2Korɛntea 7:6 - BII BILA

⁶ Kɛ mí Hala, vana ɲɔɔlu vanaa co o mɔnɛi nin-nda-o ɲɔɔlu naa telen Tite hin-ndo.

2Korɛntea 7:6 Referans Kwoze

2Korɛntea 7:13

Lelan naa n sɔla ɲɔɔloo o dɛnndan ndan kpow nin ni. Handɔɔ o kon coo, mí ɲɔɔ hɛnan naa taw le ɲaale Tite dɔwnun a niaa, mó komal naa a kɔlkɛsiaa le biyɔɔ kɛndɛ niaa kpow bii ndu-o.

Yeremi 31:13

O kon cuaambɔa laandua vanin yolan a ɲaaloo, felengia a bɛndua yuuvɛiya dɔawnunnin ɲaale latulu. I minginin mɔnɛi ndɛi ɲaaloo, mì ɲɔɔlu nda. I yɔngunin nda kɔlɲulu bɛndoo o dɛnɛ paalaa kɔɔli.

1Tesalonikea 3:2

O kon mí n vim niaa Timote puapilɛ naa, o co baala Hala-o tosaa naa ndaa le vannda Yoongu kɛndɛ Krista-o tiiyallo-o. Mó cɔɔlu niaa kpaayaa luei, mó luei vɛlɛ niaa yoomuan o laalan niaa nin,

Esai 57:18

I ce nɛila nda co kelaa coo lan, kɛ i singinin nda, i simnin nda laci mì ɲɔɔlu nda mà ɲulul kɔltan, nda a vanaa nda co o dɛnɛ palaa pilɛ kon nin-nda.

Filipea 2:1

Te Krista luei vana yoomuan ni, te o va pɛ maa vana sɔla yoomuan o kaolaa nin, mì Kɔl-Diandaa cuu diom pilɔɔ, te o va pɛ mì ɲííye a kɛndɛi co,

Rɔmnda 15:5

Màá Hala ke vana biuvɔnndo mò ɲɔɔlu vana-o ke niaa kɔl pilɔɔ vellaa-velle le vaa velan Yeesu Krista-o,

Matie 5:4

Dɛnɛ kɛndɔɔ co le vanaa co caŋndo-a, kani a sɔlanin ɲɔɔloo.

Esai 57:15

Kani Ó-Hiow-Ɲɔɔn-Kpow-vo, o calta ndɔlan la co le fɛɛn a fɛɛn-ndo, o diola ndɔlan la co ladiandaa-o soo nuaa ni mó dimi aa: «I co icali o fondala vilɛi-vilɛilan nin coocoo pɔɔli, i connun icali lon o diondɔɔ nin. Kɛ i co vɛlɛ icali naa vana co o mɔnɛi nin-ndo a vana cennun o pɔmbɔ o yiyan-ndɔɔ nin-ndo, haliko mi luei yiyannda vanaa cennun a pɔmbɔ-a yoomuan, mi nɛŋi kɔlta vanaa co o mɔnɛi nin-nda.

Esai 51:12

Ya ni, ya co niaa ɲɔɔloo ni! Nɛ̀ɛ́-nɛ̀ nɔm co yɛ? Le yɛɛ nɛ n co yɛ siòònde yɔŋndo a vanaciee co vuo nɛ? Le yɛɛ n co yɛ siòònde a pulun Adam-ndon? Maa bil daama dɛnɛ vanacieo co ni.

Esai 12:1

«La diminin paale len aa: ‹Éé Mɛlɛka! I co nɔm lisaa. Kani nɔm óò tuulu kɔl a ya, kɛ kɔl nɔm tuwvo ɲulul, má ɲɔɔlu ya.

Nsaŋ 14:16

o kon, i piɛinin Pua, mò ke niaa vana ɲɔɔlaa celen, o vanin niaa ikɛi le lɔ́ɔ́-lɔ́ɔ̀-o:

2Korɛntea 7:7

O co le hunɔɔ ndɔɔ daama le, kɛ le ɲɔɔlu o sɔla niaa o ba-o. Mó cɔm naa mɛɛ niaa nɔ yeemɛi le ya cɔu yɛ, mɛɛ niaa co o mɔnɛi nin yɛ a mɛɛ niaa co a bɛɛndiannda le ya yɛ. Lelan sunsun, i co a ɲaaloo taw.

2Korɛntea 7:14

I lisan bɛɛ ɲɛ-pɔmbɔ ndu o hɔl a niaa o kɔɔ, siɛmbula bii ya le. Maa mɛɛ naa n dimul niaa dɛnndan kpow a toɲaa-e, mí lisan naa n lisan Tite o hɔl-lo siŋnun toɲaa.