2Korɛntea 8:7 - BII BILA

⁷ Dɛnndan kpow la co niaa o ba, laalanndo, sɔɛi cai, dɛnɛ sinaa, kindinndo a kaola niaa nɔ le naa-o. La hiow vɛlɛ laci a dɛnɛ kɛndɔɔ ho tosaa.

2Korɛntea 8:7 Referans Kwoze

2Tesalonikea 1:3

Puapilɛa naa, mɛɛ mì n va Hala balikaa mello le niaa. O bɛnda mì n tosa kon, kani laalan niaa co cɔɔloo hiovɔɔ laci, kaola co niaa tɛɛn vellaa-velle-o co hiovɔɔ laci tuŋ.

2Korɛntea 9:8

Hala tiwba mò kuilul niaa dɛnnda kɛndɛla súú-súù ka, haliko mi la tiwnun o dɛnndan kpow nin a o telenndan kpow nin, o kon mì ɲɛ lo vɛlɛ niaa o ba taw le dɛnnda kɛndɛlan kpow tosaa.

Filipea 1:9

O ya co Hala piɛyo le niaa-o, ndu co ho ni: mì kaola niaa va hiovɔɔ laci lɔ́ɔ́-lɔ́ɔ̀, mò pɛ a sina kpeekpeiyo a á dɛnndan bilaa biyɔɔ ɲɛkɛndɛi,

2Korɛntea 8:6

Lelan naa n tɛɛlun Tite ni, mò kɔɛ o niaa lo, mò kɔ hiow laci a vali kɛndɔɔ ho tosaa mɛɛ o kandu ndu yɛ.

1Korɛntea 13:2

Hali i sɔla bɛɛ vallo le diom Hala-o tɛɛnguuo, mì sínà dɛnnda kɔndɔfiltan kpow, mì nɔ dɛnɛ sinaa kpede, i nɔ vɛlɛ bɛɛ laalanndo háá mì faŋa pembon o fonda n co-o, te i nɔ kaola o kɔl te, mɛɛ i co ɲɛ-ɲɛ le.

1Korɛntea 4:7

Kani o nɛi kuɛɛ coo n co yɛ yiyanndo maa a hiow caanda? Ɲɛm n nɔ-on kpow, vɛ̀ɛ̀ o co Hala le ke nɔm mun te? Te o co yɛ pɛ lende, le yɛɛ nɛ n co yɛ niko lisanndo maa o co ke le nda ke nɔm mun te?

1Korɛntea 1:5

Nduyɛ, la sɔla valtan le tosaa o ndu nin, taama-taama o sɔɛi nin a o sinaa kpow nin.

1Korɛntea 13:8

Kaolaa cuu lɔ́ɔ́-lɔ́ɔ̀ le, diom Hala-o tɛɛnguuo co hunɔɔ hiovɔɔ, sɔɔn mangalan co hunɔɔ cuvɔɔ, dɛnɛ sinaa co hunɔɔ hiovɔɔ.

1Korɛntea 12:13

Kani naa kpow n sɔla yinɔɔ Kɔl-Diandaa pilɛ kon o ba, mí n siŋnun kɔɔle pilɛ len, vana va Yuifinɔ, vana va Yuifinɔ le. Vana va cɛ, vana vannun o ba nɔm coo, mí n sɔla Kɔl-Diandaa pilɛ kon le kolɔɔ.

2Piɛr 3:18

Kɛ la hiow laci o kɛndɛi Hala-e nin a o Maalii naa a Vana naa ciindiaa Yeesu Krista sinaa nin. Le ndu biiloo co kandɔɔ sunsun háá le fɛɛn a fɛɛn ni! Amiina.

1Piɛr 1:22

La cii kɔlta niaalan dindi o sɔɛi toɲɛi biyɔɔ nin, haliko mi kaolian kpeekpeiyo va niaa tɛɛn. Puapilɛa nia co ni, lelan la kaolian vellaa-velle a kɔltan kpow,

2Timote 2:1

Nɔm yɛ niko, po nuu, luei yoomuan le kɛndɛi naa n sɔla Yeesu Krista o ba-e.

Efɛsea 4:29

Sɔɔn vɔɔnndon bɛnda mì n va niaa fulaa o lasondo le. Sɔɔn kɛndɔn kínɛí n fula niaa o lasondo ni, n nɛŋi mako-on, n luei caanda yoomuan-ndon, haliko mi vanaa co niaa nilan yaŋɔɔa sɔla dɛnɛ kɛndɔɔ lenin.

2Korɛntea 9:14

Yeemɛi biinin nda o lakɔl le niaa, mà piɛi Hala le kɛndɛi bɛndui o tosal niaa-e.

2Korɛntea 7:7

O co le hunɔɔ ndɔɔ daama le, kɛ le ɲɔɔlu o sɔla niaa o ba-o. Mó cɔm naa mɛɛ niaa nɔ yeemɛi le ya cɔu yɛ, mɛɛ niaa co o mɔnɛi nin yɛ a mɛɛ niaa co a bɛɛndiannda le ya yɛ. Lelan sunsun, i co a ɲaaloo taw.

1Korɛntea 14:12

Lende vɛlɛ koni, le mɛɛ niaa nɔ yeemɛi taw le valta Hala lan sɔlaa yɛ, la kindin niko mò va valta hivi vanaa laalannda laci lan.

Rɔmnda 15:14

Puapilɛa nia, ya pila i laalan maa la nɔ yeemɛi le dɛnnda kɛndɛlan tosaa taw, la nɔ sinapɛngoo kpede haliko mi la tiwba niaa pila siilianndo vellaa-velle.

Dɛnnda cɔɔmuanndan 3:17

Kani a co dimio aa: Vana bolofaa ya co ni, i pɛ a bolofaa taw, i hew lɛ ba a ɲɛ-ɲɛ le. A co sínà maa a cuu dikpilan te? Kuɛi, bala fondolan, sumaa a fɛ́lio tol nɔm coo.

Hebreea 12:28

Lelan, le mɛɛ naa n sɔlanin masale hiilunnin te len yɛ, n sinàn kɛndɛi mì n melnun Hala balika, mì n tosalan ndu baalaa mɛɛ hɛnan ndɔɔ co yɛ, o siòònde a o ndu vou nin.

Filipea 1:11

Mì Krista mala niaa, mì la pɛ a dɛnnda sandaa lan, o kon mì Hala sɔla biiloo a sangalaa.

1Korɛntea 12:8

Vana pum, mì Kɔl-Hala-o ke ndu sɔɔn kɔlkalon dimio, o pilɔɔ sɔɔn dɛnɛ sinaan mɛɛ Kɔl-Diandaa pilɛ kon co yɛ.

Matie 25:22

Mí vana sɔla sianin n'kpungban kɛmɛ lediin-ndo bɛɛ sɔɔnguu, mó dimi aa: ‹Vana bɛndoo! Sianin n'kpungban kɛmɛ lediin nɔm óò sɔɔ ya o ba ni, mí sɔla tɔnɔɔ lecoo sianin n'kpungban kɛmɛ lediin. Má cè mun!›