2Masaa 10:1 - BII BILA

¹ Vanpiaandua fula o polale Akab len nin-nda va n'van belaŋɔmmɛw Samari. Mí Yehu sɛwviaa sɛbɛlan, mó piɔw lan simlacia, kaasoŋaa kɔlkalua a vanaa va cuavaa vanaa fula o polale Akab len nin-nda mandaa-a. Mó sɛva o sɛbɛla lan nin aa:

2Masaa 10:1 Referans Kwoze

1Masaa 13:32

Kani i laalan lekɛ́ndɛi maa diom Mɛlɛka dimi a fonda-loamaa-lasálàá Betɛl a á máánnda co o kobila Samari lan nin-ndan kpow o kɔɔ-o co hunɔɔ peelɔn.»

Masaa kialaa n'yamaa 8:30

Mí Sedeɔn vialu poaa belaŋɔmmɛw, kani ndóò nɔ laandua taw.

2Dɛnnda lemasalan 22:9

Mó viam vannda Ahasia nuwviaa, má kɔ saalun ndu Samari nɛɛ o va o viannanndo-a. Má hun a ndu o Yehu lo, má dii ndu, má kumbu ndu. Kani má dimi aa: «Po Yosafat-o o co ni, Yosafat va diom Mɛlɛka-o biyɔɔ a kɔl ndɔɔ kpow-vo pɛɛn.» O kon, o yungu Ahasia-o nin, vana-vana ve lɛ le óò tiwba le siŋnɔnndo masaa-o.

2Masaa 5:3

Paale pilɛ, mí cuaambɔɔ dimul cua o va kon o ba o cɛlen nin-ndo aa: «Àá! Te vana ni bɛndoo ndóò sɔɔnguu pɛ vana-tɛɛngaa-diom Hala-o Samari ikɛi, o va ndu singi a nàà siaŋaa ho.»

1Masaa 16:28

Ɔmri vuo, má kumbu ndu Samari. Mí Akab po ndɔ koma sul masaa o fonda ndɔɔ.

1Masaa 16:24

O kon kɔɔli, mó kɔa o Semɛr lo, mó piandu pembei Samari volin latámán vàálan tan ŋɔmpum. Mó tangul kobio o pembii ken coo, mó ke ndu diolan aa Samari, kani lende Semɛr, vana ndóò nɔ fonda kon-ndo ndóò nɔ diolan ni.

Masaa kialaa n'yamaa 12:14

Mó vialu poaa belehiɔɔlu, mó sɔla poaa imamaa beleyaa, ndáà hel o sofɛlɛa belaŋɔmmɛw coo ni. Vɔsilan tan ŋɔmaa Abdɔn sim Israɛlla laci ni.

Masaa kialaa n'yamaa 10:4

Ndóò nɔ poaa beleyaa, poaa kan ndáà hel o sofɛlɛa téndéa beleyaa coo ni, ndáà nɔ kobilan beleyaa o tàndá Kalaad-o nin. Háá hau a co vɔ kobila lan veeloo aa sɔndɔkɔlta Yair lan.

Tɔŋ miingua 16:18

«O kobila Mɛlɛka Hala niaa yɔngunin niaa lan kpow nin, la bɛnda mì la handu vanaa kialaa n'yamaa a vanaa sɛvaa o polama niaan coo. Nda vanin vannda yaman kiolɔɔ tɛɛn o sandei nin ni.

Kundalan 11:12

Mò va maa ya solin vannda ha o ipulu ni? Ya velu nda ni? Le yɛɛ nɛ n dimul-lɛ ya aa: ‹Bii nda o ibuŋ mɛɛ komsaa bii cɛlɛkpɛ o co vɔɛsio-o o ibuŋ yɛ háá mì la tiiya o lɛŋnde ya yiilu fuɲaa ndaa mamaa kpemaa le nda len yɔngoo len nin?›

Yosue 15:56

Yisreɛl, Yɔkdeam, Sanoa,

1Masaa 21:29

«A ce mɛɛ Akab tuisin tootoo ya o hɔl-lɛ? Le tùú o tuisun tootoo ya o hɔl-lo, i tuisinin dɛnɛ palaa ho telen o co yoomu-o le, kɛ telen po ndɔɔ vanin masaa-o ya tuisinin yungu ndɔɔ dɛnɛ palaa kalaa coo ni.»

Osee 1:4

Mí Mɛlɛka dimul Osee aa: «Ke ndu diolan aa Yisreɛl. Kani o lo ɲɛ-pɔmbɔ cobe mì cɛn a yungu Yehu-o, le vanaa nda diw Yisreɛl-la, mì tɛɛmbuu masalen Israɛl kpow.