2Korɛntea 9:13 - BII BILA

¹³ Le mɛɛ niaa co baala kɛndɔɔ ho tosaa yɛ, vannda biilunin Hala le sɔɔn niaa bii mì la va cɔmndo maa la co kelaa o Yoongu kɛndɛ Krista-o coo-o. A melnin vɛlɛ ndu balika le bala niaa co mɔɔsiaa nɛɛ pilɛ, mì la va ɲɔɔn pɔvianndo-on, a le tùú niaa co vanaa celen kew-vo.

2Korɛntea 9:13 Referans Kwoze

Hebreea 13:16

La pɔɛɛnun kɛndɛi tosaa a maalianndo vellaa-velle le, kani sálàla vaa lende la hɛnan Hala ni.

Matie 5:16

Ɲɛ-tengaa niaa bɛnda mò tenga lende vannda o hɔl, haliko ma ce dɛnnda niaala kɛndɛlan, o kon mà biilu fuɲa niaa co o halataala-o.»

Kalatea 1:24

Má va Hala biiloo a ya o kɔɔ.

2Korɛntea 2:12

Lɔ́ɔ́ ya tiiya Troas le vannda Yoongu kɛndɛ Krista-o tiiyallo-o, mí Maalii kumbil-la dioo vakpa le baalaa tosaa.

1Piɛr 4:11

Te vanndo va pɛ sɔɛi, o soo le diomnda Hala lan tɛɛnguuo. Vana nɔ pɛ keo le dɛnɔɔ pum tosaa, o tosa ndu a kpaaya Hala yɔngu vana-o, haliko mi Hala sɔla biiloo o dɛnndan kpow nin o diola Yeesu Krista lan. O biiloo a kpaayaa co le ndu le fɛɛn a fɛɛn-ndo. Amiina!

1Piɛr 2:9

Kɛ niaa, vanaa Hala hɛli-a niaa co ni, vanaa-solia-lasálàá lemasaa, kunda diandaa, haliko mi la yonda dɛnnda kɛndɛla vana soli niaa o ɲumndan nin, mó cuu niaa o ɲɛ-tengaa ndɔ sɔvɛɔ-o nin-ndo lan.

Hebreea 10:23

N simnun yili o ɲɛ naa n laalan-ndo coo, kani Hala faŋàn o diomnde o dimi len coo le.

Hebreea 5:9

Nduyɛ, mó peelun o dɛnndan kpow nin. Sunsun, vana-vana bii pɛ sɔɛi ndɔɛi, o ke ndu cinda fɛɛn-fɛɛndo.

Hebreea 4:14

Lelan n simnun yili o laalan naa n co sɔɛi ndɔɛi dimio-o coo. Kani n nɔ bolle vanaa-solia-lasálàá, o kɔɛ nin o halataala di-o, Yeesu po Hala-o pɛɛn.

Hebreea 3:1

Lelan puapilɛa nia vanaa laalannda, niaa Hala veelu-a, la tofa Yeesu, ndu Hala vem le vaa bolle vanaa-solia-lasálàá ni, o naa n co sɔɛi ndɔɛi dimio-o.

1Timote 6:12

Cɔlɔba cɔlɔba toɲaa a laalanndo. Kafalan cinda lɔ́ɔ́-lɔ́ɔ̀, kani le ndu n sɔla veeloo telen n cɔm laalan nɔmndo seiya taw o hɔl-lo ni.

2Korɛntea 10:5

N co yiyannda lacòòvalan a sɔɔn yongan kɛ́-kɛ̀ n co dɛnɛ sinaa Hala-o simullo tɛɛmbuuo, mì n va kɔltan kpow mingio nɛɛ pilɛ le diom Krista-o biyɔɔ.

2Korɛntea 8:4

Má baŋnun naa ɲunaa, maa n sɔɔnguu, mì n sɔɔ laba le vanaa diandaa malaa.

