2Korɛntea 6:9 - BII BILA

⁹ A co yiyanndo maa vannda sínà naa le, kɛ nduyɛ a sínà naa válán, a co naa cɔw maa vanaa vílɛ́i, kɛ nduyɛ n co yoomu ɲɛkɛndɛi. A co naa sangaa tuisio coo, kɛ nduyɛ a co naa diw le.

2Korɛntea 6:9 Referans Kwoze

Rɔmnda 8:36

Maa mɛɛ o sɛvan yɛ aa: «Lepalaa-lepala, a co naa diwvo le sɔɛi nɔmnde. A co naa cɔu maa saa nda co kɔlan le diyɔɔ-a.»

2Korɛntea 11:6

Mì i cee bɛɛ isɔɔ le, kɛ dɛnɛ sinaa co ya lepɛŋ te. N cɔm niaa kon válán o nɛi oo nɛi coo a o dɛnndan kpow nin.

2Korɛntea 4:2

Kani n kɛɛ dɛnnda lasiɛmbula co tosanndo o vionnɔnndo nin-ndan. N co kɔlkalu vɔɔn tosa o dɛnndan nin te, n co vɛlɛ sɔɛi Hala tundɔɔ le. N co vannda toɲa kpeikpeiyo cɔmndo, mì n va kindinndo haliko ma laalan naa Hala o hɔl.

1Korɛntea 4:9

Kani o yiyan nuu nin, naa Hala kɛsi o fonda mɛɛlaa ni, bau o bɛnda mì n sɔla piɔ́mndo. N siŋnun vanaa lɛŋnden kpede co tofaa-a, mɛlɛkaa a vannda kpow bɛɛ a co naa tofaa.

2Korɛntea 5:11

Lelan, n sínà ɲɛ co siòòŋii Mɛlɛka-e nɔu-vo, n co kindinndo le vannda kɔltan mangalaa. Hala sínà naa ɲɛkɛndɛi. Nduyɛ, i laalan maa niaa bɛɛ, kɔlta niaalan bɛɛ la sínà kon.

1Korɛntea 15:31

Puapilɛa nia, piɔ́mndo co ya biondɔɔ lɔ́ɔ́-lɔ́ɔ̀ le tùú ya co lisanndo a niaa o sondo o Maalii naa Yeesu Krista nin-ndo.

1Korɛntea 11:32

Kɛ Mɛlɛka kialunin naa iyama, mò mingi naa o nɛi, o kon n sɔlanin yaalaa a ceendo latulu le.

Rɔmnda 15:19

o kpaaya Kɔl-Diandaa bɛngu ni. Lelan ya sɛŋi Yoongu kɛndɛ Krista-o ɲɛkɛndɛi kandɔɔ Yerusalɛm kɔlan háá o tàndá Iliri-o nin ni.

Dɛnnda kiilaa 25:26

I nɔ sɔɛi kpeekpei ya sɛval masa bɛndoo a ndu o kɔɔ le, lelan ya veelu ndu niaa kpow o hɔl ni, kɛ taama-taama nɔm masaa Akripa, haliko telen naa n ɲunanin ndu-o, mì sɔla ɲɛ pum le sɛvaa.

Dɛnnda kiilaa 25:19

Sɛɛngianndo kínɛí va nda tɛɛn o sɔɛi dina ndaa coo a o sɔɛi langbanɔɔ pum coo ni. Langbanɔ diolan aa Yeesu, o vi mí Pol va dimio maa o co yoomu-o.

Dɛnnda kiilaa 19:26

Nduyɛ, la co cɔu, la co vɛlɛ tueyɔɔ ɲɛ langbanɔ nda veelu kon aa Pol-lo co tosaa-o, o co dimio maa halaa vanndaciee cɔw-va co n'hala le. Nduyɛ, vanaa bɔɔ-bɔɔ a co ndu delɔɔ kɔɔli, o co ko Efɛs nanu le, kɛ vana dimi tuŋ maa o lɛŋnde Asii len nin kpow.

Dɛnnda kiilaa 17:18

Vanaa kɔlkalua del Epikuri nda Stoise kɔɔli-a a pum a va ndu sɛɛngiaa. Mí a pum a va ɲunaa aa: «Yɛɛ vana tombolaa ho yeema yɛ dimio?» Mí a pum nda dimi aa: «Bɔɔle a halaa mialla o kɔɔ o co sɔɛi nuaa ni.» Le tùú nda tuei Pol sɔɛi a Yoongu Kɛndɛ Yeesu-o o kɔɔ a á tendul ndɔɔ fulaa vanvílɛ́iya tɛɛn-ndo o kɔɔ-o nda va dimio lende ni.