2Masaa 11:1 - BII BILA

¹ Atali kalaa Ahasia cɔu maa po ndɔ vi, mó can, mó viam vannda le kɔlan poaa yungu lemasaa kpow diwvo.

2Masaa 11:1 Referans Kwoze

Yeremi 41:1

O paangii ŋɔmmɛwndɔɛi, mí Ismaɛl po Netania-o po imama Elisama-o, fulaa o yungu masaa nin, o va vɛlɛ vana pilɛ o simlacia lebolla nin. Mó hun a n'van tɔ́ kɔɔli o Kedalia po Ahikam-ndo lo Mispa. Má dia ɲɛdiaa latulu Mispa lon.

2Masaa 25:25

Kɛ o paangii ŋɔmmɛwndɔɛi nin, mí Ismaɛl po Netania-o, po imama Elisama-o, fulaa o yungu lemasaa nin, hun a vanaa ndɔa cɔwva n'van tɔ́ kɔɔli, má hun dii Kedalia, má diw vɛlɛ Yuifia a Babilɔŋaa va Kedalia ikɛi Mispa-a.

Matie 2:16

Herɔde cɔu maa vanaa kɔlkalua hui ndu, mó tuulu kɔllo taw-taw. Mó viam vannda le kɔlan cuaambɔa ndáà hiw-vɔ vɔsila tiɔn te-a kpede diwvo, kandɔɔ Bɛtlɛhɛm kɔlan a cieon balu ndu-on kpow, maa mɛɛ vɔsila vanaa kɔlkalua ndáà dimul ndu lan la va yɛ.

2Dɛnnda lemasalan 24:7

Kani mí Atali cua kɔlvesɛi kon nda poaa ndɔa a mal Cɛi-Hala-o tambei, má cua ɲɛm diandan va lenin-ndon kpow le piɔmndo Baal.

2Masaa 9:27

Ahasia, masaa Yuda cɔu lende, mó sɔndan, mó kei a nɛi Bɛt-Kan-ndo. Mí Yehu ɲaanun ndu kɔɔli, mó dimi aa: «Ndu bɛɛ, la viɔ ndu a kɔɛi.» Má yɔŋul ndu o ɲɛ ɲaanan ndɔ soa nan-ndo coo telen nda va helɔɔ Kur, o co Yibleam ikɛi-yo. Mó kɔ viannun Mekido, lon o vi ni.

2Masaa 8:26

Ahasia ndóò nɔ vɔsilan bidiin a latiɔn, mó siŋnun masaa, mó tosa masalen vɔsio pilɛ Yerusalɛm. Diola kala ndɔlan la va Atali ni, cua Ɔmri yɔŋnun masaa Israɛl-lo o va ni.

Matie 2:13

Vanaa kɔlkalua kɔnndan, mí mɛlɛkanɔ Hala-o cɔmnun Yosɛf o lɔma sɔlaan nin, mó dimul ndu aa: «Cɔn ma cua cɛlɛkpɔɔ nda kala ndɔ, mì la ɲaanun o lɛŋnde Esipte len nin. La kɔ lo lon háá telen ya dimulnin nɔm le muungoo-o, kani Herɔde nuwviaanin cɛlɛkpɔɔ ho le ndu diyɔɔ.»

Masaa kialaa n'yamaa 9:5

Mí Abimelɛk kɔa Ofra o fuɲa ndɔ lo, lon o kɔ diw puapilɛa ndɔa belaŋɔmmɛwva ni, poaa Yerubaal-la pɛɛn, o pow bandílá pilɔɔ coo o dii nda ni. Fɔ Yotam, ó va nda cuaambɔɔ coo-o daama hɛlun ni, kani vionnɔnndo ndóò vennun ni.

1Masaa 2:44

O kon mí masaa dimul ndu vɛlɛ aa: «Nɔm pila sina dɛnɛ vɔɔn n tosal David fuɲa ni-o, kɔl nɔmndo co lesei. Lelan Mɛlɛka co nɔm màá kon mingul.

2Masaa 10:7

Sɛbɛla lan komallo simlacia, má biw poaa belaŋɔmmɛvaa masa kon, ma kili nda bolle kpede. Má vow ndi o kambɛilan nin, má yoo Yehu ndi nɛɛ o va Yisreɛl-la.

2Masaa 10:36

Yehu tosa masalen Israɛlla coo Samari vɔsilan bidiin a laŋɔmaa.

O Kandɔɔ 9:5

Le kooma niaan yɛ, i ɲunanin konaa le man, kani yoomu niaa co kon ni. Visi oo visi dii pɛ vanacieo, i ɲunanin ndu ɲɛ vem ndu ken tosaa-o, vanndacieea bɛɛ, vana-vana dii pɛ vanacieo, i ɲunanin ndu le kɔlɔ o tɛɛmbuu yoomu vanaciee co puapilɛ ndɔɔ-o-o.

O Kandɔɔ 9:6

Kani vana soli pɛ vanacieo koovan, ndu bɛɛ vanacieo sòli ndu koovan. Bau a velan ya Hala-o ya cɔw vanacieo ni.

1Masaa 1:12

Lelan, sila ya co nɔm yɔngu-o, a bii ndu pɛ, a ciindiaanin yoomu nɔmndo, mà ciindiaa vɛlɛ yoomu Salomɔn po nɔm-ndo.

2Masaa 12:1

Yoas ndóò nɔ vɔsilan tan ŋɔmmɛw, mó siŋnun masaa.