2Korɛntea 8:5 - BII BILA

⁵ Nda pila fɔlɔn aa yɔngun Mɛlɛka ni, o kon kɔɔli má yɔngun le naa o kɛndɛi Hala-e bɛngu.

2Korɛntea 8:5 Referans Kwoze

Rɔmnda 12:1

Puapilɛa nia, le mɛɛ Hala co naa ɲííye tuinɔnndo yɛ, i co niaa yoomuan luei mì niaa pila solin sálà kiyɛiyo, o dendu mo hɛnan Hala-o, kaannde kpeekpeile niaa bɛnda mì la tosa len le co len ni.

2Korɛntea 8:1

Puapilɛa naa, sunsun, n yeema mì la sínà mɛɛ kɛndɛi Hala-e i yɔŋnun vanaa laalannda tɛɛn Maseduan yɛ.

Rɔmnda 6:13

La yɔngu lɛ falun niaan le hakio tosaa maa ɲɛm valin dɛnɛ sandaa lepɛŋ-ndon te. Kɛ niaa pila yɔngun le Hala maa vanaa tendul fulaa vanvílɛ́iya tɛɛn-nda, mì falun niaan va maa ɲɛm valin dɛnɛ sandaan le Hala.

2Dɛnnda lemasalan 30:12

O tàndá Yuda-o nin vɛlɛ, mí Hala tosa ɲɛ vannda o lakɔl, mí nda kpow a cɛl ɲɛ ndu Mɛlɛka sɔɔ masaa a vanaa bɛndua va ndu o ba bɛngu-a o lasondo le nda dimullo-o.

1Dɛnnda lemasalan 12:18

Mí David bɔŋa nda, mó dimul nda aa: «Te a yiyan kɛndɔɔ niaa hin o ya lo le ya malaa ni, mɛɛ i cɛl a kɔl nuu kpow, mì n vannun diom pilɛ naa niaa. Kɛ te le ya baa keiyo o mundu, le ya malɔɔ yaamɔaa nia o ba niaa hin ni, nduyɛ i yɔŋ yɛ vana dɛnɛ vɔɔn kɛ́-kɛ̀ le, maa Hala fuɲaa naa mamaa cɔ dɛnɛ kon, mò kelu naa yamɛi tɛɛn!»

1Samiɛl 1:28

Ya bɛɛ, i yeema niko mì yɔngu Mɛlɛka ndu, mò va le Mɛlɛka le lɔ́ɔ́-lɔ́ɔ̀.» O kon mí nda kpow a baŋ vulan Mɛlɛka o labɛngunin.

Yeremi 31:33

Mɛlɛka dimi aa: ‹Kpema va naa tɛɛn naa Israɛlla-o va hoo ni maa te palɛi ken hiow pɛ, i vownin tɔŋnda nilan nda nin mì sɛva vɛlɛ lan nda o lakɔl. I vanin Hala ndaa mì nda va vanaa nia.

2Dɛnnda lemasalan 30:8

La tosà nila kalulan maa fuɲaa niaa mamaa kan te. La tuisin tootoo Mɛlɛka o hɔl. La muungu o Fonda-Diandaa o dindi le lɔ́ɔ́-lɔ́ɔ̀-o nin. La tosál ndu Mɛlɛka Hala niaa baalaa, haliko mi kɔl ndɔ tuw bɛndoo faŋan niaa coo.

2Korɛntea 4:5

O co yoongu naa pila le naa n co yondaa le, kɛ yoongu Maalii Yeesu Krista-o naa n co dimio ni. Nduyɛ le Yeesu naa n co vanaa baalaa niaa ni.

Sakari 13:9

I lueinin kunda yàándɔ lonin kon-ndo o yinnden nin, mì dindi ndu mɛɛ vana dindi volii humbuei yɛ. I dindinin ndu mɛɛ vana dindi sianiei yɛ. Vanaa kan a pialnin diola nilan o piɛilen nin, mì mulul nda. I diminin aa: ‹Vanaa nia co haa ni.› O kon nda bɛɛ diminin aa: ‹Mɛlɛka co Hala naa ni.›»

1Korɛntea 1:1

Ya Pol sɔla veeloo le vaa kiilanɔ Maalii Yeesu-o o hɛnan Hala-o nin-ndo naa puapilɛ naa Sɔstɛne.