Lelan, caaŋaa nia ya kaola taw-va, maa mɛɛ niaa co lɔ́ɔ́-lɔ́ɔ̀ vanaa biyaa isɔɔ-a o dɛnɛ Hala-o nin yɛ, la hiow laci a tosaa lende telen ya co niaa ikɛi-yo, kɛ mì la hiow bɛɛ sɔɛi ndɔɛi biyɔɔ telen ya co niaa tɛɛn too.
Vanaa co o yungu Hala-o nin-nda niaa co ni. Hala hɛli niaa mó kaola niaa. Lelan la va vanaa iɲííya, vanaa ikɛndɛa, vanaa tuisiannda, vanaa kɛndɛa a vanaa biuvannda.
«Te cuavaa-imamaa Efraim-nda ndáà va pɛ sɔɛi, siòònde ndíì bii vannda kpow. Langbaa kɛsun kálàá nda va Israɛl ni. Kɛ má del kasi le sooluu nda sooluu piɔmndo Baal-lo, má sɔla piɔ́mndo.
Ɲɛm mun kpow, ba nuu cɔw mun ni, o kon n mun kpow n va mɛɛ n co yɛ, ya Mɛlɛka co sɔɛi nuaa ni. Tofa vɔ, vana ya landunin hɔlla coo-o, ndu co vana ikɔɔ co o mɔnɛi nin-ndo ni, o co ɲiiyaa a siòònde a sɔɛi nii-o.
Palɛi ndii yáá o kon kɔɔli, mí vanpiaandua fula o tàndá Yuda-o nin-nda a á fula o tàndá Bɛnyamɛn-ndo nin-nda cuungian Yerusalɛm. O paale bidiinndɔlen coo o paangii ŋɔmahiɔɔlundɔɛi nin, mí vannda kpow a kɔ sim o Cɛi-Hala-o sondoo. Má va ɲiiyaa le dɛnɛ kon a le piɔɔ va siaa-o.
Mí lo icali lon lende háá telen nda soli sálà paale delaa-o. Mí vanaa va buulanndo le yamɛi Hala Israɛlla va kiolɔ̀ɔ̀ le yɔŋ vɔɔn vanaa fula kan o biyɔɔ nin-nda tosa kon-ndo-e-a sɔɔnguu ya ikɛi.»
Niaa cɛa, la bii sɔɔn vanaa niaa bɛndua o lɛŋnden coo, mì la ke nda bɛɛlen, mì la nɔ siòòŋii ndɛi. La bii sɔɔn mun a kɔlta niaalan kpow maa mɛɛ niáà tosal nin Krista baalaa yɛ.
Mí ɲííye bii cua velu cɛlɛkpɛ va kon yoomu-o-o, mí kɔllo ɲiiya ndu nin. Mó tɛɛlun masaa aa: «Te lende ni, mɛɛ a dii poombɔɔ le. À yɔngu cuaa ho ndu.» Kɛ mí cuaa pilɔɔ ndu dimi aa: «Ya i cɛl! La kiolu ndu tɛɛn. O kon, nɔm sɔlà lɛ ndu le, ya bɛɛ i sɔlà lɛ ndu le.»
Mí Yosɛf fula a kiltan, kani mɛɛ o ce pɔmbɔ ndɔ, mí mɔnɛi bii ndu, mó nuwviaa fondaa le kɔlan caŋndo, le mɛmɛma va ndu o hɔl-lan tuisio, mó luɛi o cɛi ndɔ lalɔllo nin, mó koŋul.
Telen vialaa tiiya pɛ le vanalanɔɔ, mɔnɛi bii ndu le telen ndɔ tiiya-o, kɛ te o velu pɛ hɔ́ɔ̀, o loonun ndɛ a ɲɛ nɛyaa kei ndu coo-o le. Kani o co va a ɲaaloo le vanaciee yoomaa o velu-o.