2Masaa 11:11 - BII BILA

¹¹ Mí vanaa cɔvaa kándà masaa-a sim masaa balɔɔ sɔ́ a ɲɛm cɔvun ndan o laba, má sim o cɛiyo kandɔɔ o kpengii ba kɛndɛi coo kɔlan tiiyaa háá o kpengii ba mɛlle coo, o fonda-loamaa-lasálàá a o cɛiyo holnɔnndo le masaa kandaa.

2Masaa 11:11 Referans Kwoze

Luke 11:51

Kandɔɔ a piɔ́m Abɛl-lo, kɔlan háá a piɔ́m Sakari-o, à nda dii o fonda-loamaa-lasálàá a Cɛi-Hala-o tɛɛn-ndo. Mì dimul niaa, dɛnɛ piɔ́m vanaa ɲunannin vanndacieea vaalio ho.

Matie 23:35

haliko mi dɛnɛ piɔ́m vanaa tɛɛmbuu isɔɔ le-a del niaa o lebol, vanaa nda diw o lɛŋnden coo-a pɛɛn. Kandɔɔ a piɔ́m Abɛl vana sandaa-o, kɔ bii háá a piɔ́m Sakari, po Berekia-o-o, ò niaa dii Cɛi-Diandaa a fonda-loamaa-lasálàá tɛɛn-ndo.

Yɔɛl 2:17

Vanaa-solia-lasálàá co Mɛlɛka baalaa tosallo-a bɛnda mà sim o tongo-sɛmtɔɔ a fonda-loamaa-lasálàá tɛɛn mà caŋ taw. Mà piɛi nuaa aa: «Éé Mɛlɛka! Tuinin vanaa nɔmnda iɲíí, yandi. Tuisì vanaa co kɛ́ nɔmndo-a siɛmbulan te, yɔŋii vanaa-mangalaa-isɔɔa mam nda. Vɛ̀ɛ̀ ma tosa mì vannda ɲuna vanaa súúla celennda tɛɛn aa: ‹Kuɛɛ nɛ Hala ndaa co yɛ?›»

Esekiɛl 8:16

Mó luɛi a ya o bɛ́ɛ̀ lenin Cɛi-Mɛlɛka-o nin, o Cɛi-Mɛlɛka-o sondoo, o tongo-sɛmtɔɔ a fonda-loamaa-lasálàá tɛɛn. Mí ca langbaa bidiin a à ŋuɛɛnu, a mulul Cɛi-Diandaa kɔɔ, má muli hɔlla a ba paalen le can-ndo, a va vula baŋaa a kpengii paalen le can-ndo le paalen sooloo.

2Dɛnnda lemasalan 6:12

Mí Salomɔn sim o fonda-loamaa-lasálà Mɛlɛka-o hɔl-ndɔ, Israɛlla kpow o hɔl, mó heelu balan.

2Masaa 11:10

Mí Yehoyada vana-solia-lasálàá piɔw simlacia kundala vanaa cɔvaa kɛmɛ-kɛmɛa báltan a kɔ̀ɔ̀la cɔwlan, lá va paandu le masaa David mí láà va lamandaalan o Cɛi-Mɛlɛka-o nin-ndan.

2Masaa 11:8

mì la balu ndu sɔ́, mì vana-vana nɔ ɲɛm cɔwvon o ba. Vana-vana tɔɔndan pɛ le niaa sɔɔnguuo ikɛi, ndu sɔlanin piɔ́mndo. Masaa va pɛ fulaa, la fula niaa ndaa, o va pɛ luɛyɔɔ, la luɛi niaa ndaa.»

Fulaa 40:6

Ma kɛsi fonda nda loam sálàla loamaalan coo-o o Calta Mɛlɛka la lan sondoo, cɛi-kola-toandaa-labɔɔŋianndo pɛɛn.

2Masaa 11:12

O kon mí Yehoyada vana-solia-lasálàá veelu Yoas po masaa, mó vow ndu tɔɔmasele lemasaa, mó yɔngu ndu sɛbɛ kpemaa. Má pɔla ndu, má siinguu ndu masaa, má tiam balan, má va dimio aa: «Màá masaa viow yoomu!»