2Masaa 10:6 - BII BILA

⁶ Mí Yehu sɛval nda vɛlɛ sɛbɛ diinndɔɔ, sɔɔn va lenin-ndon yɔŋnun mun ni aa: «Te le ya niaa co ni, te la biinin pɛ sɔɛi nii, mɛɛ la kili poaa fula o polale vana niaa bɛndoo nin-nda bolle, mì la hin a ndi siɔdii a telen vaa nuaa o ya lo Yisreɛl nanu.» Nduyɛ, poaa belaŋɔmmɛvaa masaa va vanaa bɛndua va o kobio nin-nda o ba, nda va nda mandaa ni.

2Masaa 10:6 Referans Kwoze

Luke 9:50

Kɛ mí Yeesu dimul ndu aa: «La kuuna ndu le, kani vana simul niaa le, o niaa o co ni.»

Matie 12:30

Vana-vana naa n co diom pilɛ le, mɛɛ yaamɔɔ nuu ndu co ni. Vana co mɔɔsiaa maa ya le, mɛɛ puusiaa ndu co ni.

SƐBƐ YƆB-O 21:19

Vana dimi maa mì Hala màndá dɛnɛ palaa le ndu tuisio poaa vanaa kɔlvesɛiya coo. Vɛ̀ɛ̀ o co vanaa kɔlta vesɛyaa kan pila le ndòó bɛnda le soŋɔɔ haliko mi ndàá sina ken te?

2Masaa 9:32

Mí Yehu tofa coocoo o dio-pɔmbɔɔ, o kon mó ɲuna aa: «Nɛ̀ɛ́ co yɛ le ya? Nɛ̀ɛ́-nɛ̀?» Mí vanaa nda kɛsi kɔllo coo o cɛi lemasaa nin-nda a ŋiɔn, te kon te a yaa a nangun o dio-pɔmbɔɔ, má tofa nɛɛ Yehu va-a.

Tɔŋ miingua 5:9

La baŋ vulan ɲɛm mun o labɛngunin te, la sooluu mun te. Kani ya Mɛlɛka Hala niaa, Hala paŋalaa ya co ni. I soaŋ cuavaa vanaa nɔ nɛyɔn nuu-a le hakila fuɲaa ndaa, i soaŋ cuavaa ndaa háá o lambi yàándɔɔ, háá o lambi hiɔɔlundɔɔ bɛɛ.

Kundalan 25:4

Mó dimul Moise aa: «Cua vanaa co bolii lapangɛi-ya kpow, ma landu nda o paalen ya o hɔl, haliko mi kɔl ni tuw bɛndoo ɲulul, mò kpakpala Israɛlla.»

2Masaa 10:5

Mí simlacinɔ cɛi lemasaa, simlacinɔ vanaa cɔvaa va o kobio nin-nda, kaasoŋaa kɔlkalua a vanaa manda poaa masaa-a dimul Yehu aa: «Buɛyaa nɔmnda naa n co ni, ɲɛ n dimulnin naa le tosaa-o ndu naa n tosanin ni. N suílìnin vana-vana celen masa le, tosa ɲɛ hɛnan nɔm-ndo.»

2Masaa 10:7

Sɛbɛla lan komallo simlacia, má biw poaa belaŋɔmmɛvaa masa kon, ma kili nda bolle kpede. Má vow ndi o kambɛilan nin, má yoo Yehu ndi nɛɛ o va Yisreɛl-la.

2Masaa 10:9

Idiiyo, mí Yehu fula, mó cɔmnun vannda kpow, mó dimi aa: «Niaa kpow, tɛɛmbuu vana-vana co o sɔɛi he nin te, ya yii vana ni bɛndoo dúmbú ni, mí dii ndu. Kɛ nɛ̀ɛ́-nɛ̀ diw yɛ haa kpow?