2Korɛntea 7:10 - BII BILA

¹⁰ Kani kɔl tambɛi Mɛlɛka cɛ̀l ho mò komal vana-o, ndu tosà ni mì vana kon mangala kela ndɔɔ, ɛɛ nduyɛ mò sɔla cindaa. Lelan, vana tembu kɔl a ndu le. Kɛ kɔl tambɛi ceendo ho ndu, piɔ́mndo o yɔngu vana sɔlaa ni.

2Korɛntea 7:10 Referans Kwoze

Dɛnnda kiilaa 3:19

Lelan, la mangalan, mì la mal yɔŋ vɔɔndo, mì la mulul Hala hɔlla, haliko mo ɲumi hakila niaalan.

Dɛnnda kiilaa 11:18

Mɛɛ nda tuei sɔɔn mun, mí nda kpow a mei, má candu Hala aa: «Mɛɛ Hala cɛl mì vanaa co N'Yuifi le-a bɛɛ mangala kelala ndalan, mà sɔla ciinda kpeekpeiyo.»

2Samiɛl 12:13

O kon mí David dimul Natan aa: «I cua hakio a Mɛlɛka.» Mí Natan dimul David aa: «Mɛlɛka cii nɔm haki malɔɔ le haki kon, a vinin te.

Luke 18:13

Mí vana biyaa muloo ndu sim levil pɔ́, o tiw bɛɛ ba hɔlla cuaa mo tofa o halataala le, kɛ mo va buŋnde lɔɔnɔnndo a dimio aa: ‹Hala, tuinun ya iɲíí, kani vana lahakio ya co ni.›

Luke 15:10

Mì dimul niaa, lende koni mɛlɛkaa Hala-a a dɔawnun ɲaale le vana yɔŋ vɔɔn mal yɔŋ ndɔ vɔɔndo, mò mangalan-ndo ni.»

Yonas 3:10

Telen Hala ce maa Ninivea co mangalanndo, má va dɛnnda ndala vɔɔnndan malɔɔ-o, mó tuinun nda iɲíí le dɛnɛ palaa ndóò kɔngɔlan le nda tuisio coo-o.

Hebreea 12:17

La sínà maa o mɛɛlulan, telen ndóò yeema le duaa sɔlaa fuɲa ndɔ o ba-o, o sɔla fonda le. A caŋ o caŋndo kpow, fuɲa ndɔ tiw lɛ ba diomndo yɛlɛmaa le.

Talelan 17:22

Kɔl ɲaaloo kooma yɔngu kɛndia-an o co ni, kɛ kɔl tambɛiyo ndu, paalan o veesiaa vana ni.

Yonas 4:9

Mí Hala ɲuna ndu aa: «Vɛ̀ɛ̀ a nɔ pá dí ma tuulu kɔl le yɔmndo ho?» Mí Yonas muli aa: «I nɔ dí mì tuulu kɔl háá mì kelun nande.

1Samiɛl 30:6

Mí mɔnɛi bii David taw, kani vannda va ndu kɔngɔlanndo le ndu viiyo a powtan, le mɔnɛi va nda le poaa ndaa a le cuavaa ndaa laandua-e. Kɛ mí Mɛlɛka Hala ndɔɔ luei ndu yoomuan.

2Korɛntea 12:21

I co buulanndo, lɔ́ɔ́ ya kɔanin vɛlɛ niaa yilɔɔ-o, mì Hala tosa mì siɛmbulan la bii ya vɛlɛ le niaa, yɔŋii ya caŋ le vanaa kan, a tosa hakilan o tasendɔ taw, mà va hiovɔɔ laci-a. A kɛɛ kan le dɛnnda nɔɔlɛilan, suundaa a yeemɛi vɔɔnde malɔɔ-a.

Matie 26:75

O kon, mí Piɛr yiyan sɔɛi Yeesu ndóò dimul ndu-e aa: «Lɔ́ɔ́ pá kongillo koova, a vuununnin leyáá maa a sina ya le.» Mí Piɛr fula, mó kɔ caŋ taw.

