2Masaa 1:2 - BII BILA

² Paale pum, mí masaa Ahasia hialun o dio-pɔmbɔɔ nɛɛ o va coocoo o cɛi ndɔ lemasaa nin Samari-a, mó del lɛŋ, mó yɔŋulun taw. O kon, mó viam vannda le kɔlan yavaa vomɔɔ o Baal-Sebub lo, hala va o kobio Ekrɔn nin-ndo, le ndu ɲunaa te ndóò siangunin a yɔŋulɔn kon.

2Masaa 1:2 Referans Kwoze

2Masaa 1:16

Mí Elii dimul masaa aa: «Diom Mɛlɛka dimi-o co hoo ni aa: ‹Le tùú n vem vannda le kɔlan yavaa vomɔɔ o Baal-Sebub, hala co Ekrɔn-ndo lo-o, vana ca ko aa Hala co Israɛl le ndu isɔɔ ɲuna le, a tul-lɛnin o kpele n hini ho coo-o coo le few, vuo n co ni kangalan!›»

Marke 3:22

Mí vanaa pɛɛkaa latɔŋaa fula Yerusalɛm-nda va dimio aa: «Beɛlsebul co ndu nin nuaa ni, a kpaaya bolle ɲinaa vɔɔnda o co ɲinaa vɔɔnda tovɔɔ ho ni.»

Matie 10:25

Kɛ kaandennɔɔ tiiya pɛ maa vana ndɔ pɛɛkaa, mì cɛɔ tiiya maa vana ndɔ bɛndoo, kon tiw. Nɛɛ nda veelu vɔ vana co cɛiyo bollen-ndo nuaa aa Beɛlsebul, vanaa co cɛinin-nda yɛ niko?

Esai 37:19

Handɔɔ o kon coo, má viaw halaa ndaa o yinnden nin, má loam nda. Kɛ halaa kan nda nda, vanndacieea ndáà toosiaa nda a laba ni, yɔmnde a powta ndáà sɛl-tan halaa kan va ni, mí masaa kan tɛɛmbuu nda few-few.

Luke 11:15

Kɛ mí vanaa pum nda dimi aa: «Bɛlsebul, o co bolle ɲinaa vɔɔnda-o co ndu kpaayaa keo le ɲinaa vɔɔnda tovɔɔ vannda kɔɔli nuaa ni.»

Esai 37:12

Mí fuɲaa niaa mamaa tɛɛmbuu sindɛ vanaa-mangalaa-isɔɔa va o kobio Kosan nin-nda, a va o kobio Haran a o kobio Rɛsɛf nin-nda, má diw vɛlɛ cuavaa-imamaa Edɛŋaa va Telasar-a, mò va maa halaa vanaa-mangalaa-isɔaa kan va piɛiyo-a a baŋa nda le?

2Masaa 1:6

Má mulul ndu aa: «Langbanɔɔ pum naa n bɔŋan ni, mó dimul naa aa: ‹La kɔ, la muungu o masaa vem niaa-o lo, mì la kɔ dimul ndu aa: Diom Mɛlɛka dimi-o co hoo ni aa: Mò va maa Hala co o lɛŋnde Israɛl-ten nin te, le kɔlan Baal-Sebub, hala kobio Ekrɔn ɲunaa? Lelan kpele n hini hoo coo-o, a tul-lɛnin lecoo le few, vuo n co ni kangalan!›»

2Masaa 1:3

Kɛ mí mɛlɛkanɔ Hala-o hun dimul Elii fula Tisbe-o aa: «Cɔn ma kɔ bɔŋa kiilaa masaa Samari vem-nda, ma dimul nda aa: ‹Mò va maa Hala co o lɛŋnde Israɛl-ten nin te, le kɔlan Baal-Sebub, hala kobio Ekrɔn ɲunaa?›

1Masaa 11:33

I tosanin kon le tùú Israɛlla mulul-la kɔɔ, mà muungun Astartee, hala laandu Sidɔnnda, Kɛmɔs, hala Moabua a Milkɔm, hala Amɔnnda sooloo-o, a le tùú nda kɛɛ le kelaa o nɛila nilan coo má kɛɛ le dɛnɛ sandaa tosaa ya o hɔl-lo. A cɛl vɛlɛ le tɔŋndan a silala ndóò dimul nda lan biyɔɔ maa David fuɲaa ndu Salomɔn te.

