2Korɛntea 8:10 - BII BILA

¹⁰ Yiyan nuu co hoo le niaa o sɔɛi he nin ni: o bɛnda bɔɔ mi la hiow laci. Niaa yɔŋnun vanaa tasea tapɔm le cuungiaa ho yɔngoo ni. Ɛ̀ɛ̀ nduyɛ, mí la tosa kon a kɔlta niaalan kpede.

2Korɛntea 8:10 Referans Kwoze

Hebreea 13:16

La pɔɛɛnun kɛndɛi tosaa a maalianndo vellaa-velle le, kani sálàla vaa lende la hɛnan Hala ni.

2Korɛntea 9:2

Kani i sínà mɛɛ niaa nɔ yeemɛi le yɔngoo yɛ. I co yongaa sɔɛi a niaa o kɔɔ vanaa laalannda o hɔl Maseduan. I cii nda dimul maa cɔn nin lapɔm, niaa vanaa laalannda Akaii, la co a bɛɛndiannda le malaa yɔngoo. Nduyɛ, le yɔngɔn niaa kon, mí vanaa bɔɔ-bɔɔ nda tɛɛn a sɔla yeemɛi le malaa yɔngoo.

1Korɛntea 7:40

Nduyɛ, o vannun pɛ lende, mò cue lɛ pɔnɔ celen te, lende o hiaw vaa a kɔlkɛndɛ. Ɲɛ ya yiyanndo co kon ni. Nduyɛ i nɔ kɔl maa ya bɛɛ Kɔl Mɛlɛka-o co ya kɔɔli.

1Korɛntea 7:25

Le felengia sínà vɔ dɛnɛ vanapɔnɔ le-a yɛ, Maalii dimul-la isɔɔ a nda o kɔɔ le, kɛ yiyan nuu ya co dimi ni, ya Mɛlɛka ce ho ɲia mó siinguu ya vana o nɔla mò tiindan-ndo-o pɛɛn.

Talelan 19:17

Vana ke pɛ vana bala fondoo ɲɛ, mɛɛ Mɛlɛka o dɔnda ni. Nduyɛ Mɛlɛka salanin dɔndɔ kon.

Filipea 4:17

Ken co dimi le maa ɲɛm-kéan niaan ya co kɔɔli ni, o ya co kɔɔli-o co ni, mì la sɔla tɔnɔɔ taw.

2Korɛntea 8:8

Sɔɛi ya co hee dimio-e, o co mì baŋ niaa le ndi tosa le, kɛ le cɔmndo mɛɛ vanaa celen a co kindinndo yɛ, le kaola kpeekpei niaa nɔ-o sinaa.

1Korɛntea 16:2

O niaa tɛɛn, vana-vana kɛsi ɲɛ pum landɔ o ndu lo cɛinin mɛɛ o tiw ba yɛ le hunɔɔ a ndu o paale tasele co o lɔ́ɔ́ o lɔ́ɔ́ bɛngu len, haliko la cum telen ya kɔanin-ndo le ɲɛm mun cuungiaa le.

2Korɛntea 12:1

Mɛɛ mì ya pila i kuundian, hali mì sɔla tɔnɔ o kuundian kon nin te. Sunsun, i co hunɔɔ isɔɔ a vunduma ya ce-an a á cɔmnɔn Mɛlɛka cɔmnun ya-o o kɔɔ.

Nsaŋ 11:50

La co sina le maa o co fisa mì vana pilɛ vi le lɛŋnden kpow a vanndacieea co o lɛŋnden nden nin-nda kpede vuo?»

Matie 10:42

Mì dimul niaa toɲaa, vana-vana ke pɛ cuaambɔa ha o pilɛ hali mɛmma ɲuluan taala kólaa ca le tùú o co kaandennɔ nuu-o, vana kon folanin vɔ̀ngɔ̀ ndɔɔ le.»

1Korɛntea 10:23

La co dimio aa: «Dɛnndan kpow la bɛnda le tosaa.» I co toɲa, kɛ o co dɛnndan kpow le la naŋ te. «Dɛnndan kpow la bɛnda le tosaa», kɛ o co dɛnndan kpow le la hivi vana laci o laalanndo nin te.

1Korɛntea 6:12

La co dimio aa: «I nɔ dí mì tosa dɛnndan kpow.» I co toɲa, kɛ o co dɛnndan kpow le la mala vana le. I dimul-lɔ niaa: «I nɔ dí mì tosa dɛnndan kpow, kɛ i cɛl mì yeemɛi kɛ́-kɛ̀ i siinguu ya cɛ le.»

Nsaŋ 18:14

Kaif kon yɛ, ndóò dimul simlacia Yuifia ni aa: «O co fisa mì vana pilɛ vi le lɛŋnden kpow.»

Nsaŋ 16:7

Kɛ nduyɛ, toɲaa ya co niaa dimullo ni: o co fisa le niaa mì kɔɛ, kani te i koe le, vana ɲɔɔlaa hinnin o niaa lo le, kɛ te i kɔɛ pɛ, i kɔ yɔŋ niaa ndu.

2Korɛntea 8:6

Lelan naa n tɛɛlun Tite ni, mò kɔɛ o niaa lo, mò kɔ hiow laci a vali kɛndɔɔ ho tosaa mɛɛ o kandu ndu yɛ.