2Korɛntea 6:11 - BII BILA

¹¹ Caaŋaa naa Korɛnte, kpendekele naa n soo o niaa lo ni, mí n kumbil niaa kɔlta naalan kpow.

2Korɛntea 6:11 Referans Kwoze

Filipea 1:8

Nduyɛ Hala co ya lesei maa i kaola niaa taw o Yeesu Krista nin.

2Korɛntea 12:15

Lelan, ɲaaloo co ya o kɔl taw, mì pisi ɲɛ-ɲɛ ya nɔ le niaa, hali ya pila i pisin bɛɛ le yoomula niaalan. Te i kaola niaa pɛ kaola vaa lende, vɛ̀ɛ̀ mì niaa kaola ya ɲɛ-pɔmbɔ?

Condii lisai 119:32

I co kelaa o nɛila tɔŋ nɔmndo coo, kani a ke kɔl nuu pɛngio.

2Korɛntea 2:4

Lende koni, a kɔl tambɛiyo taw a á siòònde ya sɛval niaa ni, mɛmɛan ma va ya o hɔl taw-taw. Nduyɛ o co le niaa lakɔl tɛɛmbuu le, kɛ haliko mi la sínà kaola bɛndu ya kaola niaa-o.

Dɛnnda cɔɔmuanndan 22:12

Tofa vɔ, i co hunɔɔ sunsun, i co hunɔɔ a vɔ̀ngɔ̀la nilan, le vana-vana mingullo mɛɛ dɛnnda ndɔlan la co yɛ.

Filipea 4:15

Niaa pila Filipea, la sínà maa telen Yoongu kɛndɔɔ kandu yondanndo-o ya faŋan Maseduan ni, niaa pilɛ kpé yɔŋnun vanaa laalaŋaa mala ya-a ni.

Kalatea 3:1

Éé niaa Kalatea diɔmnda ha! Nɛɛ mangala yɛ dɔ́ɔ́ niaa kɔltan niŋ nuaa? Nduyɛ niaa o hɔl kpendekele naa n cɔm niaa sɔɛi Yeesu Krista nda baŋ o yɔm singafilaa coo-e ni.

1Samiɛl 2:1

O kon mí Anɛɛ tosa piɛilen mó dimi aa: «Kɔl nuu co o piaa a ɲaaloo le kɛndɛi Mɛlɛka-e. Le kɛndɛi Mɛlɛka-e, siɛmbula co ya le. I nɔla nin mì mam yaamɔaa nia. I co a kɔlkɛndɔɔ, kani Mɛlɛka cii ya mala.

Efɛsea 6:8

Kani mɛɛ mì la sina maa, o va cɛ, o va vana co o ba ndɔɔ coo-o, Mɛlɛka mingulnin vana-vana mɛɛ dɛnɛ kɛndɛ o tosa-o co yɛ.

Habakuk 2:5

A toɲa, mɔiyan ma pala vana: vanaa yongaa nɔ pɛngi le, yeemɛi ndɛi cuu lɔ́ɔ́-lɔ́ɔ̀ le. Te ciee-piɔ́m sanga pɛ a vanvílɛ́iya, mɛɛ nda bɛɛ a sanganin a vannda delɔɔ coo le nda siinguuo cɛa ndaa.

Condii lisai 51:15

O kon, i pɛɛkunin vanaa co nɔm simullo-a nɛila nɔmndan, mì vanaa lahakia muungu nɔm o ibuŋ.

SƐBƐ YƆB-O 32:20

I co isɔɔ mì tiimbun kɔllo, i kumbinin sondoo mì muli.

Esai 60:5

A canin ɲɛ ma naŋ kɔl taw, kɔl nɔmndo ɲiiyanin mì ɲɔɔ hɛnan nɔm taw-taw. Kani bolofaa mɛmma ihɛllo hunnin sumialii nɔm, ɲɛ-sɔlaa vanaa-mangalaa-isɔɔa hunnin nɔm o ba,

Esekiɛl 33:22

Nduyɛ, telen pá mí vana hɛlun kon Yerusalɛm-ndo tiiya o ya lo diimandɔɔ idiiyo, ba kpaaya Mɛlɛka-o va fɔlɔn ya coo icɔllo, telen langbanɔ kon tiiya o ya lo diimandɔɔ idiiyo-o, mí Mɛlɛka timbi ya sondoo le sɔɛi. Mí sondo nuu kumbin, i ve lɛ bobonɔ le.

Dɛnnda kiilaa 18:1

O kon kɔɔli, mí Pol faŋan Atɛn, mó kɔa Korɛnte.

Dɛnnda kiilaa 18:8

Mí Krispis simlacinɔ cɛi lekaando nda yungu ndɔɔ kpow a laalan Maalii. Mí Korɛntea bɔɔ-bɔɔ a va Pol nilan yaŋɔɔ-a bɛɛ a laalan, má sɔla yinɔɔ.

Kalatea 4:12

A yandi puapilɛa nia, la tosa dɛnndan maa ya, kani ya bɛɛ maa niaa ya co ni.

Efɛsea 6:19

La piɛi vɛlɛ Hala le ya, haliko te i va pɛ sɔɛi, mò ke ya diomnda bɛnda lan, mì soo a kɔlkɛsiaa, mì cɔm vannda sɔɛi vianaŋii co o Yoongu kɛndɔɔ nin-nde.