2Korɛntea 6:7 - BII BILA

⁷ a sɔɔn toɲan vannda dimullo a o kpaaya Hala-o nin. A sɔɔn dɛnɛ sandan naa n co vannda cɔlɔbaa ni, mì n va vɛlɛ cɛvɔnndo a mun.

2Korɛntea 6:7 Referans Kwoze

2Korɛntea 4:2

Kani n kɛɛ dɛnnda lasiɛmbula co tosanndo o vionnɔnndo nin-ndan. N co kɔlkalu vɔɔn tosa o dɛnndan nin te, n co vɛlɛ sɔɛi Hala tundɔɔ le. N co vannda toɲa kpeikpeiyo cɔmndo, mì n va kindinndo haliko ma laalan naa Hala o hɔl.

2Timote 2:15

Kindin mà cɔmnun Hala o hɔl maa vana baala fula kɔlɔ loo, o siɛmbula bii loo, mà va sɔɛi toɲɛi dimio.

Nsaki 1:18

O velu naa a sɔɛi toɲɛi mɛɛ hɛnan ndɔɔ co yɛ, haliko mi n va vanaa tasea o ɲɛm o cɔw-von tɛɛn.

2Timote 4:7

I kindi a labɛɛla, mí tiindan Mɛlɛka, i cii vali va le ya-o tosa, mí kindin, mí lo o laalanndo coo.

1Tesalonikea 5:8

Kɛ naa co le paalen-nda, n biinùn kɔlta naalan. N nɔnnùn laalanndo a kaolaa mɛɛ vana vownun mɔsil cɔwvo nuaa yɛ, mì n nɔnnùn tiindanndo le cindaa mɛɛ vana vownun mɔsil cɔwvo nuaa yɛ.

Efɛsea 3:20

Màá Hala co dɛnnda bɛndulan tosaa, mò va bɛɛ hiovɔɔ piɛile naalen a yiyannda naalan coo mɛɛ kpaaya ndɔ co naa nin-ndo co yɛ-o, sɔla biiloo vanaa laalannda tɛɛn a Yeesu Krista o kɔɔ o telenndan kpow nin a le fɛɛn a fɛɛn! Amiina!

2Korɛntea 13:4

I co toɲa, maa lɔ́ɔ́ nda baŋ ndu o yɔm singafilaa coo-o, oo nɔ mayoomu le. Kɛ sisa, o co yoomu o kpaaya Hala-o bɛngu. Lende koni naa bɛɛ n co ni, n nɔ mayoomu le, kɛ n co yoomu o ndu nin o kpaaya Hala-o bɛngu.

Efɛsea 1:13

Telen niaa bɛɛ tuei sɔɛi toɲɛi-yo, Yoongu kɛndɛ yɔngu niaa cindaa-o, mí la laalan Krista. O kon mí Hala hol niaa pondalen lɔ́ɔ́ o yɔngu niaa Kɔl-Diandaa o yiilu niaa kpemaa-o.

2Korɛntea 7:14

I lisan bɛɛ ɲɛ-pɔmbɔ ndu o hɔl a niaa o kɔɔ, siɛmbula bii ya le. Maa mɛɛ naa n dimul niaa dɛnndan kpow a toɲaa-e, mí lisan naa n lisan Tite o hɔl-lo siŋnun toɲaa.

Condii lisai 119:43

Soli ya sɔɛi nɔmii toɲɛi o sondo le, kani i laalan tɔŋnda nɔmndan.

Hebreea 2:4

Mí Hala pila tɛnda seile toɲale ndalen o dɛnnda kaamaalan a o dɛnnda kɔndɔfilta súú-súù ka nda va tosaa lan nin, a mɛɛ nda va valta kɔltan sɔlaa mɛɛ ndóò hɛnan Hala yɛ.

Kolɔsea 1:5

Sɔɛi toɲɛi tiiya o niaa lo, sɔɛi co Yoongu Kɛndɔɔ-e pɛɛn, mí la sina ɲɛ Hala co niaa mandallo o halataala-o. O tiindan kon coo laalan niaa a kaola niaa kɛsu tumndo ni.

Efɛsea 4:21

I laalan maa vannda dimul niaa sɔɔn Yeesu-on, mí la pɛɛku toɲa co o sɔɔn mun nin-ndo.

1Korɛntea 1:24

Kɛ le Yuifia a le vanaa co N'Yuifi le-a, Krista co kpaaya Hala-o a kɔlkalu ndu Hala-o ni.

Dɛnnda kiilaa 11:21

Kpaaya Maalii-o va nda coo, mí vanaa bɔɔ-bɔɔ laalan, má cɛl Yeesu o kɔlta ndalan nin.

Marke 16:20

Má kɔannun a sɔɛi Hala-e dimio nɛɛ-nɛɛ ka. Yeesu va latulu a nda o baala kon nin, mó va nda kpaayaa keo le dɛnnda kaamaalan tosaa. Cɔmndo va kon ni maa toɲaa kaandennda va dimio ni.]

Esai 59:17

O vownun dɛnɛ sandaa maa doma cɔw icilin, o handun mɔsil cindaa o lebol mulaa, o vownun volɔɔla mingiaa màá lan maa doma lebɛngu, o vownun dialun fulan mɛɛ vana simbulun o doma bɛndu lecoo nin yɛ.

Esai 11:5

Dɛnɛ sandaa vanin yáwle ndɔle sayiannden ni, toɲaa vanin yáwle ndɔle kandan o caŋ-nden ni.

Talelan 3:16

Yoomu vilɛiyo co kɔlkaloo o ba kɛndɔɔ nin, bolofaa a biiloo co ndu o ba mɛllo nin.

Fulaa 14:22

Mí Israɛlla toal o pee kɔ́llo, pee kalaa vannun o vesɛi sɛ́ɛ́n. Mí mɛnndan ma siŋnun yɛ́ndɛ́lan maa lakpaki o ba mɛl ndaa a o ba kɛndɛ ndaa coo.

2Korɛntea 2:17

N co maa vanaa pum te, a co yulalen tosaa a sɔɛi Hala-e a. Kɛ naa naa, le tùú Hala vem naa-o naa n co sɔɛi a toɲaa ndu Hala o hɔl o Krista nin ni.