Biblia Todo Logo
Bib sou entènèt

- Piblisite -




2Masaa 1:3 - BII BILA

3 Kɛ mí mɛlɛkanɔ Hala-o hun dimul Elii fula Tisbe-o aa: «Cɔn ma kɔ bɔŋa kiilaa masaa Samari vem-nda, ma dimul nda aa: ‹Mò va maa Hala co o lɛŋnde Israɛl-ten nin te, le kɔlan Baal-Sebub, hala kobio Ekrɔn ɲunaa?›

Gade chapit la Kopi




2Masaa 1:3
21 Referans Kwoze  

Mí Elii fula Tisbe o tàndá Kalaad-o nin-ndo dimul masaa Akab aa: «Le Mɛlɛka yoomaa, Hala Israɛlla pɛɛn, o ya co baalaa tosallo-o, i dimul-lɔ niaa maa o vɔsila co lan hunɔɔ lan bɛngu kpede, piɔɔ venin sia le, kɛmma venin cɛɛluu le. Fɔ mì piɛi ndu malan piɔɔ sia, te kon te malan kɛmndan ma cɛɛluu.»


Tuma yoomoo va faŋanndo ya o milinndo, mí yiyan a nɔm Mɛlɛka o kɔɔ, o kon mí piɛile nilen le hel háá o nɔm ndo, o calta nɔmndan nin dí.


Condii Asaf-e, í fula o condun simlacinɔ vanaa n'condua nin-nde. A ɲɛ-caa iyoo o soli condei he ni:


Mí mɛlɛkanɔ Hala-o dimul Filipe aa: «Cɔn ma kɔɛ a ba too, o nɛi cɛn Yerusalɛm o lɛŋnde veselɛilen nin, mó kɔa Kaasa-o.»


Mí vanaa pɛɛkaa latɔŋaa fula Yerusalɛm-nda va dimio aa: «Beɛlsebul co ndu nin nuaa ni, a kpaaya bolle ɲinaa vɔɔnda o co ɲinaa vɔɔnda tovɔɔ ho ni.»


Mí Naaman muungu nda vanaa va ndu kɔɔli-a kpow o vana-tɛɛngaa-diom Hala-o lo. Ndóò tiiyaa, mó dimul ndu aa: «I sina o laan maa o lɛŋnden kpow coo, hala celen co o Hala Israɛlla kɔɔli le. Lelan cɛl ɲɛ ya buɛi nɔmndo cuu nɔm-ndo.»


Má mulul ndu aa: «Doma yiiŋii visio va ndu lekɔɔ a yáwle yáw visio lekandannden o caŋ.» O kon mí Ahasia dimi aa: «Elii fula Tisbe-o ni.»


Má mulul ndu aa: «Langbanɔɔ pum naa n bɔŋan ni, mó dimul naa aa: ‹La kɔ, la muungu o masaa vem niaa-o lo, mì la kɔ dimul ndu aa: Diom Mɛlɛka dimi-o co hoo ni aa: Mò va maa Hala co o lɛŋnde Israɛl-ten nin te, le kɔlan Baal-Sebub, hala kobio Ekrɔn ɲunaa? Lelan kpele n hini hoo coo-o, a tul-lɛnin lecoo le few, vuo n co ni kangalan!›»


Paale pum, mí masaa Ahasia hialun o dio-pɔmbɔɔ nɛɛ o va coocoo o cɛi ndɔ lemasaa nin Samari-a, mó del lɛŋ, mó yɔŋulun taw. O kon, mó viam vannda le kɔlan yavaa vomɔɔ o Baal-Sebub lo, hala va o kobio Ekrɔn nin-ndo, le ndu ɲunaa te ndóò siangunin a yɔŋulɔn kon.


O kon mí diom Mɛlɛka-o dimulun Elii fula Tisbe-o aa:


Kɛ mí mɛlɛkanɔ Hala-o pilan ndu vɛlɛ, mó dimul ndu aa: «Cɔn ma de ɲɛdiaa. Kani tiŋndo bandu vɔ nɔm laci dɛ!»


O kon kɔɔli, mó hinin o yɔm kon bɛngu, mó lɔl. Mí mɛlɛkanɔɔ pum pilan ndu, mó dimul ndu aa: «Cɔn ma de ɲɛdiaa!»


Telen solia lasálàá tiiyaa, mí Elii vana-tɛɛngaa-diom Hala-o sɔɔnguu, mó piɛi aa: «Mɛlɛka, Hala Abraham-ndo, Hala Isaak-o a Hala Yakɔb-o! I yeema mì vannda sina hau maa nɔm kpeekpei co Hala o lɛŋnde Israɛl-ten nin ni, maa vana nɔm baalaa ya co ni, maa nɔm cɛl vɛlɛ ni mí tosa dɛnndan ndan kpow.


Telen vilɛi hiovɔɔ o kon kɔɔli, mí sɔɛi Mɛlɛka-e dimulun Elii o vɔsi yàándɔɔ nin aa: «Kɔ, mà kɔ cɔmnun masaa Akab, kani i co hunɔɔ piɔɔ tuisi o lɛŋnden coo.»


Hau, Mɛlɛka co nɔm malɔɔ ya o ba, mì dii nɔm, mì kelu nɔm bollen. Paalen nden hau, mɛɛ mì yɔngu vɛlɛ yovaa co balɔɔ coocoo-a a visia yondoa vanaa cɔvaa Filistia a vílɛ́iya. O kon, mì vannda kpow a sina maa Hala co Israɛl.


Elise, vana-tɛɛngaa-diom Hala-o tueyɔɔ maa masaa Israɛl sɛɛsian volɔɔlan lekɔɔ, mó viam kiilaa le ndu kɔlan ɲunaa aa: «Le kɔlɔ yɛɛ nɛ n sɛɛsian yɛ volɔɔlan lekɔɔ? Langbanɔ kon hún o ya lo. O sinanin maa vana-tɛɛngaa-diom Hala-o co o lɛŋnde Israɛl-ten nin.»


I tosanin kon le tùú Israɛlla mulul-la kɔɔ, mà muungun Astartee, hala laandu Sidɔnnda, Kɛmɔs, hala Moabua a Milkɔm, hala Amɔnnda sooloo-o, a le tùú nda kɛɛ le kelaa o nɛila nilan coo má kɛɛ le dɛnɛ sandaa tosaa ya o hɔl-lo. A cɛl vɛlɛ le tɔŋndan a silala ndóò dimul nda lan biyɔɔ maa David fuɲaa ndu Salomɔn te.


Taa dimul niaa pɛ aa: ‹La kɔ ɲuna vanaa suukan a vanvílɛ́iya-a, vanaa viamaa yavaa, vanaa soaa tootoo a ciŋndon sɔsaa-a, mà dimi aa hala vannda nɔ pɛ o co hala kon te nda piɛi le, o va bɛɛ aa o vanvílɛ́iya lo nda soaa le dɛnɛ kɛndɛ vanaa co yoomu-a ni›, la mulul nda aa:


Swiv nou:

Piblisite


Piblisite