2Korɛntea 6:6 - BII BILA

⁶ N co cɔmndo maa vanaa baalaa Hala-a naa n co ni: a diondɔɔ naa n dendu-o, dɛnɛ sinaa naa, biuvɔnndo naa, vili naa kɛndɔɔ, Kɔl-Diandaa co naa vallo nin-ndo, a o kaola kpeekpei naa n nɔ-o nin,

2Korɛntea 6:6 Referans Kwoze

Kolɔsea 1:27

Kani Hala ndóò yeema le nda sɔɛi viannaŋii ken cɔmndo, sɔɛi sɔvɛi kɛndɛi bɛnduei, i toosian le vanaa-mangalaa-isɔɔa kpow malaa-e. Sɔɛi viannaŋii ken co hee ni: Krista co niaa nin, mò va niaa kɔlkɛsiaa keo maa la vanin o biilu Hala-o nin.

Efɛsea 4:32

La va vanaa kɛndɛa, mì la kaolian vellaa-velle. La malnan lahaki maa mɛɛ Hala mal niaa haki o Krista nin yɛ.

Efɛsea 4:2

La tuisin o dɛnndan kpow nin mì la va vanaa súú kɛndɛa, mì la biwnun. La biwnan vellaa-velle o kaolaa nin.

Kalatea 5:22

Kɛ kulii Kɔl-Diandaa koam-nde co kaolaa, ɲaaloo, kɔlɲuloo, biuvɔnndo, vanakɛndɛyɛi, kɛndɛi, lou o diomnden coo,

Kalatea 3:5

Hala ke niaa Kɔl ndɔɔ mò va dɛnnda kaamaalan tosaa niaa tɛɛn. Mò va maa le mɛɛ niaa co tɔŋndan biyɔɔ yɛ o tosal niaa ken ni baa le mɛɛ niaa tuei mì la laalan Yoongu kɛndɔɔ yɛ?

2Korɛntea 12:15

Lelan, ɲaaloo co ya o kɔl taw, mì pisi ɲɛ-ɲɛ ya nɔ le niaa, hali ya pila i pisin bɛɛ le yoomula niaalan. Te i kaola niaa pɛ kaola vaa lende, vɛ̀ɛ̀ mì niaa kaola ya ɲɛ-pɔmbɔ?

2Korɛntea 11:11

Le yɛɛ ya co yɛ ken dimio? Bàà mò va maa i kaola niaa le? Hala sínà maa i kaola niaa.

2Korɛntea 11:6

Mì i cee bɛɛ isɔɔ le, kɛ dɛnɛ sinaa co ya lepɛŋ te. N cɔm niaa kon válán o nɛi oo nɛi coo a o dɛnndan kpow nin.

2Korɛntea 11:4

Kani vana pum co hunɔɔ o niaa lo, mò hun dimul niaa sɔɛi Yeesu celen, Yeesu o naa n dimul niaa sɔɛi ndɔ loo, mì la cɛl kɔl celen, faŋanndo o kɔl diandaa naa n cɔm niaa-o coo, mì la cɛl yoongu celen, faŋanndo o Yoongu kɛndɛ niaa sɔla naa o ba-o coo. Nduyɛ, la co kon cɛlɔɔ ɲɛkɛndɛi.

2Korɛntea 7:2

La kumbil naa kɔlta niaalan, kani n tosal vana-vana dɛnɛ vɔɔn te, n tɛɛmbuu vɔ vana-vana le, n soli vana-vana tɔnɔ o n'dial te.

2Korɛntea 4:6

Kani Hala dimi aa: «Ɲɛ-tengaa vanin ɲumndan teengiaa». Nduyɛ, ndu yɔngu naa pangeloo o lakɔl le biilu ndɔɔ sinaa ni, biilu co diondɔɔ Krista o hɔl-lo.

2Korɛntea 3:3

La co cɔmndo maa sɛbɛ fula Krista o ba-o niaa co ni, o fula o baala naa nin-ndo pɛɛn. O sɛvan a malankili le, kɛ a Kɔl-Diandaa Hala nɔ yoomoo o ba-o. O sɛvan o powta yɛ́ndɛ́lan coo le, kɛ vanndacieea o lakɔl.

