2Masaa 10:5 - BII BILA

⁵ Mí simlacinɔ cɛi lemasaa, simlacinɔ vanaa cɔvaa va o kobio nin-nda, kaasoŋaa kɔlkalua a vanaa manda poaa masaa-a dimul Yehu aa: «Buɛyaa nɔmnda naa n co ni, ɲɛ n dimulnin naa le tosaa-o ndu naa n tosanin ni. N suílìnin vana-vana celen masa le, tosa ɲɛ hɛnan nɔm-ndo.»

2Masaa 10:5 Referans Kwoze

1Masaa 20:32

Má yiwnun bɔlɔla yuululan o caŋ, má bayian yoei o labolo, má kɔa o masa Israɛlla lo. Má tɛɛlun ndu aa: «Bɛn-Hadad buɛi nɔm dimi aa nɔm tuinun ndu iɲíí mà mɛi ndu yoomu, yandi!» Mí Akab ɲuna nda aa: «Vɛ̀ɛ̀ o co vɔ yoomu? Puapilɛ nuu o co ni.»

1Masaa 20:4

Mí masa Israɛlla mulul ndu, mó dimi aa: «Mɛɛ n dìmì yɛ koni, vana ni bɛndoo, masaa! Nɔm nɔ ya pila a ɲɛm nun kpow ni.»

Yosue 9:11

Kaasoŋaa kɔlkalua a vanaa co o lɛŋnde naalen nin-nda kpow a dimul naa ni aa naa n cua ɲɛm dian le keiyo dioo nɛi-tɛɛn, mì n hin niaa demul le niaa dimullo aa buɛyaa niaa naa n co ni, lelan n yiinun kpemaa naa niaa.

2Masaa 18:14

Mí Esekia masaa Yuda viam kiilaa o masaa Asiri lo, nɛɛ o va o kobio Lakis nin-nda le ndu dimullo aa: «I nɔ dí le! Hinul-la le, muungun, bɔnɔ oo bɔnɔ n kilul-la pɛ, i yɔngu.» O kon mí masaa Asiri luei Esekia, masaa Yuda bɔnɔɔ volin latámán kilolan vàála ŋɔmahiɔɔlu a sianion kilolan kɛmɛ leŋɔmahiɔɔlu.

Yosue 9:8

Má dimul Yosue aa: «Buɛyaa nɔmnda naa n co ni.» Kɛ mí Yosue ɲuna nda aa: «Vanaa súú yɛɛ niaa co yɛ? Kuɛɛ nɛ niaa fula yɛ?»

Nsaŋ 12:26

Vana-vana yeema pɛ le ya baalaa tosallo, mɛɛ mò del-la kɔɔli. Nɛɛ ya co pɛ, vana baala nuu bɛɛ bɛnda mò va lon. Fuɲa nuu biilunin vana ni baalaa.»

Yeremi 27:17

La yaŋnun nda le, la tosal masaa Babilɔn baalaa, mì la baŋa yoomu niaa. Le yɛɛ niaa cɛl-lɛnin mì kobio ho muungu bémbélan?›»

Kundalan 11:12

Mò va maa ya solin vannda ha o ipulu ni? Ya velu nda ni? Le yɛɛ nɛ n dimul-lɛ ya aa: ‹Bii nda o ibuŋ mɛɛ komsaa bii cɛlɛkpɛ o co vɔɛsio-o o ibuŋ yɛ háá mì la tiiya o lɛŋnde ya yiilu fuɲaa ndaa mamaa kpemaa le nda len yɔngoo len nin?›

2Masaa 10:6

Mí Yehu sɛval nda vɛlɛ sɛbɛ diinndɔɔ, sɔɔn va lenin-ndon yɔŋnun mun ni aa: «Te le ya niaa co ni, te la biinin pɛ sɔɛi nii, mɛɛ la kili poaa fula o polale vana niaa bɛndoo nin-nda bolle, mì la hin a ndi siɔdii a telen vaa nuaa o ya lo Yisreɛl nanu.» Nduyɛ, poaa belaŋɔmmɛvaa masaa va vanaa bɛndua va o kobio nin-nda o ba, nda va nda mandaa ni.