2Korɛntea 6:1 - BII BILA

¹ Lelan, naa co vallo a Hala diom pilɛ-a, n co niaa tɛɛlɔn, la cɛ̀l mì kɛndɛi niaa sɔla Hala o ba-e i tambun fúú le.

2Korɛntea 6:1 Referans Kwoze

Hebreea 12:15

La caa dɛ! Vana-vana fula o kɛndɛi Hala-e bɛngu le. Vana-vana va maa tɔlɔɔ vɔɔn vul o tɔlɔɔ kɛndɔɔ tɛɛn mò tɛɛmbuu ndu-o le.

1Korɛntea 3:9

Kani vanaa co baalaa latulu a Hala-a naa n co ni. Niaa co ciɛi ndɔɛi ni.

1Piɛr 4:10

Vana-vana tosa mì caanda sɔla malaa o ke o sɔla Hala o ba-o nin. O kon mì la siŋnun vanaa caa ɲɔɔn mandaa-a, ɲɛm Hala ke niaa-on.

Kalatea 2:21

I kɛɛ le kɛndɛi Hala-e kɛɔ. Kani te tɔŋndo siinguu vana vana sandaa ni, mɛɛ fondo fúú koni Krista vi ni.

Hebreea 12:25

La caa dɛ! La kɛɛ diom vana co sɔɛi o niaa lo-o le. Kani vanaa kɛɛ sɔɛi vana va nda kanalanndo o lɛŋnden coo-o-a helun dɛnɛ palaa ndóò bɛnda le nda delɔɔ coo-o le. Konin te naa, vɛ̀ɛ̀ naa n hialun yɛnin, te n mulul pɛ diom vana fula o halataala le naa kanalanndo-o kɔɔ?

Rɔmnda 12:1

Puapilɛa nia, le mɛɛ Hala co naa ɲííye tuinɔnndo yɛ, i co niaa yoomuan luei mì niaa pila solin sálà kiyɛiyo, o dendu mo hɛnan Hala-o, kaannde kpeekpeile niaa bɛnda mì la tosa len le co len ni.

Kalatea 3:4

Vɛ̀ɛ̀ mì o kɛ́-kɛ̀ niaa tosa hoo ndu yɔŋnun fúú? O bɛnda mò yɔŋnun fúú le.

Dɛnnda kiilaa 14:3

Kɛ nduyɛ, mí Pol nda Barnabas a cii telen vilɛi Ikoniɔm ciee. A va sɔɛi a laalanndo, kani ndáà tiindan Mɛlɛka, mí Mɛlɛka cɛl, má tosa dɛnnda kaamaalan a dɛnnda kɔndɔfiltan le cɔmndo maa toɲaa sɔɛi nda va dimio a kɛndɛi ndɔɛi o kɔɔ-e va ni.

Tite 2:11

Kani Hala cɔm kɛndɛi ndɔɛi, i yɔngú vannda kpow cindaa-e.

Matie 23:37

Mí Yeesu dimi aa: «Kpòkóó Yerusalɛm! Yerusalɛm, nɔm diw hoo vanaa-tɛɛngaa-diom Hala-a, má vii vanaa nda vim nɔm-nda a powtan-ndo! I kindin o nɛi oo nɛi coo le cuavaa nɔmnda mɔɔsiaa mɛɛ sɔɔ komsaa mɔɔsiaa cuavaa ndɔa o kumbanndan bɛngu nuaa yɛ, kɛ à cɛl te.

2Korɛntea 10:1

Ya Pol, i co niaa tɛɛlɔn o yeela Krista-o nin a o vanakɛndɛyɛi ndɔɛi nin, ya vana vannda co hoo dimio maa te i va pɛ niaa tɛɛn, i soo fɛ́ɛ́-fɛ́ɛ́ a niaa, kɛ te i va pɛ niaa levil, i soo a hɔlta kalalan-ndo.

Yeremi 8:8

Le yɛɛ niaa co yɛ dimio aa: «Vanaa kɔlkalua naa n co ni, tɔŋ Mɛlɛka-o co naa o ba»? A toɲa, o kafalan coo daama vanaa sɛvaa latɔŋnda co ndu sɛvaa a kpɛkile lacòò len ni.

1Samiɛl 14:45

Kɛ mí vannda kpow dimul ndu Saul aa: «Yéè mì Yonatan vi? Kámáá ndu le baŋa naa hau baŋa bɛndoo ho le? Te Mɛlɛka co yoomu, hali yiinnde ndɔlen ten pilɛ bɛɛ le delnin lɛŋ te! Kani Hala va ndu ikɛi o dɛnɛ bɛndu o tosa hoo hau-vo nin.» Nuaa vannda baŋa Yonatan ni, o sɔla lɛ ɲinkon piɔ́mndo le.

Dɛnnda kiilaa 11:23

Mɛɛ o tiiya, mó ca mɛɛ Hala va nda kɛndɛi tosallo yɛ, mó dɔawnun ɲaale, mó luei nda kpow yoomuan le lou a yiinan-nda a Maalii o kɔl pilɔɔ nin.

1Tesalonikea 3:5

Lelan, le mɛɛ yáà tiw lɛ ba cum kon yulɔɔ le yɛ, mí viam Timote le kɔlan sɔɔn ɲuuniaa a laalan niaa o kɔɔ. I va buulanndo yɔŋii ɲina vɔɔndo ndóò tɔɔndan niaa, mì vali naa ndóò siŋnun fúú.

Hebreea 4:1

Hala cii naa dimul maa n luɛinin o pɛngi o toosial naa-o nin. Lelan n mandan taw, vana-vana o niaa tɛɛn bɛnda mò lo kɔɔli le luɛyɔɔ o pɛngi kon nin te.