2Masaa 1:7 - BII BILA

⁷ Mí Ahasia ɲuna nda aa: «Vɛɛ nɛ langbanɔ niaa bɔŋan kon, mó dimul niaa sɔɔn mun-ndo va yɛ?»

2Masaa 1:7 Referans Kwoze

1Samiɛl 28:14

Mí Saul ɲuna cuaa aa: «Maa yɛɛ n co yɛ ndu cɔu?» Mó dimi aa: «Fal yuuvɛiyo pum ya co cɔu fulaa o simbulaa o doma bɛndoo nin ni.» Mí Saul sina fɔ́ɔ́fɔ̀ maa Samiɛl ni. Mó tundun, mó baŋ vulan, mó tiiya lɛŋ dí.

Masaa kialaa n'yamaa 8:18

O kon kɔɔli, mí Sedeɔn ɲuna niko Seba nda Salmunna aa: «Vɛɛ nɛ vanaa niaa diw Tabɔr-a va yɛ súú?» Má muli aa: «Niaa ndaa velanndo pila niaa velan ni, vanáà ce pɛ nda aa cuavaa lemasaa ni.»

2Masaa 1:6

Má mulul ndu aa: «Langbanɔɔ pum naa n bɔŋan ni, mó dimul naa aa: ‹La kɔ, la muungu o masaa vem niaa-o lo, mì la kɔ dimul ndu aa: Diom Mɛlɛka dimi-o co hoo ni aa: Mò va maa Hala co o lɛŋnde Israɛl-ten nin te, le kɔlan Baal-Sebub, hala kobio Ekrɔn ɲunaa? Lelan kpele n hini hoo coo-o, a tul-lɛnin lecoo le few, vuo n co ni kangalan!›»

2Masaa 1:8

Má mulul ndu aa: «Doma yiiŋii visio va ndu lekɔɔ a yáwle yáw visio lekandannden o caŋ.» O kon mí Ahasia dimi aa: «Elii fula Tisbe-o ni.»