2Masaa 1:4 - BII BILA

⁴ Lelan diom Mɛlɛka dimi-o co hoo ni aa: ‹Kpele n hini hoo coo-o, a tul-lɛnin lecoo le few, vuo n co ni kangalan!›» Mí Elii kɔannun.

2Masaa 1:4 Referans Kwoze

Esekiɛl 18:4

Kani la tofa vɔ, le ya yoomulan kpede la co ni, yoomu poo co le ya mɛɛ yoomu fuɲaa po kon co le ya yɛ. Tan tiɔn kpow, sumialii ni la co ni. Lelan vana co hakio tosa-o, vana kon vunin ni.

O Kandɔɔ 3:4

Mí kɛwvo dimul vanalanɔɔ aa: «La sɔ́là piɔ́m te.

O Kandɔɔ 2:17

kɛ dia kɔmnde yɔm tosà mì vana sina dɛnɛ kɛndɔɔ a dɛnɛ vɔɔndo-o le. Kani paale n co ndu dio len, piɔ́mndo siŋnun ɲinkon mial nɔm.»

Talelan 11:19

Vana kelu pɛ le vaa vana sandaa, ndu vanin yoomu, kɛ vana holnun pɛ dɛnɛ vɔɔndo tosaa, ndu sɔlanin piɔ́mndo.

2Masaa 1:16

Mí Elii dimul masaa aa: «Diom Mɛlɛka dimi-o co hoo ni aa: ‹Le tùú n vem vannda le kɔlan yavaa vomɔɔ o Baal-Sebub, hala co Ekrɔn-ndo lo-o, vana ca ko aa Hala co Israɛl le ndu isɔɔ ɲuna le, a tul-lɛnin o kpele n hini ho coo-o coo le few, vuo n co ni kangalan!›»

1Samiɛl 28:19

Mɛlɛka co niaa malɔɔ Filistia o ba niaa vanaa nɔmnda. Siɔdii, nɔm pila a poaa nɔmnda, la vanin ya ikɛi ciee-piɔ́m, mì Filistia nɔla vanaa nɔmaa cɔwva, má bii nda.»

Talelan 14:32

Dɛnɛ vɔɔn vana kɔlvesɛiyo tosa-o tɛɛmbuu ndu ni, kɛ vana sandaa ndu nɔ kɔlkɛsiaa hali o piɔ́mndo hɔl-ndɔ.

2Masaa 1:6

Má mulul ndu aa: «Langbanɔɔ pum naa n bɔŋan ni, mó dimul naa aa: ‹La kɔ, la muungu o masaa vem niaa-o lo, mì la kɔ dimul ndu aa: Diom Mɛlɛka dimi-o co hoo ni aa: Mò va maa Hala co o lɛŋnde Israɛl-ten nin te, le kɔlan Baal-Sebub, hala kobio Ekrɔn ɲunaa? Lelan kpele n hini hoo coo-o, a tul-lɛnin lecoo le few, vuo n co ni kangalan!›»

1Masaa 14:12

Mí Ahiya, vana-tɛɛngaa-diom Hala-o hiaw laci a sɔɛi, mó dimul lanɔɔ Yeroboam aa «Lelan, cɔn mà muungu o nɔm ndo. Kɛ a pila dɔ́ɔ́ pɛ pelei ciee, po nɔmndo malnun kɔl.

Kundalan 26:65

kani Mɛlɛka ndóò dimul nda nin maa a co cuvɔɔ vu kpede o lɛŋnde veselɛilen nin. Vana pilɛ bɛɛ ve lɛ yoomu le, fɔ Kalɛb po Yefune-o a Yosue po Nun-ndo.

2Masaa 1:5

Mí kiilaa muungu o Ahasia lo. Mó ɲuna nda aa: «La vɛ muungoo ho?»

1Masaa 18:2

Mí Elii kɔa, mó kɔ cɔmnun Akab. Telen kon, yiaan ma va Samari taw-taw.

2Masaa 8:10

Mí Elise mulul ndu aa: «Kɔ dimul ndu aa o co siongɔɔ. Kɛ Mɛlɛka dimul-la maa o co vu.»

2Masaa 20:1

O telen kon, mí Esekia del a nàà piɔ́mndo. Mí vana-tɛɛngaa-diom Hala-o Esai, po Amɔt-o hun o ndu lo, mó dimul aa: «Mɛlɛka dimi aa nɔm congun yungu nɔmndo, kani a singunin a naa ho le, vuo n co ni.»