2Korɛntea 6:16 - BII BILA

¹⁶ Ɔ́ɔ̀ bɛnda co Cɛi-Hala-o nda piɔmnda tɛɛn-ndo? Kani naa co Cɛi-Hala kiyɛiyo ni, maa mɛɛ Hala pila dimi yɛ aa: «I vanin niaa tɛɛn, mì kela niaa tɛɛn, i vanin Hala niaa mì niaa va cuavaa nia.»

2Korɛntea 6:16 Referans Kwoze

Dɛnnda cɔɔmuanndan 21:3

Mí tuɛi diom bɛndoo pum fulaa a ba kpɛŋɛ lemasaa aa: «La tofa vɔ Cɛi-Diandaa Hala-o vanndacieea tɛɛn! O vanin nda tɛɛn, a vanin vanaa ndɔa, mì Hala pila va a nda latulu.

Fulaa 29:45

I kɛsinin calta nilan Israɛlla tɛɛn, mì va Hala ndaa.

Hebreea 8:10

Kani kpema va naa tɛɛn naa cuavaa Israɛlla-o va hoo ni aa: ‹Palɛi ken hiow pɛ, i vownin tɔŋnda nilan nda nin, mì sɛva vɛlɛ lan nda o lakɔl. I vanin Hala ndaa, mì nda va vanaa nia.

Tɔŋ lasálàá 26:12

I vanin kelaa niaa tɛɛn, i vanin Hala niaa, mì niaa va vanaa nia.

Yeremi 32:38

A muungunin mà siŋnun vanaa nia, mì ya i va Hala ndaa.

Esekiɛl 11:20

haliko mi la kela o silala nilan coo, mì la bii tɔŋnda nilan, mì la kela lecoo. O kon la vanin vanaa nia, mì ya i va Hala niaa.

Yeremi 31:33

Mɛlɛka dimi aa: ‹Kpema va naa tɛɛn naa Israɛlla-o va hoo ni maa te palɛi ken hiow pɛ, i vownin tɔŋnda nilan nda nin mì sɛva vɛlɛ lan nda o lakɔl. I vanin Hala ndaa mì nda va vanaa nia.

Yeremi 24:7

I kenin nda sinapɛngoo, mà bii bila maa ya co Mɛlɛka ni. A muungunin ya o ibuŋ a kɔlta ndalan kpow. O kon a vanin vanaa nia, mì ya i va Hala ndaa.

1Korɛntea 6:19

La sínà le maa dialun nian n co Cɛi-Mɛlɛka Hala Kɔl-Diandaa ni, o co niaa nin-ndo pɛɛn, o niaa sɔla Hala o ba-o? La co a ba niaa le.

Osee 2:23

Mɛlɛka dimi nuaa ni aa: «Paale len, i mulinin piɛilen. I mululnin halataala piɛilen, mì halataala mulul lɛŋnden piɛilen,

Rɔmnda 8:11

Te Kɔl vana tindi Yeesu fulaa vanvílɛ́iya tɛɛn-ndo co pɛ niaa nin, vana tindi Krista fulaa vanvílɛ́iya tɛɛn-ndo tosanin vɛlɛ mì dialun niaan vu-on muungu yoomu le Kɔl ndɔ co niaa nin-ndo.

Dɛnnda cɔɔmuanndan 21:7

Ɲɛ vana nɔlanin-ndo sɔlanin kɛ́ɔ-vo co hoo ni: I vanin Hala ndɔɔ, mì ndu va po nuu.

1Nsaŋ 4:15

Vana sɔlɔlan pɛ maa Yeesu co Po Hala-o ni, mɛɛ Hala co vana kon o kɔl, mì ndu va o Hala nin.

Sakari 8:8

I co nda faŋa lon mì mingi nda nanu, mà hun cal Yerusalɛm ciee. A vanin vanaa nia, mì ya i va Hala ndaa o toɲaa a o sandei nin.

Sakari 13:9

I lueinin kunda yàándɔ lonin kon-ndo o yinnden nin, mì dindi ndu mɛɛ vana dindi volii humbuei yɛ. I dindinin ndu mɛɛ vana dindi sianiei yɛ. Vanaa kan a pialnin diola nilan o piɛilen nin, mì mulul nda. I diminin aa: ‹Vanaa nia co haa ni.› O kon nda bɛɛ diminin aa: ‹Mɛlɛka co Hala naa ni.›»

Efɛsea 3:17

haliko mi Krista cal niaa o lakɔl o laalanndo nin. I co vɛlɛ ndu piɛi mì la luei puundon, mì la sim yili o kaolaa nin,

Esekiɛl 36:28

La calnin o lɛŋnde ya yɔngu (sindɛ) fuɲaa niaa mamaa len nin. La vanin vanaa nia, mì ya i va Hala niaa.

