2Korɛntea 6:5 - BII BILA

⁵ Vannda lɔɔ naa, má mal naa o kaasoolan. Mí vanaa pum a del naa coo. N tosa baalala kálà-kálàlan, má lɔli naa lahɔl, má tuŋ naa ɲɛdiaa.

2Korɛntea 6:5 Referans Kwoze

2Korɛntea 11:27

I sanga, mí yɔkpa, i va lɔan lahɔl telenndan lapum, yiaan a bolole vesɛilen le va ya palaa. Lɔ́ɔ́ lepum, i va sumndo biyɔɔ, hoeiye va ya biyɔɔ, i va a fɛ́lio.

Dɛnnda kiilaa 17:5

Kɛ mí paŋalaa can Yuifia tɛɛn. Le hee, má kei vanaa kelannda nuwviaa o nɛilan coo, má luɛi nda nin, o kon mí vɔkɔ-vɔkɔɔ can o kobi kon nin. Má kɔa o Yasɔn ndo cɛinin le Pol nda Silas nuwviaa, ndáà yeema mì ndáà kɔɛ a nda sɛ́lɔ́ɔ́ o hɔl.

Dɛnnda cɔɔmuanndan 2:10

Siòòŋii bii nɔm le sanga n hun sɔlanin-ndo le. Masa ɲinaa vɔɔnda malnin vanaa pum niaa tɛɛn o kaasoo le niaa kɔlɔɔ solio, mì la sɔla sangaa le palɛi tɔ́. Lo o nɛiyo coo háá ma vi, i yɔngunin nɔm mɔsil yoomaa.

Hebreea 13:23

La sínà maa Timote puapilɛ naa sɔla malɔɔ. Te o yala pɛ tiiya nanu, n kɔanin niaa yilɔɔ naa ndu.

Hebreea 13:17

La bii diomnda simlacia niaa mì la tuisin nda o labɛngunin. Kani a nɔ niaa hɔlten coo le kona nda hun dɔawnunnin o Hala lo-o. Lelan te la tuei nda pɛ diom, a tosa baala ndaa a ɲaaloo, o ve a cɛɛŋɔn te, la sɔla mala oo mala o ken nin te.

Hebreea 11:36

Má mam a tiŋ, má lɔaa nda, má baa a pum yɔlɔn, má vow nda o kaasoo.

2Timote 4:5

Kɛ nɔm nɔm, va vana taasio o dɛnndan nin kpow, mà biwnun sangalan, mà tiiyal vannda Yoongu Kɛndɔɔ, mà tosa vali n nɔ le tosaa-o maa vana baala Mɛlɛka-o.

2Timote 2:9

Le Yoongu Kɛndɛ kon ya co sangaa sɔlaa nuaa ni, mì va vɛlɛ o yɔlɔn maa vana tɛɛmbuu dɛnɛ pum-ndo. Kɛ sɔɛi Hala-e co i yiyaa le.

2Timote 1:8

Lelan, siɛmbula bii nɔm le seile Maalii naa timbio vannda o hɔl te, siɛmbula bii nɔm vɛlɛ a ya co hoo o kaasoo-o le. Kɛ cɛl mì n sanga latulu le Yoongu Kɛndɔɔ o kpaaya Hala-o bɛngu.

1Timote 4:10

Lelan, te n co pɛ baalaa mì n va sangaa taw, le tùú naa n tiindan Hala nɔ yoomoo o ba-o ni, o co vana ciindiaa le vannda kpow-vo, kɛ taama-taama vanaa laalannda.

1Tesalonikea 2:9

Puapilɛa naa, la yiyan ndɔ mɛɛ naa n tosa baalaa mí n sanga taw yɛ: n va vallo idii a icɔl telen naa n va niaa Yoongu kɛndɛ fula Hala o ba-o tiiyallo-o yɔŋii naa n va o ba pila bɛngu.