2Korɛntea 2:4

Lende koni, a kɔl tambɛiyo taw a á siòònde ya sɛval niaa ni, mɛmɛan ma va ya o hɔl taw-taw. Nduyɛ o co le niaa lakɔl tɛɛmbuu le, kɛ haliko mi la sínà kaola bɛndu ya kaola niaa-o.

1Korɛntea 13:4

Biwnɔnndo kaolaa biwnun ni, o nɔ kɛndɛi, o paŋala le, o kuundian te, o pe a yonga le,

1Korɛntea 2:16

Kani o co o sɛvaa aa: «Ɔ́ɔ̀ vana sínà yiyannda Mɛlɛka lan-ndo? Ɔ́ɔ̀ vana nɔlà mo cɔm ndu dɛnɛ sinaa-o?» Kɛ naa naa, kɔlkalu Krista-o naa n nɔ ni.

Rɔmnda 12:9

Kaolaa bɛnda mò va a muulɔnndo le. La kpakpala dɛnɛ vɔɔndo, mì la kaola dɛnɛ kɛndɔɔ.

Esekiɛl 33:31

A co hunɔɔ sɛ́lɛ́ bɛndoo fili-fili o nɔm ndo, vanaa niaa kan pɛɛn, a co hunɔɔ calle nɔm o hɔl. A co nilan yaŋɔɔ o sɔɔn nɔmndon, kɛ a co kela lecoo le, kani a sondo yeelaa koni nda co sɔɛi ni, kɛ o kɔlta ndalan nin, tɔnɔ nda pila-o daama nda co nuwviaa ni.

Masaa kialaa n'yamaa 16:15

Mí Dalila ɲuna ndu aa: «Yee hoo n co dimio ni aa a kaola ya? A laalan ya le. Tofa vɔ, bɛmbɛ leyáá co nin hoo ni, a co ya huiyo, ma kɛɛ le ya ɲɛ yɔngu nɔm yoomuma bɛnduan man-ndo cɔmndo.»

1Nsaŋ 3:18

Cuavaa nia, n cɔmnùn kaola naa a lasondo a á lediɛɛmu daama le, kɛ n cɔmnùn ndu o dɛnndan a o toɲaa nin.

1Piɛr 1:22

La cii kɔlta niaalan dindi o sɔɛi toɲɛi biyɔɔ nin, haliko mi kaolian kpeekpeiyo va niaa tɛɛn. Puapilɛa nia co ni, lelan la kaolian vellaa-velle a kɔltan kpow,

1Timote 4:12

Cɛ̀l mì vana-vana kelun nɔm yii le mɛɛ n co langbanɔ felengoo yɛ le, kɛ va tɔɔmaseloo le vanaa laalannda o sɔɛi sondoei nin, o dɛnndan nin, o kaolaa nin, o laalanndo nin a o dindinndo nin.

1Tesalonikea 2:10

La co lesei, Hala bɛɛ co lesei maa n kela kela diandaa, kela sandaa a kela yaalan too niaa vanaa laalannda kpow tɛɛn.

Kolɔsea 3:12

Vanaa co o yungu Hala-o nin-nda niaa co ni. Hala hɛli niaa mó kaola niaa. Lelan la va vanaa iɲííya, vanaa ikɛndɛa, vanaa tuisiannda, vanaa kɛndɛa a vanaa biuvannda.

Efɛsea 3:4

Nduyɛ, te la va pɛ sɛbɔɔ ho tofaa, la sinanin kɔlkalu ya sɔla o dɛnɛ viannan Krista-o nin-ndo.

Kalatea 3:2

La mulul-lɔ ya sɔɛi ya co niaa hee ɲuna-e: Mò va maa le tɔŋnda niaa co biyɔɔ lan niaa sɔla Kɔl-Diandaa ni baa le Yoongu Kɛndɛ niaa tuei mí la laalan-ndo?