Yonas 3:8

Naa kpede n bɛnda mì n vownun volɔɔla dɛnɛ palaalan. Mì vana-vana piɛi Hala a kpaaya ndɔɔ kpow, mì vana-vana mangala kela ndɔ vɔɔndo a kɔlvesɛi o co tosaa-o.

Esekiɛl 7:16

Vanaa hialunnin má lo yoomu-a, nda ɲaanunnin má kɔ hel o pembon coo. A vanin ndon maa poonpoŋaa caŋ o bóltan nin-nda, vana-vana vanin somisominndo le tɛɛmbuu ndɔɔ.

Yeremi 31:9

À co hunɔɔ a caŋndan, mì liilaa nda o tɛɛlɔnnda ndalan nin. I kɔanin a nda o peela pɔmbɔla mɛnndan ma co taw lan, mì kei a nda o nɛi co bɛɛn-bɛɛn o kɔlan-ndo, nɛɛ nda boŋnin mà del te-a. Kani fuɲaa ya co le Israɛl ni, Efraim co po ni tasoo ni.»

Talelan 18:14

Vana co a nàá-o nɔ pɛ yiyan kɛndɔɔ, o sɔla yoomuan. Kɛ te kɔl ndɔɔ co pɛ o sangaa nin, nɛ̀ɛ́ mingi yɛnin yoomuan ndu o n'dial?

Talelan 15:15

Vana bala fondoo ndu, palɛi kpow ivɔɔnde i co a ndu ni. Kɛ vana connun o dɛnɛ kɛndɔɔ nin-ndo ndu, lɔ́ɔ́-lɔ́ɔ̀ maa kafo ɲɔɔ va ndu o hɔl ni.

Talelan 15:13

Kɔllo co pɛ a ɲaaloo hɔlla naŋ o tofaa, kɛ te kɔllo co pɛ o sangaa nin yiyan kɛndɛ ve vana le.

1Masaa 21:4

O kon mí Akab muungu o ndu lo cɛinin a mɔnɛi a á kɔl tambɛiyo le dimul Nabɔt Yisrɛeliinɔ dimul ndu aa «I kenin nɔm kɛ́ fuɲaa nia mamaa le»-o. Mó kɔ hini o kpele, mó mingi hɔlla kɔɔli, mó kɛɛ ɲɛdiaa.

2Samiɛl 17:23

Tuma Ahitofɛl ce maa vannda bii sila ndɔɔ loo, mó dovi sofɛlɛ ndɔɔ, mó muungun o ndu lo ciee. Mɛɛ o tiiya, mó congun yungu ndɔɔ, mó kɔ landun, mó vu. Má kumbu ndu o sɛi fuɲa ndɔ-o nin.

2Samiɛl 13:4

Mí Yonadab ɲuna Amnɔn aa: «Le kɔlɔ yɛɛ n co yɛ hiovɔɔ ho laci a ɲawvo idii oo idii nuaa, nɔm po masaa? A dimùl-la le?» Mí Amnɔn mulul ndu aa: «Yeemɛi Tamar-e co ya ni, yemaa Absalɔm puapilɛ ni pɛɛn.»

O Kandɔɔ 30:1

Mɛɛ Rasɛl ce maa o co Yakɔb cua vilul te, mó kandu Lea bɛ ndɔ paŋalaa. Le hee, mó dimul pɔnɔ ndɔ aa: «Yɔngu ya cuawva, yɔŋii ya vu.»

Condii lisai 38:18

I co le ŋɔɔcan, kani sangaa co vɔ ya coo tuŋ.

Vana Kɔlkaloo 7:3

Mɔnɛi co fisa a mamɔɔ. Kani i tosa mì vana yii hɔlla, kɛ ken co fisa le kɔllo ni.

2Korɛntea 7:9

Kɛ sunsun, i co a ɲaaloo, o co le tùú niaa tambu kɔltan-ndo le, kɛ le tùú kɔl tambɛi niaa tosa mí la mangala niinu niaa-o. Kɔl tambɛi niaa sɔla kon-ndo, Mɛlɛka cɛl ni maa i yɔŋnun lende. Lelan o nɛi oo nɛi coo, n tɛɛmbuu ɲɛ-ɲɛ a niaa le.