Filipea 1:13

Kani simlacia kɛ́-kɛ̀ co o cɛi lemasaa nin a à tɔ̀a kpede a sínà nin maa le baala Krista ya co tosaa-o ya co o kaasoo nuaa ni.

Efɛsea 3:1

Lelan, ya pol, ya co hoo o kaasoo le vali Yeesu Krista ya co tosaa le niaa vanaa-mangalaa-isɔɔa-o, i co Hala piɛiyo le niaa.

1Korɛntea 15:10

Kɛ nduyɛ, kɛndɛi Hala-e tosa ni mì va mɛɛ ya co nuaa yɛ, kɛndɛi o tosal-la ken-nde i yɔŋnun fúú le. Kani i tosa vallo hiovɔɔ kiilaa kan kpow coo, o co ya pila le tosa vali kon te, kɛ kɛndɛi Hala-i co ya coo-e.

1Korɛntea 7:5

Pɔnɔɔ a lanɔɔ bɛnda mà kɛyan cɛinin te, fɔ dɔ́ɔ́ ma cɛlan le telen bingi cuaa le piɛilen. Kɛ nduyɛ, te telen kon cuu dɔ́ɔ́ pɛ, a muungu diom pilɛ, yɔŋii Setana tɔɔndan nda, kani a tiwnin kɔlta ndalan ba le.

1Korɛntea 4:11

Háá telenndo ho, yiaan ma co naa nɛiyo, kolɔɔ bii naa, n nɔ volɔɔla cuɛinan te, a co naa lɔɔ, a co kɔlan a naa nɛɛ-nɛɛ ka.

Dɛnnda kiilaa 28:30

Vɔsilan tan tiɔn Pol cii o cɛi o va salaa-o nin ni. Lon vanaa va ndu hunɔɔ yilɔɔ-a va ndu komallo ni.

Dɛnnda kiilaa 26:29

Mí Pol muli aa: «O va le telen bingi, o va vɛlɛ le telen vilɛi, i co Hala piɛi, haliko mi nɔm a vanaa co ya diom tueyɔɔ hau-va kpow siŋnun maa ya, o co mɛɛ ya co o yɔlɔn nuaa yɛ le dɛ!»

Dɛnnda kiilaa 26:10

Ɲɛ ya tosa Yerusalɛm-ndo yɔŋnun kon ni. I mal vanaa laalaŋaa bɔɔ-bɔɔ o kaasoo. Nduyɛ, bolii vanaa-solia-lasálàá ndáà ke ya di kon ni, te ndáà va vɛlɛ pɛ yamɛi ndɛi kiolɔɔ le nda diyɔɔ, yáà cɛl.

Dɛnnda kiilaa 24:27

Vɔsila tiɔn o kon kɔɔli, mí Pɔrsius Fɛstis muungu masa-ibungaa o fonda Felisi-o. Kɛ le tùú Felisi ndóò yeema ndu pila siingɔɔnndo vana kɛndɔɔ Yuifia o hɔl-lo, mó mal Pol o kaasoo.

Dɛnnda kiilaa 23:35

mó dimul ndu aa: «Lɔ́ɔ́ vanaa co nɔm sɔɔn hɛɛnduuo coo-a hunnin-ndo, i co nɔm ɲuna.» Mó dimul vannda le Pol mandaa o cɛi lemasa Herɔde-o nin.

Dɛnnda kiilaa 23:10

Mɛɛ sɛɛngianndo tuulu kpɛikpɛi, mí siòònde bii simlacinɔ simlacia vanaa cɔwva kɛmɛa yɔŋii vannda ndáà sɛɛsiaa Pol. Le hee, mó dimul vanaa cɔvaa ndɔa maa a luɛi sɛ́lɔ́ɔ́ tɛɛn, mà soli Pol a kpaayaa le ndu mingio o kpakio nin.

Dɛnnda kiilaa 20:31

Lelan, la va lahɔl mì la loonun maa vɔsilan tan yáá co hoo ni, niinoo a lɔan, i va niaa kanalanndo, hali a mɛmɛan o hɔl.

