N co cɔmndo maa vanaa baalaa Hala-a naa n co ni: a diondɔɔ naa n dendu-o, dɛnɛ sinaa naa, biuvɔnndo naa, vili naa kɛndɔɔ, Kɔl-Diandaa co naa vallo nin-ndo, a o kaola kpeekpei naa n nɔ-o nin,
La cii kɔlta niaalan dindi o sɔɛi toɲɛi biyɔɔ nin, haliko mi kaolian kpeekpeiyo va niaa tɛɛn. Puapilɛa nia co ni, lelan la kaolian vellaa-velle a kɔltan kpow,
Kani i sínà mɛɛ niaa nɔ yeemɛi le yɔngoo yɛ. I co yongaa sɔɛi a niaa o kɔɔ vanaa laalannda o hɔl Maseduan. I cii nda dimul maa cɔn nin lapɔm, niaa vanaa laalannda Akaii, la co a bɛɛndiannda le malaa yɔngoo. Nduyɛ, le yɔngɔn niaa kon, mí vanaa bɔɔ-bɔɔ nda tɛɛn a sɔla yeemɛi le malaa yɔngoo.
Yiyan nuu co hoo le niaa o sɔɛi he nin ni: o bɛnda bɔɔ mi la hiow laci. Niaa yɔŋnun vanaa tasea tapɔm le cuungiaa ho yɔngoo ni. Ɛ̀ɛ̀ nduyɛ, mí la tosa kon a kɔlta niaalan kpede.
Le felengia sínà vɔ dɛnɛ vanapɔnɔ le-a yɛ, Maalii dimul-la isɔɔ a nda o kɔɔ le, kɛ yiyan nuu ya co dimi ni, ya Mɛlɛka ce ho ɲia mó siinguu ya vana o nɔla mò tiindan-ndo-o pɛɛn.
Le niaa vanaa tɔ̀a yɛ, ɲɛ ya co niaa dimul-lo co hoo ni (o co Maalii le dimi le). Te vana laalanndo nɔ pɛ lanɔɔ, mì laa ndɔ kon ve vana laalan te, kɛ nduyɛ mò cɛl le loo pɔnɔ ndɔ o ba, pɔnɔ kon bɛnda mò kɛɛ ndu le.
A co hunɔɔ sɛ́lɛ́ bɛndoo fili-fili o nɔm ndo, vanaa niaa kan pɛɛn, a co hunɔɔ calle nɔm o hɔl. A co nilan yaŋɔɔ o sɔɔn nɔmndon, kɛ a co kela lecoo le, kani a sondo yeelaa koni nda co sɔɛi ni, kɛ o kɔlta ndalan nin, tɔnɔ nda pila-o daama nda co nuwviaa ni.
Mí Yosue dimul nda aa: «O laan, siòòŋii Mɛlɛka-e va niaa, mì la tosal ndu baalaa a kɔlta niaalan kpede, mì la lo o lediom coo a ndu. La mal halaa fuɲaa niaa mamaa va biiloo peo leeloo-a, halaa Esiptea pɛɛn, mì la tosal Mɛlɛka baalaa.