2Masaa 1:10 - BII BILA

¹⁰ Mí Elii mulul simlacinɔ kunda n'van beleŋuɛɛnu kon aa: «Le tùú ya co vana-tɛɛngaa-diom Hala-o-o, màá yinnden le fula o halataala mì le tol, mì le lom nɔm a n'van beleŋuɛɛnua nɔmnda!» Mí yinnden le fula o halataala, mí le toal, mí le loam ndu nda n'van beleŋuɛɛnua ndɔa.

2Masaa 1:10 Referans Kwoze

Luke 9:54

Mɛɛ kaandeŋaa ndɔa Nsaki nda Nsaŋ a ce kon, má ɲuna aa: «Maalii, vɛ̀ɛ̀ a yeema mì n tuisi yinnden fulaa o halataala mì le lom vannda ha?»

Daniɛl 3:25

Mó dimi aa: «Kɛ i co vannda nda hiɔɔlu cɔu a timbia ma va balɔɔ o yinnden nin. Ɲɛ-ɲɛ vɔɔn co nda yɔŋnɔn te. O hiɔɔlundɔɔ ndu, hɔlla maa po-halaa.»

Hebreea 12:29

Kani yinnde tɛɛmbua len Hala naa co ni.

Dɛnnda cɔɔmuanndan 11:5

Te vanndo yeema pɛ le nda saangiaa, yinnden le fula nda o lasondo, le lom yaamɔaa ndaa. Vana-vana tɔɔndan pɛ le nda saangiaa, mɛɛ mo sɔla piɔ́mndo lende.

Condii lisai 106:18

Mí yinnden le loam vanaa va nda kɔɔli-a, mí le cuulu vanaa yɔŋ vɔɔŋaa kan mungén.

SƐBƐ YƆB-O 1:16

O va vɔ kona kon dɔwnɔnndo, mí kiilanɔ celen hun dimul vɛlɛ Yɔb aa: «Yinnde Hala len le fula coocoo mí le del saa nɔmnda a buɛyaa nɔmnda coo, má cuulu mungén! Ya pilɛ kpé hɛlun ni, mí sɔndan le nɔm hunɔɔ yoongoo ho dimullo.»

Dɛnnda kiilaa 12:19

Mí Herɔde viam vannda le ndu nuwviaa, kɛ a seelun ndu le. O kon mó ɲuna kpalilla, mó dimul vannda le nda diwvo. O kon kɔɔli, mí Herɔde faŋan Yuda, mó kɔa Sesaree, mó kɔ hivi telen pum lon.

Matie 21:41

Má mulul ndu aa: «O diwnin vanaa diuvaa n'vanndacieaa kan o venin a iɲíí le, mò yɔngu vanaa baalaa celen nakɔ kalaa le mandaa, á kenin ndu tɔnɔ nakɔɔ o telen bɛnda-o-a.»

Daniɛl 6:24

O kon, mí masaa naŋ kɔl taw. Mó dimi le Daniɛl solio o soon yàlàá nin. Mɛɛ nda soli ndu, má mɛɛndian ndu, kɛ hali ɲasɔɔ a ci ndu lekɔɔ le, kani ndóò handu Hala ndɔɔ laalanndo coo.

Condii lisai 105:15

«La pilan vanaa nia ya pɔla-a le, la tósal vanaa-tɛɛngaa-diom Hala-a nia dɛnɛ vɔɔndo le.»

2Dɛnnda lemasalan 36:16

Kɛ Israɛlla saalan kiilaa Hala-a kan te, má pɛɛsa sɔɔn Hala-on, má va vanaa-tɛɛngaa-diom Hala-a mamɔɔ, háá mí Mɛlɛka tuulu kɔllo a Israɛlaa kan, a co kan vanaa ndɔa-a pɛɛn. Ɲɛ-ɲɛ nɔ̀lá kɔltuw kon pɔlul te.

1Masaa 22:28

Mí Misee mɛnalan ndu aa: «Taa muungu nanu kɛndia a á kɔlɲuloo pɛ few, mɛɛ o co Mɛlɛka le vem ya nɔm sɔɔn mun tɛɛngullo le!» Mó dimul vɛlɛ vannda aa: «Niaa vannda súúlan kpow, la yaŋnun.»

Kundalan 16:35

Mí yinnden le fula nɛɛ Mɛlɛka va-a, mí le loam n'van kɛmɛ lediin a beleŋuɛɛnua va ansan lomɔɔ-a.

Kundalan 11:1

Paale pilɛ, mí Israɛlla cɛɛŋun Mɛlɛka o lani. Mɛɛ Mɛlɛka tuei nda cɛɛŋɔn kon, mó tuulu kɔl a nda, mó tuisi yinnden nda coo, mí le loam dɔ́ɔ́ngɔ́ɔ̀ o yondoo dangalaa.

2Masaa 1:11

Mí Ahasia viam vɛlɛ simlacinɔ kunda n'van beleŋuɛɛnu celen a n'van beleŋuɛɛnua ndɔa o Elii lo. Mí simlacinɔ kon soaa o Elii lo, mó dimul ndu aa: «Nɔm vana-tɛɛngaa-diom Hala-o sei, masaa dimi aa nɔm keleŋa tolɔɔ!»

Tɔŋ lasálàá 10:2

Lelan, mí yinnden le fula fɛlɛmɛndɛn nɛɛ Mɛlɛka va-a, mí le hun loam nda kpúlúká, má vu Mɛlɛka o hɔl lon.