Nsaŋ 6:56

Vana de pɛ dialun nun mò kol kooma nian, ndu co ya nin, mì ya i va ndu nin.

Hebreea 3:6

Kɛ sunsun, Krista yɔŋnun po tosa vallo o sandei nin-ndo, ndu co Cɛi-Hala-o bollen ni. Te n lo pɛ kɔllo kɛsio o laalan naa n tiindan-ndo coo, mɛɛ naa n co cɛi ndɔ kon ni.

1Piɛr 2:5

Niaa bɛɛ, la va maa powta kiyɛi, mì la sɔla luɛyɔɔ o tangul cɛi Kɔl-Diandaa nin, mì la va vanaa-solia-lasálàá diandaa, le sálàla kɔltan solio, la hɛnan Hala o Yeesu Krista nin-ndan,

2Timote 1:14

Manda ɲɛ kɛndɛ yɔngun nɔm le mandaa-o, Kɔl-Diandaa co naa nin-ndo co nɔm mala mì manda ndu.

1Nsaŋ 4:12

Kabi bɛɛ vana ci vɔ Hala le. Te n kaolian pɛ vellaa-velle, Hala co naa o lakɔl, mì kaola ndɔɔ co o tiuvan naa nin sɔ́.

Rɔmnda 9:26

O kon hali nɛɛ nda va nda dimullo aa ‹La co vanaa ni le›-a, a veelunin nda lon aa: ‹Cuavaa Hala yoomaa.›»

Esekiɛl 43:9

Sunsun nin, a faŋanin suundiaala ndalan a masaa ndaa vu-a ya ikɛi few-few. O kon, i calnin nda tɛɛn le fɛɛn a fɛɛn.

Rɔmnda 8:9

Kɛ niaa niaa, la co lɛ o n'falu nin te, kɛ o kɔllo nin niaa co ni, te o va pɛ maa Kɔl Hala-o co niaa nin. Te vanndo nɔ Kɔl Krista-o nin te, mɛɛ ndu co o ndɔ le.

Esekiɛl 43:7

Mó dimul-la aa: «Po vanacieo sei, fonda kpɛŋɛ ni lemasaa co nanu ni, fonda ya handunin bɛngula niŋnda nilan coo-o pɛɛn. I vanin icali lecoo cuavaa Israɛlla tɛɛn le fɛɛn a fɛɛn. Cuavaa Israɛlla a masaa ndaa a nɔɔliaa lɛnin diola nila diandaalan a suundiaala ndalan a á masaa ndaa vu-a kumbɔɔ nanu le.

Efɛsea 2:20

La siŋnun maa ɲɛm tangulaa cɛi. Cɛi kon yɛ, kiilaa a vanaa-tɛɛngaa-diom Hala-a o kilan coo ni, Yeesu Krista pila co pow lebollo ni.

Esekiɛl 36:25

I fasaŋanin niaa mɛmma diandan coo, o kon mì la dendu. I tɔaanin niaa le dɛnnda nɔɔlɛila niaalan kpow a le piɔmaa niaa kpede.

Tɔŋ miingua 5:7

Lelan, la bɛnda mi la sooluu halaa celen o ya kɔɔli le.

Condii lisai 90:1

Piɛile Moise, vana Hala-o. Éé Mɛlɛka! Kabi paandu, nɔm yɔŋnun nɛɛ viannannda le naa ni.

Fulaa 34:14

La bàŋ vulan ɲɛ biilaa celen o labɛngunin te, kani ya Mɛlɛka, diola nilan la co ni aa ‹Vana paŋalaa›. Hala paŋalaa ya co ni.

Fulaa 20:3

Lelan, la bɛnda mi la sooluu halaa celen o ya kɔɔli le.

Matie 6:24

«Vana-vana tiwba mò tosal vanaa bɛndua nda ŋiɔn baalaa o lepilɔɔ le. Kani o pilɛ nɛinunnin ndu, mò kaola o pilɔɔ, te kon te o yiinunnin a ò pilɛ, mò mulul o pilɔɔ kɔɔ. Lá tiwba mì la tosal Hala a volion baalaa o lepilɔɔ le.»