Dɛnnda kiilaa 20:9

Langbanɔ felengoo pum va icali o kèédei dio-pɔmbɔɔ, diolan Etikɔs, mó hiawnun o lɔan cundun telen Pol va hiovɔɔ laci a pɛɛkoo-o. Mɛɛ o lɔl tei, mó hialun, mó del fulaa o cɛi coocoo yàándɔɔ. Mí vannda hun le ndu simio, kɛ a komal o vinnun.

Condii kɛndɛ-kɛndɛi 2:9

Vanapɔnɔ ya kaola-o velan a púvɔ́ɔ́ te kon te a kial cuaa. Tofa vɔ ndu! O co o cìì cɛi naa kɔɔli, o co tofaa o dio-pɔmbɔɔ, o co mɛɛndanndo o tɛɛngon.

SƐBƐ YƆB-O 31:3

Dɛnɛ palaa co le vanaa sendu le-a, sangaa co le vanaa tosaa dɛnnda vɔɔnda.

1Masaa 22:34

Kɛ langbanɔɔ pum vuuo kpaasiaa ndɔɔ o vana sinan dɛnɛ loo nin, mí kɔɛi kɔ bii masa Israɛlla o pɛngɛn doma cɔw va ndu lekɔɔ-o-on tɛɛn. Mí masa kalaa dimul vana va kɔlan a ɲɛ ɲaanan ndɔ soa nan-ndo-o aa: «Mulin, ma faŋa ya o cɔwvo ho nin nanu, a yɔŋul-la bɔɔ!»

1Masaa 14:3

Kɔ a bululan tɔ́, a dɛɛla toaŋaalan a á hem malɛɔ o ba, mà kɔ luɛi ndu coo. O dimulnin nɔm mɛɛlula nàà poombɔɔ ho.»

1Samiɛl 5:10

Fɔ́ɔ́fɔ̀, má hiaw a kesu kalaa Ekrɔn. Kɛ mɛɛ nda tiiya dɔ́ɔ́ vɛlɛ lon, mí vannda deŋi a caŋndan aa: «Yoo he-he! A cuu naa kesu kpema Hala Israɛlla le naa diwvo fɔ́!»

Masaa kialaa n'yamaa 11:24

Nɔm, o co lɛŋnde Kɛmɔs hala nɔmndo yɔngu nɔm-nden te n nɔ nuaa le? Lelan, naa bɛɛ, n nɔ dí le calle o lɛŋnde Mɛlɛka Hala naa cɛl mi n sɔla len nin.

Masaa kialaa n'yamaa 5:28

Kalaa Sisera va mɛɛndanndo o dio-pɔmbɔɔ, o lo tofaa o tɛɛngon, mó koŋul aa: Ko le yɛɛ nɛ ɲɛ ɲaanan ndɔ soa nan-ndo co yɛ hau tamalaa le hunɔɔ? Ko le yɛɛ nɛ vana tui ndu hau diom o hunɔɔ le?

Esai 2:6

Éé Mɛlɛka! A mal yungu nɔmndo, pulun Yakɔb-on pɛɛn. Bau a luei balan o sɔɔn lemaden fula a ba paalen le can-ndo-on nin taw-taw, a luɛi mangalaa maa Filistia, kani a co yiinanndo a cuavaa mialla taw-taw.

Yosue 15:11

Mí la kɔ demul Ekrɔn a maluaŋ, mí la tundu a ba Sikarɔn-ndo, mí la kei a pembei Baala, mí la tiiya Yabneɛl, mí la kɔ mɛɛlu o mɛmma ihɛllan Mediteranee.

1Masaa 22:40

Akab vuo, má kumbu ndu o fonda ndáà kumbu fuɲaa ndɔa mamaa-o. Mí Ahasia po ndɔ koma sul masaa o fonda ndɔɔ.

2Masaa 17:16

Má mulul silala Mɛlɛka Hala ndaa kɔɔ, má cɔaw navaa téndéa a ciliŋun teengian, má cɔaw yɔm soolaa. Má baŋ vulan ɲɛm pangelen co o halataala-on o labɛngunin, má sooluu vɛlɛ Baal.

Esai 19:3

Yiyan Esiptea laasiannin nda tɛɛn. I laasiaanin sɔɔn lelɛŋun ndan. A kɔanin ma kɔ sooluu piɔmnda, ma kɔ viom yavalan o mandea lo, o vanaa suukan a vanvílɛ́iya-a lo a o vanaa dimi siɔdii lacio-a lo.