2Masaa 1:9 - BII BILA

⁹ Mí masaa Ahasia viam simlacinɔ kunda n'van beleŋuɛɛnu-o a n'van beleŋuɛɛnua ndɔa kan. Mí simlacinɔ kon kɔa o Elii lo nɛɛ o va o pembei bollen-nda, mó dimul ndu aa: «Nɔm vana-tɛɛngaa-diom Hala-o sei, masaa dimi aa nɔm tol!»

2Masaa 1:9 Referans Kwoze

Hebreea 11:36

Má mam a tiŋ, má lɔaa nda, má baa a pum yɔlɔn, má vow nda o kaasoo.

Marke 15:32

Ndu masa Israɛlla, o tol-lɔ hau o yɔm singafilaa coo, mì n ce, mì n laalan ndu.» Vanaa ndáà baŋ ndu ikɛi-ya bɛɛ va ndu yeowlan.

Marke 15:29

Mí vanaa va hiovɔɔ-a va ndu yeowlan a bolle hiiloo, má va dimio aa: «Nɔm dimi ni aa a co Cɛi-Hala-o tɛɛmbuu, mà mingi ndu tangul o palɛi ndii yáá bɛngu,

Matie 27:29

O kon kɔɔli, má lɔa mɔsil lemasaa a yɔɔn, má vow Yeesu ndu o lebol. Má sɔaa ndu kpɛ̀ndɛ̀len o ba kɛndɔɔ, má va ndu vulan beŋndo le ndu mamɔɔ, má va dimio aa: «Masa Yuifia isɛ!»

Matie 26:68

«Krista! Cɔm ndɔ naa vana lɔɔ nɔm-ndo.»

Matie 14:3

Kani Herɔde ndóò bii nin Nsaŋ, mí ndóò baa ndu yɔlɔn, mí ndóò mal ndu o kaasoo le sɔɛi Herodiade lanɔɔ Filipe puapilɛ ndu Herɔde-e.

Amɔs 7:12

O kon kɔɔli, mí Amasia kon dimul Amɔs aa: «Nɔm vana caa mavundoo ho sei! Faŋan nanu few-few mà kɔɛ. Ɲaanun mà muungu o tàndá Yuda-o nin. A nɔla mà kɔ va ɲɛdiaa nɔmndo sɔlaa lon o sɔɔn Hala-on tɛɛnguuo nin.

1Masaa 22:8

Mí masa Israɛlla mulul ndu aa: «Vana-tɛɛngaa-diom Hala-o pum co nanu le Mɛlɛka ɲunaa, kɛ i yeema ndu le, kani o dimul-la sɔɔn kɛndɛ lɔ́ɔ́-lɔ́ɔ̀ le, fɔ sɔɔn vɔɔnndon kínɛí, Misee po Yimla-o pɛɛn.» Kɛ mí Yosafat deŋul ndu aa: «Masa suu nuaa le!»

1Masaa 19:2

O kon, mí Yesabɛl yoo ndu kiilaa le ndu kɔlan dimullo aa: «A telenndo ho siɔdii, te i dii nɔm mɛɛ n diw vanaa-tɛɛngaa diom Baal-la nuaa yɛ le few, mɛɛ halaa tuisí ya sanga hiow sangalan kpow-vo coo!»

1Masaa 18:42

Tuma Akab va kɔlan ɲɛdiaa dioo a kolɔɔ-o, mí Elii hel o pembei Karmɛl tullo, mó tundun háá lɛŋ, mó luei hɔlaa ndɔa o vulan tɛɛn,

1Masaa 18:10

Nduyɛ, le Mɛlɛka Hala nɔm co hoo yoomu-o ya co nɔm toɲaa dimullo nuaa ni: Nɛɛ-nɛɛ masaa Akab ndóò vem pɛ vannda nɔm kɔɔli o vanaa-mangalaa-isɔɔa tɛɛn a o masaa lo, mì vanaa kan ndáà dimi maa nɔm co nda tɛɛn ndon te, mɛɛ mì ndáà mɛnan po maa a ci nɔm te few-few.

1Masaa 18:4

Telen kon kpeekpei Yesabɛl va vanaa-tɛɛngaa-diom Hala-a diwvo ni. Mí Obadia cua vanaa-tɛɛngaa-diom Hala-a n'van kɛmɛ, mó kɔ vian nda kundalan tan tiɔn o buululan nin, ba pilɛ n'van beleŋuɛɛnu, baa pilɔɔ vɛlɛ n'van beleŋuɛɛnu. Mó va nda mɛnndan a baloo yɔngoo.

Luke 9:54

Mɛɛ kaandeŋaa ndɔa Nsaki nda Nsaŋ a ce kon, má ɲuna aa: «Maalii, vɛ̀ɛ̀ a yeema mì n tuisi yinnden fulaa o halataala mì le lom vannda ha?»

Yeremi 35:4

Mó kɔa a nda o Cɛi-Hala-o nin, má kɔ luɛi o cɛi kaandeŋaa Hanan-nda nin. Hanan kon yɛ, vana baala Hala-o o va ni, Yikdaliahou va fuɲa ndɔ ni. O cɛi simlacia ikɛi cɛi Hanan kon va ni, o cɛi Maaseya-o lecoo. Maaseya kon va po Salum va vana-solia-lasálà va hɔlten o dio luɛyaa Cɛi-Hala-o ni.

1Samiɛl 19:21

Mɛɛ vannda kɔ dimul Saul sɔɛi ken, mó viam vɛlɛ kiilaa celen, mí kan bɛɛ kɔ saan diom Hala-o tɛɛnguuo. Mí Saul viam vɛlɛ kiilaa celen o yàándɔɔ, mí kan bɛɛ kɔ saan diom Hala-o tɛɛnguuo.

1Masaa 17:18

Mí cua kon ɲuna Elii aa: «Yɛɛ nɛ co yɛ naa tɛɛn naa nɔm? Vɛ̀ɛ̀ le Hala hakila nilan cɔɔmullo n hin nanu ni haliko mi po nuu sɔla piɔ́mndo?»

2Masaa 2:25

Elise cɔnɔnndo lon, mó kɔa o pembei Karmɛl coo, cɔnɔnndo lon mó muungu Samari.

2Masaa 4:25

O kon mó kɔa, mó komal Elise o pembei Karmɛl coo. O lo levil pɔ́-pɔ́, mí Elise ca ndu, mó dimul Kehasi buɛi ndɔ aa: «Cua Sunɛmnɔɔ ho co hunɔɔ nuaa ni.»