Dɛnnda kiilaa 14:23

O kunda vanaa Hala-a kɛ́-kɛ̀ nin, má kɛsi simlacia, má piɛi Hala, má bii sumndo, má sɔaa nda Mɛlɛka nda laalan-ndo o ba.

Dɛnnda kiilaa 14:19

Mí Yuifia pum a can Antiɔs a Ikoniɔm, má muluti sɛ́lɔ́ɔ́. Má vii Pol a powtan, má sasu ndu o kobio kɔɔli, a va yiyanndo maa o vi.

Dɛnnda kiilaa 13:3

O kon, ndáà ciiyo sumndo biyɔɔ a Hala piɛiyo, má handu nda balan coo, má mal nda kɔlan.

Dɛnnda kiilaa 5:18

O kon má bii kiilaa kalaa, má kinda nda o cɛi kaasu lelɛŋndo nin.

Matie 14:10

Mó viam vanndo le kɔlan Nsaŋ bollen kiolɔɔ nɛɛ o va o kaasoo-a.

Matie 14:3

Kani Herɔde ndóò bii nin Nsaŋ, mí ndóò baa ndu yɔlɔn, mí ndóò mal ndu o kaasoo le sɔɛi Herodiade lanɔɔ Filipe puapilɛ ndu Herɔde-e.

Matie 9:15

Mí Yeesu mulul nda aa: «Mialaa hin vana yil lanɔɔ sɛnɛi-yo o bɛngu coo-a nɔla pá mà yii hɔlla, te vana yil kon lanɔɔ sɛnɛi-yo co vɔ pɛ nda tɛɛn? Telen vanin mà faŋa ndu nda tɛɛn, o kon nda biinin sumndo ni.

Esekiɛl 3:17

«Po vanacieo sei, i siinguu nɔm kpalilnɔɔ cuavaa Israɛlla coo. Nɔm, a yaŋ pɛ nilan o sɔɔn vanin fulaa ya o sondo-on, a kɔ hiw mun nda o lani o vomɔɔ nuu bɛngu.

Yeremi 38:6

O kon má bii Yeremi le ndu viovɔɔ o soon mamɛn Malkiyahu po masaa-o nin. O falii cɛi kaasoo soon kalaa va ni, má tuisi Yeremi lenin o yoei. Mɛmma ve o soon kalaa nin te, kɛ loolio va lenin, mà tuisi Yeremi o looli kon nin.

Yeremi 33:1

Yeremi va vɔ o biyɔɔ nin o bɛ́ɛ̀ cɛi kaasoo, mí Mɛlɛka soaa o ndu lo o diinndɔɔ aa:

Esai 53:5

Kɛ nduyɛ le yɔŋnda vɔɔnda naalan nda buuluu ndu ni, le tɛɛmbuula naalan nda ciimiaa ndu ni, mí sanga ke naa kɔlɲuloo-o toal ndu coo, le fungbula ndɔlan naa n sengu ni.

2Dɛnnda lemasalan 16:10

Mí Asa tambu kɔl taw a vana-tɛɛngaa-diom Hala-o le sɔɔn o dimi mun-ndon. Mó bii ndu, mó mal ndu o kaasoo. Mó saangiaa vannda pum taw o telen kon bɛngu.

1Masaa 22:27

ma kɔ dimul nda aa ya laa a mal ndu o kaasoo, mà va ndu baloo dɔvɔɔ a buloo a á mɛnndan daama. A vá tosaa lende háá telen ya fulanin o cɔwvo mì muungu nanu kɛndia a kɔlɲuloo-o.»

Tɔŋ miingua 25:3

A nɔla ma lɔɔ ndu háá belehiɔɔlu, kɛ a hiaw lɛ o kon coo le. Kani taa hiow nin pɛ o kon coo, la dɔw puapilɛ niaa kon yɛɛvɛ, o tambu labɛɛ niaa o hɔl.»