2Masaa 11:2 - BII BILA

² Kɛ o telen nda va vannda diw kon-ndo, mí Yehoseba cua masaa Yoram-ndo, ó va yemaa Ahasia-o, cua Yoas po Ahasia-o nda vana va ndu mandaa-o o vionnɔnndo nin, mó soli ndu o poaa masaa nda va diwvo-a tɛɛn, mó kɔ vian ndu o cɛi lɔlaa nin. Nuaa Yoas sɔla vionɔɔ ni mó faŋan Atali o hɔl, o kon Atali dii lɛ ndu le.

2Masaa 11:2 Referans Kwoze

Esekiɛl 40:45

Mí langbanɔ kon dimul-la aa: «Cɛi muli hɔlla a ba too-o, le vanaa-solia-lasálàá co baalaa tosaa o Cɛi-Hala-o ho nin-nda o co ni.

Yeremi 35:2

«Komal vanaa fula o polale Rekab len nin-nda, mà soo o nda lo haliko ma cɛl le hunɔɔ o cɛila pɔmbɔla co o Cɛi-Hala-o holnɔnndo lan o pilɛ nin. O kon a ke nda mɔiyan, a kol.

Yeremi 33:26

La ca ko aa mì kɛɛ poaa Yakɔb-a a poaa David vana ni baala-a? Vɛ̀ɛ̀ i kɛɛnin le simlacia simnin cuavaa Abraham-nda, a Isaak-a a cuavaa Yakɔb-a laci-a hɛlio o poaa ndaa tɛɛn? Kɛì-kɛì bɛɛ! Kani ɲííye co ya a nda, i minginin vanaa ndaa nda kɔɛ o biyɔɔ nin-nda o nda lo.»

Yeremi 33:21

Lende koni, kpema ya yiilu David vana ni baalaa-o tembunin te. Vana-vana kuunanin vɛlɛ cuavaa-imamaa David-a masalen tosaa Yerusalɛm lɔ́ɔ́-lɔ́ɔ̀ le, cuavaa-imamaa Levii-a bɛɛ a pɛnginin a ya sálàlan solullo le.

Yeremi 33:17

Diom Mɛlɛka dimi-o co hoo ni aa: «David folanin vana o polale ndɔlen nin lɔ́ɔ́-lɔ́ɔ̀ le calle o kpɛŋɛ lemasa nin le masalen tosaa Israɛlla coo le.

Esai 37:35

I kandanin kobio ho le ndu ciindiaa, i tosanin kon le ya pila a le vana ni baalaa David.»

Talelan 21:30

Kɔlkalu co le, dɛnɛ sinaa co le, taasi co le, o sim Mɛlɛka o hɔllo.

2Dɛnnda lemasalan 22:11

Kɛ telen o va kon nda diwvo-o, mí Yehoseba cua masaa Yoram-ndo ciimbuu Yoas, po Ahasia-o, mó kɔ luei ndu nda vanalanɔ va ndu mandaa-o o cɛi kpelelan la va nin-ndo nin. Nuaa Yehoseba, cua laandu masaa Yoram-ndo, ó va lanɔɔ Yehoyada vana-solia-lasálàá-o, ó va vɛlɛ yemaa Ahasia-o cɛwcɛw Yoas Atali o ba ni. Atali nɔla ndu diyɔɔ le.

2Masaa 8:19

Kɛ Mɛlɛka cɛl le masalen Yuda tɛɛmbuuo le, kani mí ndóò dimul vana ndɔ baalaa David maa poaa ndɔa tosanin masalen Yerusalɛm le lɔ́ɔ́-lɔ́ɔ̀.

2Masaa 8:16

Yoram po Akab-o tosaa masalen vɔsilan laŋuɛɛnu o lɛŋnde Israɛl-ten coo, Yosafat va vɔ masaa Yuda, mí Yoram po Yosafat-o siŋnun masaa Yuda.

1Masaa 6:10

Cɛila coocoola ndóò tangul, mí láà balu Cɛi-Hala kon-ndan, o kɛ́-kɛ̀ ndóò nɔ helɔɔ bandei dunndo leŋuɛɛnu. A yɔmii sɛɛdrei ndáà toosiaa kpóŋmá Cɛi-Hala kon ni.

1Masaa 6:8

Diola luɛyaala cɛi tase va o cɛi coocoo bɛngu-o la va o Cɛi-Hala kon o ba kɛndɔɔ coo. O helɔɔlan coo vanáà kei le luɛyɔɔ o cɛi coocoo va tɛɛn-ndo nin ni, lecoo koni vanáà kei vɛlɛ le tiiyaa o cɛi coocoo yàándɔ va lecoo-o nin ni.

Fulaa 8:3

Mí vanaa mangalaa Esipte bɛɛ a tosa dɛnɛ kɔndɔfili kon a kpaaya nda mangalaa. Má soli ŋɔɔŋɔɔnda, mí ŋɔɔŋɔŋaa kan hel o kɔngɔ o lɛŋnde Esipte len coo.

Masaa kialaa n'yamaa 9:5

Mí Abimelɛk kɔa Ofra o fuɲa ndɔ lo, lon o kɔ diw puapilɛa ndɔa belaŋɔmmɛwva ni, poaa Yerubaal-la pɛɛn, o pow bandílá pilɔɔ coo o dii nda ni. Fɔ Yotam, ó va nda cuaambɔɔ coo-o daama hɛlun ni, kani vionnɔnndo ndóò vennun ni.

2Masaa 11:3

Mí Yoas nda Yehoseba lo o vionnɔnndo nin o Cɛi-Mɛlɛka-o nin háá vɔsilan tan ŋɔmpum. O telen kon yɛ, Atali va masalen tosaa o lɛŋnde len coo ni.

2Masaa 12:1

Yoas ndóò nɔ vɔsilan tan ŋɔmmɛw, mó siŋnun masaa.

1Masaa 11:17

Kɛ mí Hadad ndóò sɔndan, mí ndóò ɲaanun Esipte a Edɔmaa va buɛyaa fuɲa ndɔa-a. Telen kon yɛ, Hadad vannun ndɔ felengi pɔmbɔ.

1Dɛnnda lemasalan 3:11

Yoram, Ahasia, Yoas,

Yeremi 36:26

Kɛ mí masaa dimul Yerameɛl po ndɔ, Seraya po Asriɛl-lo, a Selemia po Abdeɛl-lo maa a bii Baruk vana sɛvaa nda Yeremi vana-tɛɛngaa-diom Hala-o. Kɛ mí Mɛlɛka vian nda kpíŋ.