2Korɛntea 8:12 - BII BILA

¹² Kani te vanndo nɔ pɛ yeemɛi le yɔngoo, Hala cɛl mɛɛ sɔla vana kon co yɛ, kɛ o ve mɛɛ sɔla ndɔ co le yɛ le.

2Korɛntea 8:12 Referans Kwoze

2Korɛntea 9:7

Lelan, vana-vana yɔngu mɛɛ o kelun o kɔl-lɛ, o va a imɔnɔ le, te kon te maa baŋɔɔ le nda baŋ ndu le, kani Hala kaola vana yɔngu a ɲaaloo-o.

Fulaa 35:29

Mí Israɛlla kpow, vanpiaandua a vanlaandua, á kelu o kɔlta ndalan nin le hunɔɔ a ɲɛ le baala Mɛlɛka dimul Moise le tosaa-o tosaa-a hun a cuungiaala ndalan a yeemɛi ndɛi o Mɛlɛka lo.

1Piɛr 4:10

Vana-vana tosa mì caanda sɔla malaa o ke o sɔla Hala o ba-o nin. O kon mì la siŋnun vanaa caa ɲɔɔn mandaa-a, ɲɛm Hala ke niaa-on.

Fulaa 35:5

O niaa tɛɛn, la bii cuungiaa le vali Mɛlɛka-o. Vanaa yeemanin le yɔngoo a kɔlta kɛndɛlan-nda kpow, a nɔla mà yɔngu daɲan, volin humbon, te kon te sianion.

Fulaa 25:2

«Dimul Israɛlla mà yɔngu cuungiaalan le ya. Vana-vana yɔngu pɛ cuungiaa ndɔɔ a kɔl ndɔɔ kpow, la bii ndu ndu o ba.

Luke 16:10

Vana sandu pɛ o dɛnnda pɔmbɔlan nin, mɛɛ o sandunin vɛlɛ o la bɛndulan nin. Vana sendu o dɛnnda pɔmbɔlan nin te, mɛɛ o sendunin vɛlɛ o la bɛndulan nin te.

Talelan 19:22

Ɲɛ vana yeema vanacieo o ba-o co lou o diomnden coo ni. Vana bala fondoo co fisa a vana lacòòvaa.

2Dɛnnda lemasalan 6:8

Kɛ mí Mɛlɛka dimul ndu aa: ‹Yiyan kɛndɔɔ pila n sɔla le ya cɛiyo tengullo ni.

2Korɛntea 8:11

Lelan sunsun, la siow vali kon tosa. Yeemɛi bii niaa taw le ndu siowvo mɛɛ ndíì bii niaa o ndu kandɔɔ yɛ. La tosà kon mɛɛ ɲɛ-sɔlaa niaa co yɛ.

2Korɛntea 8:13

N nɔ yiyan mì la mala caanda, mì niaa pila koma lo bala fondo le, kɛ n yeema mì kpen-kpenndo va.

2Korɛntea 8:19

Handɔɔ o kon coo, a cii ndu hɛli le naa liilaa le vali kɛndɔɔ ho tosaa, o naa n nɔ mì n tosa, mì vannda biilu Maalii pila-o. O kon mì n cɔm vɛlɛ mɛɛ naa n nɔ yeemɛi le ndu tosaa-e.

Fulaa 35:24

Mí vanaa kɛsi volin latámán a daɲan le cuungiaa kon-nda hun a mun o Mɛlɛka lo. Mí vanaa pɛngɛn akasia va o ba-a hun a mun le baalalan kpow tosaa a mun.

Matie 25:17

Mí vana sɔla sianin n'kpungban kɛmɛ lediin-ndo bɛɛ kɔ tosa lende, mó sɔla tɔnɔɔ sianin n'kpungban kɛmɛ lediin lecoo.

Matie 25:22

Mí vana sɔla sianin n'kpungban kɛmɛ lediin-ndo bɛɛ sɔɔnguu, mó dimi aa: ‹Vana bɛndoo! Sianin n'kpungban kɛmɛ lediin nɔm óò sɔɔ ya o ba ni, mí sɔla tɔnɔɔ lecoo sianin n'kpungban kɛmɛ lediin. Má cè mun!›