Fulaa 23:13

La bɛnda mì la bii sɔɔn ya dimul niaa-on kpow. La sooluu halaa celen te, la pial bɛɛ nda diolan te.»

Dɛnnda cɔɔmuanndan 2:1

Sɛval mɛlɛkanɔ vanaa laalannda Efɛs aa: «Ɲɛ vana nɔ loeon ŋɔmmɛwvon o ba ndɔ kɛndɔɔ-o, o co balɔɔ o ɲɛla-kɛsiaa-lafitinala ŋɔmmɛwla n'sianilan tɛɛn-ndo dimi-o co hoo ni aa:

Osee 14:8

A muungunin mà cal o vunduma ndɔan bɛngu. A muungunin mà vàá maalon, mà kui mɛɛ rɛsɛnndon koam yɛ, mà sɔla tɔ́ɔ́ maa mɔiyan Liban.

1Masaa 18:21

Mí Elii sɔɔnguu vannda kpow o hɔl, mó ɲuna aa: «Lɔ́ɔ́ kuɛɛ nɛ niaa sanga yɛnin a dɛnndan ndan kpɔɔndiaa? Te Mɛlɛka Hala co Hala kpeekpeiyo ni, mɛɛ la mulin ndu kɔɔli. Te piɔmndo Baal co yɛ hala ni, mɛɛ la lo ndu kɔɔli.» Kɛ a mulul ndu mɛ̀ɛ́-mɛ̀ɛ́ le.

Sofoni 1:5

I tɛɛmbuunin vanaa hel o yindɔla cɛilan coo, má va vulan baŋɔɔ le ɲɛm pangelen co o halataala-on biiloo-a. I tɛɛmbuunin vɛlɛ vanaa co vulan baŋɔɔ ya Mɛlɛka o labɛngunin, má va mɛnanndo o diola nilan, kɛ má va kpemalan yiiyo o diola piɔmndo Molɛk lan-nda kpow.

Fulaa 25:8

Ma tosal-la Cɛi-Diandaa haliko mi cal Israɛlla tɛɛn.

Yeremi 31:1

Diom Mɛlɛka soo-o co hoo ni aa: «Paale vanin mì siŋnun Hala yungula Israɛlla kpow, mì nda siŋnun vanaa nia.»

Matie 16:16

Mí Simɔn Piɛr muli aa: «Nɔm co Krista ni, Po Hala kiyɛiyo.»

Nsaŋ 14:23

Mí Yeesu mulul ndu aa: «Te vanndo kaola ya pɛ, o biinin sɔɛi nii, mì Fuɲa nuu kaola ndu. N hunnin o vana kon-ndo, mì n kila calta naalan o ndu lo.

1Korɛntea 10:21

La nɔla mì la va kolɔɔ o taala kólaa Maalii-o nin a o taala kólaa ɲinaa vɔɔnda nin te. La nɔ́là vɛlɛ mì la va ɲɛdiaa Maalii-o dioo mì la va vɛlɛ ɲɛdiaa ɲinaa vɔɔnda dioo le.

Efɛsea 2:22

Niaa bɛɛ, la co a tangulaa latulu le siŋnɔnndo fonda calaa, nɛɛ Hala càl o Kɔl-Diandaa ndɔɔ nin-nda.

1Timote 3:15

kɛ te i yala lakɔ le, sɛbɔɔ ho malanin nɔm pɔɔ le sinaa mɛɛ vannda bɛnda mà va kelaa o Cɛi-Hala-o nin yɛ, vanaa laalaŋaa Hala nɔ yoomoo o ba-o-a pɛɛn, nduyɛ nda co sungbulen a tiindan toɲaa ni.

Nsaki 4:5

La yiyan te maa fondo fúú o sɛvan-ndo dimi aa: «Kɔl Hala luei naa nin-ndo, o kaola ndu taw a paŋalaa.»

Luke 5:36

Mó dimul nda vɛlɛ taloo aa: «Vana sɛɛsa doma sɛnɛiyo pɛngɛi, mà baŋul tɛɛngei o doma paandoo a pɛngɛi ken te. Te vana tosa yɛ pɛ lende, mɛɛ o tɛɛmbuu doma sɛnɛiyo, kani pɛngɛi doma sɛnɛiyo bɛndanin o doma paandoo le.