nɔ co ndu o hɔl-lo ciindiaa nda. O kaola ndɔɔ a o ɲíí ndɔɛi nin, mí ndu pila baŋa nda, mó mala nda, mó siilun nda o palɛi hiow paandu-e kpow nin.

Condii lisai 50:15

O kon, paale niaa vanin o buulanndo nin-nden, la piɛi ya. I baŋanin niaa, mì la biilu ya.›

Kundalan 21:7

Mí vanaa tɔ̀a hun komal Moise, má dimul ndu aa: «N cua hakio le sɔɔn vɔɔŋun naa n soo a Mɛlɛka a á nɔm-ndon. Lelan, tɛɛlun Mɛlɛka sisa mò faŋa naa kɛvaa vɔɔnda ha ikɛi.» Mí Moise piɛi Mɛlɛka le vanaa kan.

Fulaa 3:9

Kani i co cɔu mɛɛ Esiptea co Israɛlla saangiaa a yɔɔkpiaa yɛ, yééla ndalan la co ya komallo háá nanu.

O Kandɔɔ 21:17

Mí Hala tuɛi poombɔɔ caŋndo, mí mɛlɛkanɔ Hala-o lo coocoo, mó veelu Akar, mó ɲuna ndu aa: «Akar, yɛɛ yɔŋnun yɛ nɔm? Buulan te, kani Hala tuei poombɔɔ caŋndo nɛɛ n mɛi ndu-a.

Yeremi 2:27

A co yɔmndo dimullo aa: ‹Nɔm co fuɲa naa ni›, mà va powvo dimullo aa: ‹Nɔm velu naa ni.› A toɲa, a cii ya kɔɔ mulul, a co lɛ ya tofa le, kɛ te dɛnɛ palaa tol pɛ nda coo, a dimul-la aa: ‹Cɔn ma ciindiaa naa!›

2Dɛnnda lemasalan 33:19

Piɛile ndɔlen, mingin Mɛlɛka mingin ndu o ibuŋ-ndo, hakila ndɔlan kpow, kɛɛ o kɛɛ lou o lediom coo-o, fondala ndóò tangul sooluulan telen pá mó tuisin Mɛlɛka o labɛngunin-ndan a nɛɛ ndóò kɛsi yɔmii soolɛi a sooluulan-nda kpede la co lasɛvaalan o sɛbɛ Hosai-yo nin.

2Masaa 13:22

O telen Yoahas va o masalen-ndo kpow bɛngu, Hasaɛl, masaa Aram va Israɛlla mɔnɛi lueiyo.

Masaa kialaa n'yamaa 10:10

Mí Israɛlla koŋul o Mɛlɛka lo, má dimi aa: «N cua hakio a nɔm, kani n mulul nɔm Mɛlɛka Hala naa kɔɔ, le Baalla sooloo.»

O Kandɔɔ 31:42

Te ndóò ve mí Hala Abraham-ndo, Hala Isaak fuɲa ni ndóò ɲiiya o hɔl-lo ndóò ve ya ikɛi le, a va ya hau tovɔɔ mì yáà muungu bala fondo. Kɛ Hala ce mɔnɛi luɛi ya-e a yɔkpa ya yɔkpa o vallo nin-ndo. Lelan, mí ndu pila kialu ciɛi icɔl yamɛi.»

Esai 26:16

Mɛlɛka, a nuwviaa nɔm telen nda va o sangaa nin-ndo, telen n soŋ nda le nda silaa-o, má piɛi nɔm taw-taw.

2Masaa 13:23

Kɛ mí Mɛlɛka tosal Israɛlla kɛndɛi, mó tuinun nda iɲíí, mó mulul nda hɔlla le kpema ndóò yiilu Abraham, Isaak a Yakɔb-o. O cɛl le nda tɛɛmbuuo le, nduyɛ háá paalen nden, o kɛɛ nda mò faŋal nda hɔlla le.

Ɛsdras 8:23

Lelan naa n bii sumndo ni, mí n piɛi Hala naa, mó muli piɛile naalen.

SƐBƐ YƆB-O 22:27

A piɛinin ndu mò yaŋnun nɔm, o kon a timbi yoole n baa o ndu lo len.