2Korɛntea 9:2 - BII BILA

² Kani i sínà mɛɛ niaa nɔ yeemɛi le yɔngoo yɛ. I co yongaa sɔɛi a niaa o kɔɔ vanaa laalannda o hɔl Maseduan. I cii nda dimul maa cɔn nin lapɔm, niaa vanaa laalannda Akaii, la co a bɛɛndiannda le malaa yɔngoo. Nduyɛ, le yɔngɔn niaa kon, mí vanaa bɔɔ-bɔɔ nda tɛɛn a sɔla yeemɛi le malaa yɔngoo.

2Korɛntea 9:2 Referans Kwoze

2Korɛntea 8:10

Yiyan nuu co hoo le niaa o sɔɛi he nin ni: o bɛnda bɔɔ mi la hiow laci. Niaa yɔŋnun vanaa tasea tapɔm le cuungiaa ho yɔngoo ni. Ɛ̀ɛ̀ nduyɛ, mí la tosa kon a kɔlta niaalan kpede.

2Korɛntea 8:8

Sɔɛi ya co hee dimio-e, o co mì baŋ niaa le ndi tosa le, kɛ le cɔmndo mɛɛ vanaa celen a co kindinndo yɛ, le kaola kpeekpei niaa nɔ-o sinaa.

2Korɛntea 8:24

Lelan, la cɔm nda kaola kpeekpeiyo a kɔlɔ naa n co yongaa sɔɛi a niaa o kɔɔ-o, o kon mì kundala vanaa laalannda ce.

Hebreea 10:24

N nɔnnan hɔlten kɔɔli vellaa-velle, haliko mi n lueinan yoomuan le kaolaa cɔmanndo a le dɛnnda kɛndɛlan tosaa.

1Korɛntea 16:15

Puapilɛa nia, la sínà maa yungu Stefanas-o yɔŋnun vanaa laalaŋa tasea Akaii ni, má va vanaa diandaa baalaa tosallo. Lelan i co niaa yoomuan luei,

1Tesalonikea 1:7

O kon mí la siŋnun tɔɔmaseloo le vanaa laalannda Maseduan a le haa Akaii.

2Korɛntea 8:19

Handɔɔ o kon coo, a cii ndu hɛli le naa liilaa le vali kɛndɔɔ ho tosaa, o naa n nɔ mì n tosa, mì vannda biilu Maalii pila-o. O kon mì n cɔm vɛlɛ mɛɛ naa n nɔ yeemɛi le ndu tosaa-e.

2Korɛntea 7:4

I laalan niaa taw, nduyɛ i nɔla mì kelu yongaa a niaa o kɔɔ. I co ɲɔɔloo sɔlaa o sangalan nin kpow, i co a kɔlkɛndɛ bɛndoo.

2Korɛntea 1:1

Ya Pol, kiilanɔ Yeesu Krista-o mɛɛ hɛnan Hala-o co yɛ, naa Timote puapilɛ naa. Naa n co sɛbɔɔ ho sɛva le vanaa Hala-a co Korɛnte-a a le vanaa diandaa kpow ni, á co o lɛŋnde Akaii len nin ba-ba fee-a.

Dɛnnda kiilaa 18:12

Tuma Kaliɔn va masa-ibunga Rɔmnda Akaii ciee-o, mí Yuifia cɛlan, má simul Pol. Má kɔa a ndu nɛɛ kialaa n'yamaa.

Dɛnnda kiilaa 24:17

I faŋan Yerusalɛm, o co nin hau vɔsilan a vɔsilan, i muungu nanu le vanaa bala fondoa co o lɛŋnde nilen nin-nda ɲɔɔn keo a le sálàlan solio.

Rɔmnda 15:26

Kani vanaa laalannda Maseduan a haa Akaii a dimi le malaa biyɔɔ, le vanaa bala fondoa co vanaa laalannda tɛɛn Yerusalɛm-nda mala kon yɔŋndo.

2Korɛntea 7:14

I lisan bɛɛ ɲɛ-pɔmbɔ ndu o hɔl a niaa o kɔɔ, siɛmbula bii ya le. Maa mɛɛ naa n dimul niaa dɛnndan kpow a toɲaa-e, mí lisan naa n lisan Tite o hɔl-lo siŋnun toɲaa.

2Korɛntea 8:11

Lelan sunsun, la siow vali kon tosa. Yeemɛi bii niaa taw le ndu siowvo mɛɛ ndíì bii niaa o ndu kandɔɔ yɛ. La tosà kon mɛɛ ɲɛ-sɔlaa niaa co yɛ.