2Masaa 1:16 - BII BILA

¹⁶ Mí Elii dimul masaa aa: «Diom Mɛlɛka dimi-o co hoo ni aa: ‹Le tùú n vem vannda le kɔlan yavaa vomɔɔ o Baal-Sebub, hala co Ekrɔn-ndo lo-o, vana ca ko aa Hala co Israɛl le ndu isɔɔ ɲuna le, a tul-lɛnin o kpele n hini ho coo-o coo le few, vuo n co ni kangalan!›»

2Masaa 1:16 Referans Kwoze

Condii lisai 132:3

‹I luei lɛnin o ya lo cɛinin, mì kɔ hini o kpele nuu coo le.

2Masaa 5:21

O kon mí Kehasi mal a kiltan le Naaman bendallo. Naaman cɔnnɔnndo ndu hunɔɔ kɔɔli a kiltan, mó keleŋa tolɔɔ o ɲɛ ɲaanan ndɔ soa nan-ndo coo, mó kɔa ndu bɔŋa, mó ɲuna ndu aa: «Yɛɛ yɔŋnun yɛ?»

1Masaa 22:28

Mí Misee mɛnalan ndu aa: «Taa muungu nanu kɛndia a á kɔlɲuloo pɛ few, mɛɛ o co Mɛlɛka le vem ya nɔm sɔɔn mun tɛɛngullo le!» Mó dimul vɛlɛ vannda aa: «Niaa vannda súúlan kpow, la yaŋnun.»

2Masaa 1:6

Má mulul ndu aa: «Langbanɔɔ pum naa n bɔŋan ni, mó dimul naa aa: ‹La kɔ, la muungu o masaa vem niaa-o lo, mì la kɔ dimul ndu aa: Diom Mɛlɛka dimi-o co hoo ni aa: Mò va maa Hala co o lɛŋnde Israɛl-ten nin te, le kɔlan Baal-Sebub, hala kobio Ekrɔn ɲunaa? Lelan kpele n hini hoo coo-o, a tul-lɛnin lecoo le few, vuo n co ni kangalan!›»

Esekiɛl 14:4

Lelan soo o nda lo, mà dimul nda aa nuaa Maalii, o co Mɛlɛka-o dimi ni aa: ‹O cuavaa Israɛlla tɛɛn, vana-vana nɔ vɔ pɛ yiyan piɔmaa ndɔa o kɔl, mò va vɔ hɔlla mulio sakpo o ɲɛ mál ndu o hakio nin-ndo, te o hun soo pɛ o vana-tɛɛngaa-diom Hala-o lo, ya Mɛlɛka pila mululnin ndu ni, i mululnin ndu maa piɔmaa ndɔa.

2Masaa 8:8

Mí masaa dimul Hasaɛl aa: «Cua ɲɛ pum ma kɔ fanda vana-tɛɛngaa-diom Hala-o. Má dimul ndu le Mɛlɛka ɲunaa, le sinaa te i siangunin a nàá ho.»

2Masaa 8:10

Mí Elise mulul ndu aa: «Kɔ dimul ndu aa o co siongɔɔ. Kɛ Mɛlɛka dimul-la maa o co vu.»

2Masaa 20:1

O telen kon, mí Esekia del a nàà piɔ́mndo. Mí vana-tɛɛngaa-diom Hala-o Esai, po Amɔt-o hun o ndu lo, mó dimul aa: «Mɛlɛka dimi aa nɔm congun yungu nɔmndo, kani a singunin a naa ho le, vuo n co ni.»

Talelan 11:19

Vana kelu pɛ le vaa vana sandaa, ndu vanin yoomu, kɛ vana holnun pɛ dɛnɛ vɔɔndo tosaa, ndu sɔlanin piɔ́mndo.