2Masaa 10:16 - BII BILA

¹⁶ Mó dimul ndu aa: «Hun n kɔ, ma ce kaola paŋalaa co ya o kɔl le Mɛlɛka-o.» Má kɔa nda ndu latulu o ɲɛ ndɔ ɲaanan soa nan-ndo nin.

2Masaa 10:16 Referans Kwoze

1Masaa 19:10

Mó muli aa: «Kaola paŋalaa bɛndoo ya kaola Mɛlɛka ni, Hala-Nɔ-Kpaayaa-Kpow-vo pɛɛn, kani Israɛlla tɛɛmbuu kpema nɔmndo, a pesipesi fondala-loamaa-lasálàla nɔmndan, má diw vanaa-tɛɛngaa-diom Hala-a nɔmnda a mɔɛi cɔwve, ya pilɛ kpé lo yoomu ni. Ya bɛɛ, a co nɛilan nuwviaa le ya diyɔɔ.»

2Masaa 10:31

Kɛ a kon kpow, Yehu cɛl le kelaa a kɔl ndɔɔ kpow o tɔŋ Mɛlɛka, Hala Israɛlla-o coo le, o soli balan o pɔwla Yeroboam ndóò mal Israɛlla nin-ndan nin te.

Rɔmnda 10:2

Kani i co seile ndalen timbi, maa a fula diallon le dɛnɛ Hala-o, kɛ a nɔ kɔlkalu o dialun fulan mun nin te.

Matie 6:5

«La va pɛ Hala piɛiyo, la va maa vanaa muuluannda le, á yeema piɛilen isisi o cɛila lekaanndan nin a o nɛilan coo le vannda cɔmnɔnndo-a. Mì dimul niaa toɲaa, a cii vɔ̀ngɔ̀ ndaa sɔla.

Matie 6:2

Lelan, taa va pɛ vana bala fondoo ɲɛ pum keo, tosà mì vannda kpow muli hɔlla o nɔm ndo maa mɛɛ vanaa muuluannda tosà o cɛila lekaanndan nin a o nɛilan coo yɛ le. Kani nda, le vannda nda sangalaa nda tosà lende ni. Mì dimul niaa toɲaa, a cii vɔ̀ngɔ̀ ndaa sɔla.

Esekiɛl 33:31

A co hunɔɔ sɛ́lɛ́ bɛndoo fili-fili o nɔm ndo, vanaa niaa kan pɛɛn, a co hunɔɔ calle nɔm o hɔl. A co nilan yaŋɔɔ o sɔɔn nɔmndon, kɛ a co kela lecoo le, kani a sondo yeelaa koni nda co sɔɛi ni, kɛ o kɔlta ndalan nin, tɔnɔ nda pila-o daama nda co nuwviaa ni.

Talelan 27:2

Vanaa celen naŋ mà sangala nɔm ni, kɛ o va nɔm pila le, o co fisa mì vana celen lisa nɔm.

1Masaa 19:17

O kon, vana-vana hɛlun pɛ mɔɛi cɔvii Hasaɛl-le, Yehu kɔ dii vana kon, vana-vana hɛlun pɛ mɔɛi cɔvii Yehu-e, Elise kɔ dii vana kon.

1Masaa 19:14

Mó muli aa: «Kaola paŋalaa bɛndoo ya kaola Mɛlɛka ni, Hala-Nɔ-Kpaayaa-Kpow-vo pɛɛn, kani Israɛlla tɛɛmbuu kpema nɔmndo, a pesipesi fondala-loamaa-lasálàla nɔmndan, má diw vanaa-tɛɛngaa-diom Hala-a nɔmnda a mɔɛi cɔwve, ya pilɛ kpé lo yoomu ni. Ya bɛɛ, a co nɛilan nuwviaa le ya diyɔɔ.»

Kundalan 23:4

Mí Hala cɔmnun ndu lon. Mí Balaam dimul ndu aa: «I toosiaa fondala-loamaa-lasálàlan tan ŋɔmmɛw, mí loam naw tovaa o pilɛ a saa kóndóó o pilɛ o ò kɛ́-kɛ̀ coo.»

2Masaa 10:17

Ndáà tiiyaa Samari, mó diw vanaa tɔ̀a lo o yungu Akab-o nin Samari-a kpow, mó cii nda o lepilɔɔ kpede, maa mɛɛ Mɛlɛka ndóò dimul Elii vana-tɛɛngaa-diom Hala-o yɛ.