2Korɛntea 9:8 - BII BILA

⁸ Hala tiwba mò kuilul niaa dɛnnda kɛndɛla súú-súù ka, haliko mi la tiwnun o dɛnndan kpow nin a o telenndan kpow nin, o kon mì ɲɛ lo vɛlɛ niaa o ba taw le dɛnnda kɛndɛlan kpow tosaa.

2Korɛntea 9:8 Referans Kwoze

Efɛsea 3:20

Màá Hala co dɛnnda bɛndulan tosaa, mò va bɛɛ hiovɔɔ piɛile naalen a yiyannda naalan coo mɛɛ kpaaya ndɔ co naa nin-ndo co yɛ-o, sɔla biiloo vanaa laalannda tɛɛn a Yeesu Krista o kɔɔ o telenndan kpow nin a le fɛɛn a fɛɛn! Amiina!

Talelan 10:22

Duaa Mɛlɛka-o kínɛí siinguu vana vana bolofaa ni. Kindikindin vanacieo cɔɔlu ɲɛ-ɲɛ lecoo le.

Malasi 3:10

La hun a o-tɔ́ndɔla niaalan kpow o cɛi mandaa bolofaa nin, haliko mi baloo va o ya lo cɛinin. La tɔɔndan-ndɔ hau ya lende, mì la tofa, te i kumbilnin niaa diola pɔmbɔla co o halataala lan, mì tuisi niaa duaa bɛndu-bɛndu hiow ɲɔɔn kpow-vo coo le. Ya Mɛlɛka-Nɔ-Kpaayaa-Kpow-vo dimi lende ni.

Aasee 2:8

Ya nɔ volion a sianion ni. Diom ya Mɛlɛka-Nɔ-Kpaayaa-Kpow-vo soo-o co kon ni.

Talelan 28:27

Vana ke pɛ vanaa bala fondoa, ɲɛ-ɲɛ ve ndu lepɛŋ te. Kɛ vana kɛɛ pɛ le nda tofaa, dangalan taw la co le ndu ni.

Condii lisai 84:11

Paalen ten pilɛ tosaa o cɛi nɔmndo nin co fisa a palɛi vàá pilɛ tosaa nɛɛ celen. Éé Hala, o co fisa mì va vana mandaa cɛi nɔmndo a calle o cɛila-kolala-toandaala vanaa yɔŋ vɔɔnda ha nin.

Talelan 3:9

Biilu Mɛlɛka a ɲɛm nɔmndon, mà yɔngu ndu ɲɛm tasen n co sɔlaa o vali nɔmndo nin-ndon.

Tite 3:14

Mɛɛ mì vanaa naa bɛɛ a pɛɛku, mà yɔngun le dɛnnda kɛndɛlan tosaa, mà malà vanaa co o balahavɛilan nin-nda, yɔŋii nda kɛɛ mako nɛŋi.

2Korɛntea 8:7

Dɛnndan kpow la co niaa o ba, laalanndo, sɔɛi cai, dɛnɛ sinaa, kindinndo a kaola niaa nɔ le naa-o. La hiow vɛlɛ laci a dɛnɛ kɛndɔɔ ho tosaa.

1Korɛntea 15:58

Lelan, puapilɛa nia hɛnan ya taw-va, la sim yili. La kpeeŋian te. La yɔngun lɔ́ɔ́-lɔ́ɔ̀ o baala Maalii-o nin, mì la sínà maa baala niaa co tosaa o Maalii nin-ndo co fúú le.

2Korɛntea 9:11

Hala siinguunin niaa vanaa ɲɛ-sɔlaa o nɛi oo nɛi coo, haliko mi la tiwba vannda kɛndɛi tosallo telen oo telen. O kon te n ke nda pɛ mala niaa yɔngu-o, vanaa bɔɔ-bɔɔ a melnin Hala balika le mala kon.

2Korɛntea 8:2

Vanaa laalannda sɔla tɔɔndanndan o sangalan nin-ndon, kɛ a kon kpow a va a kɔlkɛndɔɔ taw. A bala fondola bɛndula va nda lan kpede, a va yɔngoo a kɔlta ndalan kpow.