Rɔmnda 16:26

Sunsun, o co o cɔmnan kpendekele. O kon mí vanaa súúla yɛ́-yɛ́a co n'yuif le-a a sínà yoongu kon o sɛbɛla vanaa-tɛɛngaa-diom Hala-a nin. Hala co le fɛɛn a fɛɛn-ndo dimi ndu ni, haliko mi vannda súúlan kpow a laalan ndu, mà bii sɔɛi ndɔɛi.

Dɛnnda kiilaa 11:18

Mɛɛ nda tuei sɔɔn mun, mí nda kpow a mei, má candu Hala aa: «Mɛɛ Hala cɛl mì vanaa co N'Yuifi le-a bɛɛ mangala kelala ndalan, mà sɔla ciinda kpeekpeiyo.»

Dɛnnda kiilaa 4:21

O kon, mí simlacia kialaa iyamaa lelɛŋnda kɔngɔlan nda vɛlɛ, o kon kɔɔli, má mal nda. A ci nɛi oo nɛi nda tuisi nda sangaa coo le. Kani vannda kpow a va Hala candɔɔ le dɛnɛ oo tosan kon-ndo.

Nsaŋ 15:8

La yɔngu pɛ komɔɔ kɛndɔɔ taw, mì la siŋnun kaandeŋaa nia, Fuɲa nuu sɔla biiloo.

Luke 6:46

«Le yɛɛ niaa co yɛ ya veeloo aa: ‹Maalii, Maalii›, la co ɲɛ ya co niaa dimullo-o tosa le?

Matie 9:8

Sɛ́lɛ́ va lon-ndo cɔu dɛnɛ kon, mí siòònde bii nda, má biilu Hala le vanndacieea kpaaya vaa lende yɔngoo.

Condii lisai 50:23

Vana-vana solul-la pɛ sálà malaa balikaa, mɛɛ ndu biilu ya. Vana-vana caa pɛ kelaa, i cɔmnin ndu maa ya co vana ciindiaa ndɔɔ ni.›»

Rɔmnda 10:16

Kɛ o co vannda kpow le a cɛl Yoongu kɛndɔɔ le. Mí Esai dimi ndi aa: «Mɛlɛka, nɛ̀ɛ́ laalan yɛ sɔɛi naa n co yondaa-e?»

Rɔmnda 12:8

Vana nɔ vallo le vannda yoomuan lueiyo-o, ndu luei vannda yoomuan. Vana nɔ vallo le kɛndɛi tosaa-o, ndu tosa kɛndɛi. Vana nɔ vllo le vannda simndan lacio, ndu tosa baala kon a dialun fulan, mì vana nɔ vallo le vannda ɲííye tuinɔnndo-o ndu tuinun vannda iɲíí a kɔlkɛndɔɔ.

Rɔmnda 15:31

haliko mi hɛlun vanaa laalaŋaa lepɛŋnda haa Yuda, mì vanaa dandaa kɔ naŋ kɔl a ɲɛm ya co nda yoo Yerusalɛm-ndon.

2Korɛntea 9:14

Yeemɛi biinin nda o lakɔl le niaa, mà piɛi Hala le kɛndɛi bɛndui o tosal niaa-e.

1Timote 6:13

I co nɔm ɲuna Hala o hɔl, o yɔngu ɲaa yoomaa kpow yoomoo-o, a Yeesu Krista o hɔl, ó soli seile kɛndɛlen Pɔnse Pilate o hɔl-lo,

Ruti 2:19

Mí Noemi ɲuna ndu aa: «Ó nɛ̀ɛ́-nɛ̀ lo panga n kɔ cɔwviaa yɛ hau yasalan ndan? Kpengii kuɛɛ nɛ n tosa yɛ baalaa? Màá Hala dɔw vana tosal nɔm kɛndɛi he-o duaa!» O kon, mí Ruti downun kala-lɛɛ ndɔ kona aa: «Langbanɔ ya niinu yasalan cɔwviaa o ndu lo panga-o diolan Boas.»