1Korɛntea 2:4

Sɔɛi nii a pɛɛku nuu ve fula o kɔlkalu ivanacieeya nin a o sɔɔn bii vana kɔllo-on nin te. Kɛ kpaaya Hala Kɔl-Diandaa tosa ni mí kon yɔŋnun,

Rɔmnda 15:19

o kpaaya Kɔl-Diandaa bɛngu ni. Lelan ya sɛŋi Yoongu kɛndɛ Krista-o ɲɛkɛndɛi kandɔɔ Yerusalɛm kɔlan háá o tàndá Iliri-o nin ni.

1Piɛr 1:12

Mí Hala cɔm vanaa-tɛɛngaa-diom Hala-a maa yoongu nda va tɛɛnguo-o ve le nda pila le, kɛ le niaa. Yoongu kon vanaa hiviaa Yoongu kɛndɔɔ a tiiyal niaa nihau nuaa ni, má dimi ndu a kpaaya Hala Kɔl-Diandaa fula o halataala-o. Hali mɛlɛkaa bɛɛ a yeema mà sina sɔɛi ken.

Tite 2:7

Nɔm pila cɔm tɔɔmaseloo o dɛnnda kɛndɛlan tosaa nin, mì pɛɛku nɔmndo dendu, mò va pɛɛku kpeekpeiyo.

2Timote 4:2

tiiyal vannda sɔɛi Hala-e. Dimul nda ndi o telenndan kpow bɛngu, o va telen kɛndɛ, o va telen vɔɔn, soo vannda mà cɔm tɛɛmbuulan, mà luei nda yoomuan, mà biwnun, mà biwnun pɛɛkoo lɔ́ɔ́-lɔ́ɔ̀.

2Timote 3:10

Kɛ nɔm Timote, a bii pɛɛkula nilan bila, a sínà niinu nuu, a sínà dɛnnda ya tuwnun o kɔltan, laalan nuu, biuvɔn nuu, kaola nuu, a mɛɛ ya sim yili o tiindan nuu coo yɛ,

1Timote 5:2

mà ce vanlaandua kaasonnda maa kala nɔm, mà ce vanlaandua felengia maa yeemaa nɔmnda, mà dendu nda o hɔl o nɛilan kpow coo.

Kolɔsea 2:3

O ndu nin kɔlkaloo a dɛnɛ sinaa kpow vennun ni.

1Korɛntea 12:8

Vana pum, mì Kɔl-Hala-o ke ndu sɔɔn kɔlkalon dimio, o pilɔɔ sɔɔn dɛnɛ sinaan mɛɛ Kɔl-Diandaa pilɛ kon co yɛ.

2Korɛntea 1:23

Hala co ya lesei, te i dimi pɛ còòlan, mɛɛ i sɔla piɔ́mndo! Le niaa solio o sangaa nin ya kɛɛ muungu Korɛnte ni.

2Korɛntea 2:10

Te la mal pɛ vanndo haki le tɛɛmbuu o tɛɛmbuu-o, ya bɛɛ i mal ndu haki. Kani o kɛ́-kɛ̀ ya mal pɛ haki, i mal ndu haki le niaa Krista o hɔl,

2Korɛntea 13:10

I co niaa sɛbɔɔ ho sɛval a hɔlta kalalan, haliko lɔ́ɔ́ ya kɔanin o niaa lo-o, i soaa o niaa lo a hɔlta kala le kpaaya Mɛlɛka ke ya-o le. Kani kpaaya kon, le kunda niaa hivio laci o co ni, kɛ o co le ndu tɛɛmbuu le.

Nsaki 3:17

O diandaa kɔlkalu fula coocoo-o co vɔ fɔlɔn ni, o kon kɔɔli kɔlkalu kɔlɲuloo a kɔlkalu fɛ́ɛ́-fɛ́ɛ́o, o kindù tɛɛlɔn te, o pɛ a ɲííye a kɔmnde kɛndɛlen, o hiyàn vannda le, o muulun te.