Talelan 11:24

Mì vanaa pum yɔngu taw, mì ɲɛ nda sɔlaa kui vɛlɛ. Mì vanaa pum nda manda le nda pila ma hiow ba, kɛ mà cennun bala fondo.

2Dɛnnda lemasalan 25:9

Mí Amasia ɲuna vana baala Hala kon aa: «Kɛ vɛ̀ɛ̀ ya sɔla yɛnin volin ya yɔngu vanaa cɔvaa Israɛlla ha-on?» Mí vana baala Hala-o mulul ndu aa: «Mɛlɛka nɔla mò ke nɔm n'celen hiovɔɔ o mun coo.»

Tite 3:8

Sɔɛi toɲɛi co hee ni. I yeema ma tiinda pelei lecoo ɲɛkɛndɛi, haliko mi vanaa laalan Hala-a yɔngun nda pila, mà va dɛnnda kɛndɛlan tosaa. Dɛnnda naŋ mì la co vannda tɔnɔɔ lueiloo lan.

Efɛsea 2:10

Kani Hala toosiaa naa ni, o cɔw naa o Krista nin haliko mi n va dɛnnda kɛndɛlan tosaa, dɛnnda kɛndɛla ndóò tuu paandu pá haliko mi n tosa lan-ndan pɛɛn.

1Piɛr 4:10

Vana-vana tosa mì caanda sɔla malaa o ke o sɔla Hala o ba-o nin. O kon mì la siŋnun vanaa caa ɲɔɔn mandaa-a, ɲɛm Hala ke niaa-on.

Tite 2:14

O yɔngún ndu pila le naa, le naa solio o dɛnnda vɔɔnndan nin kpow, mó siinguu naa vanaa diandaa co le ndu-a, haliko mi n va vanaa dialun fulaa le dɛnnda kɛndɛlan tosaa-o.

2Korɛntea 8:19

Handɔɔ o kon coo, a cii ndu hɛli le naa liilaa le vali kɛndɔɔ ho tosaa, o naa n nɔ mì n tosa, mì vannda biilu Maalii pila-o. O kon mì n cɔm vɛlɛ mɛɛ naa n nɔ yeemɛi le ndu tosaa-e.

Kolɔsea 1:10

O kon la tiwnin ba kelaa mɛɛ vanaa Maalii-a bɛnda mà kela yɛ, la vanin dɛnnda hɛnan ndu lan tosaa lɔ́ɔ́-lɔ́ɔ̀. La tosanin dɛnnda kɛndɛlan kpow mì la hiow laci a Hala sinaa.

Dɛnnda kiilaa 9:36

Kaandennɔ laandu pilɛ va Yopé diolan Tabita, o krɛkiei nin aa «Dɔrkas». O va vannda dɛnɛ kɛndɔɔ tosallo lɔ́ɔ́-lɔ́ɔ̀, mó va vɛlɛ vanaa bala fondoa malaa.

2Tesalonikea 2:17

mò pei niaa yoomuan o lakɔl, mò hiw niaa laci o dɛnnda kɛndɛlan a o sɔɔn kɛndɔn kpow nin!

2Timote 3:17

haliko mi vana baala Hala-o va o bɛɛndian, nduyɛ mo va o tiwnan ɲɛkɛndɛi le dɛnɛ kɛndɛ súú-súù ka tosaa.

2Korɛntea 13:3

Kani la co tɔɔmaseloo nuwviaa ya o n'dial le sinaa te Krista co sɔɛi ya nin ni. Krista vi n'dial niaa o hɔl te, kɛ o co kpaaya ndɔɔ cɔmndo niaa nin.

Filipea 4:11

O co le mɛɛ ya co o bahavɛiyo nin yɛ le ya co sɔɛi nuaa le, kani i dɛli nini a kɔllo naŋɔɔ a ɲɛ ya nɔ-o.

2Timote 2:21

Lelan te vanndo dindin pɛ le dɛnnda ya dimi lan ndan kpow, o siŋnun volɔɔ baalaa le makola sɔvɛlan, vana vana ndɔ bɛndoo solin mako-o pɛɛn, o toosian le dɛnɛ kɛndɛ súú-súù ka tosaa-o.